احببت مذيع (روايات ليبية )

حلقة 4🔥

#أحببت_مذيع 🔥 الجزء الرابع 🔥😎
المهم انا قعدت ماسكه تليفوني وانتابع في برنامجه لعبود ونرجا في انتهاء الحلقه وان يمر وقت ويجي علي شان انشوفه شخصيا وقعد كل ما الوقت يقدم قلبي يقعد يدق بزياده ❤🔥 توترت وخفت يعني حانشوفه يا ناس وحايشوفني حتى هو وزعما نعجبه مش عارفه بعد الوقت قرب بزياده زدت خوف وقعد تفكيري ان شنو يصير من شوفتي لعبود فطنت لتليفوني يرن ولقيته هو رديت طول
عبود...صباح الخير
ايه...صباح النور
عبود...غريبه ما اتصلتي في برنامج زي كل يوم
ايه...ابتسمت ان مهتم حتى بليش ما اتصلت تنهدت بصراحه لان حانشوفك شخصيا ما قدرتش نتصل قبلها زي كل مره وانت اكيده جاي يعني انا قعده في الكافتيرياا
نزل من سيارته الفخمه وسلح نضارته الكل بحت فيه وعرفوه المذيع عبود 😍
ايه...الو معايا انت
عبود...ساكت وتليفون في وذنه وبحت في جهة الكافتيريا وقرب بخطواته للكافتيريا
ايه...الو الو عبود
عبود...معاك بس انتي وين قعده وشنو لابسه انا قريب نوصل
ايه...خدت نفس انا لابسه بلوزه بيضه وقعده حداه الروشن وبحتت في جهة الروشن وتنهدت وحست ان الخط تسكر وفجأه بحتت قدامها وشهقت عبود قعد مقابلها علي نفس الطاوله هو بذاته يبحت فيها ويتفحص بملامحها شافت ابتسامه حلوه زادت حلاوته سكتت وبس نضارتهم لبعضهم بدون ما يحكو هي تبحت فيه بحب وهو وكأن يعرفها من زمان لان مهتمه بأمره واجد واتصالاتها ومدحها له خلاته يتشوق يشوفها
عبود ... أميرة السلام  (  ايه  ) ؟
ايه...ابتسمت هي بذاتها
عبود..مد يده يسلم ويبتسم
ارتبكت وقعدت لوقت تبحت في يده وبعدها سلمت عليه بإرتباك وهو قعد ماسكها ليدها وما طلقهاا ويبحت فيها زين
عبود..تصدقي اني فرحة بشوفتك وطلق يدها لو موافقه انا ما نبيها اتكون اخر لقاء يعني نبي ديما نتلاقو ونحكو نبي نتواصل معاك ونتعرف عليك اكتر عادي
ايه...بفرحه وتردد اكيد موافقه
عبود...تمام  وبحت في قرسون شيرله يجيب كافي وحلو وبحت فيها لقاها تبحت فيه وتبتسم تجاهل نضارات الكل
بنات قعدن يبحت وحسدنها انها قعده مع مذيع شخصيه زي عبود يلي الكل يتمنه ان يحكي معاه وايه بعد وقت غارت لان جان لاعنده وطلبن صوره وهو ما عارض بالعكس انسان راقي جدا ويتعامل معاهم بود وصور سلفي وعيونه عليها حس انها اضايقت وانها بحتت في جهة الروشن ابتسم شيرلهم ان خلاص وبحت فيهاا
في نفسه جميله جدا معقوله هذي نفسها يلي تحكي معايا ليها وقت طويل تمدح فيها ملاك يستحق المدح هو مش انا قعدت سرحان فيها وكيف معصبه بحتت فيه توا ولقاته يبحت فيها استكت وارتبكت ودقات قلبها زادت وهو ما شال عيونه من عليهاا والابتسامه علي  جه
عبود..الهداية عجباتك وبحت في تليفون يلي جابه عالطاوله وبحت فيها ....
ايه...اها عجبوني لانهم منك ❤
بدون ما تحس قالت هك وبعدها فطنت كانت انسانه جريئه يلي في قلبها علي لسانهاا ومدح يطلع طول من لسانها توترت وبحتت بعيد عنه لان خلاص تورطت عرفت ان كترت في دوا
عبود...اهم شي عجبوك وابتسم وهو عارف وسمع يلي قلاته قبل اشويه بس دار روحه عادي ان ما سمعها
وهي توترت وتبي تصبي تهرب من نصاراته لها صبا حتى هو وبحت فيهاا
عبود..تبي تمشي مزال بدري
ايه...لان تأخرت بابا اشويه ويجي ياخدني 
عبود...تمام براحتك 😊
ولحقها شافها تمشي ومتوتره وكل اشويه تبحت فيه لما تلتفت
وشافها خشت جوا للكليه
تنهد قعد يبحت فيها حتى اختفت من مكانها وهي فرحانه وطارت من الفرحه ان هو حكاه وبحو فيها بطريقه غير احتارت تعرف وهمست بلكي معجب بيا وقعدت تفكر وتفكر بعدها شفاته مع الروشن عدا وركب في سيارته قعد وقت وهو في السياره ويبحت في الكليه يلي خشيت فيها وبعدها عدا انا من مشيته عدت نجري لاعند نورا كنت عارفه ان حانلاقيها في قاعتها ترسم 😂👌
يا باش مهندسه ألحقي عليا قلبي قلبي
نورا...بسم الله علي قليبك كنك شنو فيه وشفتيه عبود امتعك
ايه...شفته وعن قريب يجنن ما احلاه بجد قلبي ما وقف يا نورا قريب وقف وخاصة البنات يلي صورا معاه ما عارض انسان ولا اروع بس نضارته ليا مش زيهم هو ما شال عينه من عليا لدرجة هربت منه وحق ربي توا يقول عليا هبله بس اللقطه هذي ماكنتش متوقعه ان حايجي يوم نقعد مقابله عبود وما يشيل عيونه من عليا صدمني هالموقف وحطت يدها علي قلبها ونورا تسمع اول مره تشوفها هك عرفتها ان مش بس مهووسه بيه لا حب عبود جننها وما يخليها تفكر في غيره ابدا وابتسمت نورا ... وقالت وشنو اخرا كملي
ايه...اممم وقعدت جنبها طلب ان نتقابلو مره تانيه وتالثه وان اللقاء الاول ما يكونش الاخير يا نورا وهو مهتم بيا حتي قالي ما اتصلتي اليوم
نورا...تخيلي يقعد يفكر فيك زيك مع اني ما نفهمش فيه جو حب وعلاقات انا بس عبود شكله يحب يسمعك وانتي قلتي ان ما شال عيونه من عليك وان جان بنات وصورا معاه وتواضعه وشخصيته يلي ميته عليها بزياده ما منعهم وصور معاهم بس قلتي ان هو ما بحت فيهم زيك انتي
معناها في شي وهالشي نعرفوه مع الايام
ايه...يعني شنو يمكن حلمي يتحقق وان يفكر فيا ويحبني 😭😭😭
نورا...مش عارفه انتي يلي تحكي معاه وحاولي انك ما تتصلي بيه فتره خليه هو يتصل حتي في برامجه عودي نفسك هك لو سأل وان ليش ما اتصلتي ولو شفتيه قال هالشي لمشتركه تانيه معناها هو عادي يعامل فيك زيهم
ايه...بس يا نونا انتي ما شفتيه لما نتصل بيه كيف يبتسم وطاير عقله لكن لما تحكي معاه بنت تانيه ما يعدلش شخصيته عاديه ابتسامه مش نفس لما نتصل انا هالابتسامه شفتها اليوم لما قعد مقابلني وشفته وجه لوجه
نورا...صبت وحطت يدها علي كتفها
الايام تتبث هالشي ان هو فعلا يبيك او لا
واذا في امل في هوسك بيه
ايه...خايفه ان ننجرح في الاخير
نورا...انتي مش قلتي ان هو غير
خلاص خليك واثقه ان هو مستحيل يضرك ولو يحبك حايقولها زي ما طلب ان تتواصلو ديما وان شاء الله خير
ايه...هزت راسها وسرحت بعيد
خشت في دوامه 👌 تفكيرها في عبود زاد عن حده وخاصة بعد شفاته 
خايفه ان ما يكونش لهااا
........
.........
عبود يسوق في السياره ويبتسم وتفكيره فيها ما توقع انها بهالجمال ما توقع ان تقول علي انهم منك اكيد يعجبوني
حاسس بشيء غريب احساس اول مره يحسه مش عارف شنو صارله تمنى ان الوقت ما كمل وان قعدت مقابلته وسرح فيها بزياده تنهد وهمس شنو صارلك يا عبود معقوله يلي تفكر في طموحاتك وحياتك بنت تقلب حياتك هالقلبه معقوله شنو يسمو في الشي هضا انا لازم نقابل الشله امتعي 😂👌 نسألها
وفعلا قابلهم وقعدين في نادي رياضي
ومعتز يفكر في حنان وكيف دوت معاه امس وكيف ان تأتر من دوتها تمنى ان يتصل اخرا واترد بس مقفل تليفونها بحت في عبود يلي سارح وهو يتمرن
معتز...كنك
ايمن...قال لحظه توا نحكي خليه
عبود...وقف وبحت فيهم تذكرو اميرة السلام
معتز / ايمن  ... كنهاا في جديد
في موضوعها هالبنت
عبود...شفتها اليوم قلت شي مصدوم في نفسي فيه
معتز...انك اتحبها
عبود...لالا قلت ان نتمنه ان هاللقاء مش الاخير وان نتقابلو مره تانيه وان نستمر علي تواصل بجد مصدوم من نفسي ما عمري كونت علاقات وتواصل مع بنت غير في برنامج انتو عارفين ان ماعنديش جو في وجيج البنات بس هالبنت حسيتها تختلف عن الكل كلماتها يا شباب حتى وقدامي انسانه صريحه وجريئه وفوقها جميله مش عارف شنو صارلي ما قدرتش نشيل عيوني من عليها حسيت بإحساس اول مرا نحسه ساد لما تحكي معايا ع هواء توا لما شفتها قلبي دقاته سريعه وحط يده علي قلبه هالبنت قلبت حياتي حتى لمحت انها غارت عشان بنات صورو معايا وهي ما طلبت علي فكره انها تصور هي بس تزرق منها كلمات حلوه وتسكت تتهرب انها تبحت فيا من الخجل مني
تمنيت ان نقعد معاها لوقت طويل لما نسمع صوتها ننسى العالم ما بالك شفتها يا شباب عبود ولهان في معجبه بيه شكله هضا يلي صاير اني ولهان علي قولتكم
بحت فيهم ولقاهم منسجين وهو يحكي
معتز ..هيا كمل انسجمت
عبود...بلا براده
معتز...والله انسجمت واول مره نشوفك هك شكلك حاتحبها لان انت مش بالساهل بنت تاخد عقلك زي ما دارت هي انا نتابع في برامجك ونشوف فيك كيف تفرح لما تسمع صوتها وتتصل وكيف تتعقد بعد يتصل حد تاني وانت متوقع انها هي يلي اتصلت
عبود...سكت وعدا ادرب مره تانيه وطالع يجنن لو شفاته كانت راحت فيها 👌😂
..............
ايه خشت للحوش تايها وتفكر في يومها بحتت في تليفونها ما اتصلش تنهدت وخشت لغرفتها
حنان...خشت عليها كنك انتي من امس وانتي مش عاجبتيني
ايه...بحتت فيها من امتى تسألي وتحققي معاياا خلينا في حالي بجد انا توا ماعنديش نيه حتى نحكي
حنان...اكيد بخصوص عبود لاعند وين حايوديك هالهوس والتفكير فيه
ايه...حنان 😠 اطلعي من حداه وجي
و وين ماما وبابا وانس
حنان...عدو لحوش خالتي مريضه
ايه...تنهدت باهي اطلعي وسكري الباب وراك
حنان...طلعت وسكرت الباب وفتحت تليفونها تبي تتصل بصاحبتها وصلتها رساله من معتز
معتز...( كيف كان امتحانك اليوم تمام )
.............
#يتبع