احببت مذيع (روايات ليبية )

حلقة 6🔥

#أحببت_مذيع 🔥 في الجزء السادس 🔥
انا قعد تفكيري ببكرا وشنو حايقول عبود ليا احترت الحق وخايفه يقول شي يصدمني قلبي مش مطمن وان شاء الله خير تنهدت وقعدت علي سريري وزاد تفكيري ببكرا بعدها قلت احسن حل نصبي نخش للحمام ندوش عشان مانفكرش في الموضوع اكتر لان انا فضوليه 🔥 بشكل غريب نقعد علي أعصابي ما نتحملش ....
.....
وحنان من طلعتها من حمام اذكرت معتز وهمست بارد وحق ربي زعم كبدي وأنا مش فاضيتله الحمدلله حضرته وتخلصت منه لان لو ما درت هك مش حانتخلص منه فالحل الوحيد هو تصرفي ويقول يلي يبي يقوله عليا لاني ما غلطت هو زودها وأنا درتله اللازم بس عليش نفكر في موضوعه شنو دخلني بيييه 😈😈
.............
عبود نزل من غرفته وخش علي امه في المطبخ ... صباح الخيرات يالغاليه
وفاءً...صباحو نوم العوافي ان شاء الله
عبود...صب أميه يشرب ويفكر في ايه
وفاء...بحتت فيه كنك حسيتك تفكر في حاجه
عبود...اممم لالا ما في شي
وفاء...متأگد مافي شي
عبود...اهاا يا ماما وقعد عالكرسي
وفاء...شنو جو برامجك تمام
عبود...تمام وتنهد تنهيده شغلت بال امه بس سكتت ما بش يحكي اصلا
........
طلعت من الدوش وعدت لغرفتها علي طول قعدت تجفف في شعرها وسرحانه في عبود زي العاده 😂 تحبه بصدق حبه له مجننها مش مخليها تفكر في نفسها كل شي هو  و واخد كل وقتها هو واسمه وحبه محفور بقلبها قعدت تجفف في شعرها ومنسجمه وهي تفكر وترجا في بكرا 👌
وبعدها سمعت تخبيط علي غرفتها
انس...قتلك ماما تعالي افطري الضهر يبي يأذن وما كليتي شي 😈
ايه...باهي توا انجي وهمست من كتر حبي وتفكيري فيه حتى نفسي واني فطرت او لا ناسيتها وحق ربي الحب هضا ينسيك حتى اسمك واخ منك يا نونا شككتيني في عبود قعدت نفكر في كل شي يقوله او يلمحه تنهدت ان شاء الله خير وصبت بخت عطر وعدت للمطبخ
نجمه...كنك يا حنه بالقول هي عشان تجي تفطري
ايه...كنت ندوش وبعدها جففت شعري ومشطته وجيت
نجمه...باهي افطري بسرعه
والله ما انضني تتغذي انتي هامله روحك وكل شي مش عارفه ليش اكيده بسبب عبود يلي نساك حتي قرايتك
ايه...كانت حالتها بكل وامها زادتها عليها سيبت حتى فطور  ومشت حبست روحها في غرفتها وكانت هاديه جدا وهمست اه حاسه قلبي واجعني مش عارفه ليش بس واجعني 💔😔
ويومي قعد هك وفي وقت غذاء ماما قعدت ادق عليا هي وبابا ان انجي ما حبيت نشغل بالهم عليا عديت وتغذيت معاهم وكل اشويه نخش في دوامة التفكير يلي مجننتني ومش عارفه ليش
وكمل يومي كله هك نتجاهل في اي  حد يسألني كنك وليش تتصرفي هك كله نتجاهل فيه لاعند ما جاه الليل رقدت بدري عشان نهرب من تفكيري
........
وجاه اليوم التاني واخيرا
ع 7 الصبح
نضت وجهزت نفسي لبست اللون الابيض لان بجد هو انحبه ولوني المفضل نحب نلبسه وحتى الكل يقولي ان الابيض محليك بزياده بعد جهزت نفسي ولميت حاجتي عديت وقعدت نرجا في الحافله
حتي جات وعديت وطول الطريق سرحانه وهاديه بكل انا قعدت قبل مشاكسه وهرجتي واجده وديما نضحك بس في لليله وحده انقلبت حياتي مش عارفه ليش هك حاسه ان مشيتي للكليه وان نقابل عبدو وان حايقول شي حاسه ان هالشي حايصدمني تنهدت وبعد وصلت للكليه نزلت وقعدت في نفس المكان يلي ديما نقعد فيه ونورا جات لاعندي وبحتت فيا ....
نورا...كنك ع صبح
ايه...تنهدت عبدو حايجي ويقولي حاجه
نورا...وعليش خايفه وانتي مش اتحبيه وقلتي ان هو شخص مثالي خلاص ما تحبطي نفسك وخير ان شاء الله
ايه...تعرفي مانبيش نحضر محاضره لان حانشوف عبود ومش حاننتبه اصلا لان عقلي بعيد يا نورا بكل عقلي مشتت وحاير مش عارفه ليش اول مره نحس اني ضعيفه هك اكيده استغربتي سبب تغيري
نورا...يلي غيرك هو حبك وهوسك بعبود
هضا السبب يلي خلاك هك وهو لو فيه خير ربي يجمعك بيه بالحلال ولو فيه شر ربي يبعده عنك ونصيحه مني اشقي بالكليه وخودي شهادتك لاحقه عليه موضوع الحب هضا ومافيش اجمل انك تحبي حب حلال يعني تحبي زوجك بعد تجوزو وتتعرفو علي بعضكم اكتر
ايه...بس انا مش مقتنعه ان ناخد حد مانحبش
نورا...وشنو المشكله حاتحبيه بعد الزواج وحب حلال وصادق 😊 فكري انتي وزيدي فكري بعد تحكي مع عبود هيا نخليك ابروحك نمشي للمحاضره انا باي
ايه..سكتت وهزت راسها ونورا عدت وأنا من مشيت نورا ومن دوا يلي قالتها حيرتني خلتني مشتته في التفكير وحايره 😕 بس يالا نرجا ونعرف شنو يقول وساهل التفكير اخرا مانبيش نخش في دوامه تانيه من دوت نورا توا لان مجننتني قصة عبود وان الكلام يلي حايقوله عديت للكافتيريا وخديت كافي وقعدت في نفس الطاوله وقعدت نرجا لقيته باعتلي مسج بعد جات الساعه 11 قال : وينك رديت قلت : في نفس المكان وبعد وقت هو خش وجاه قعد مقابلني وقعد يبحت فيا زي المره يلي فاتت وفرح بشوفتي ونضاراته ليا سرحت فيهم هو ما تكلم ساكت وانا نفس الشي
عبود...ااا كيف حالك
ايه...الحمدلله وانت وقلبي يدق قعد بزياده
عبود..لما شفتك قعدت احسن 😊
ايه..ابتسمت وفرحت من يلي قاله
عبود..اا شنو تبي تشربي عصير او كافي
ايه...يلي تبيهاا انت ما ندورش انا
عبود...اوكي وشير للقرسون وبخبث طلب جولاطي 🍦 😂
وهي ابتسمت وسكتت وادكرت ليش جاب هك لان مرا نزل صوره وهو ياكل في جولاطي فقالت لما بعتت مسج ان طالع يجنن وهو ياكل فيه وان حتي هي اتحبه و ربي يحفظه وهو مش ناسي الدوا هذي فطلب جولاطي شافها تفكر عرفها تدكر في يلي صار ابتسم وقعد ساكت ويبحت فيها حتى جابو جولاطي وحطوه قدامهم والكل يبحت فيهم وهي قلبها يدق لان يبحت فيهاا طلب ان تاكل وهو بدأ ياكل فيه وعيونه عليهاا
عبود...نبي نسألك سؤال بصراحه ونبيك تجاوبيني عليه
ايه...قلبها دق شنو هو السؤال ؟
عبود...بدون ألغاز حانخش في موضوع طول انتي اتحبيني ؟
ايه...بلعت ريقها وسكتت وهي تعشقه مش بس اتحبه بس مش مصدقه يلي قعد يصير وكأن حلم الشخص يلي انتي اتحبيه يسأل فيك توا انك اتحبيه او لا دقات قلبها زادت وبحتت فيه وهو شير ان مزال يراجي في الرد بصوت هامس طلع منها ونزلت راسها وهي تحكي
انا انحبك من زمان
عبود...ابتسم باهي تحبيني انا شخصيا والله تحبي فلوسي ؟
ايه..انصدمت وبحتت فيه ظا توقعت يقول هك يلي قاله صدمها صبت وقعدت تبحت فيه شنو اتقول انت
عبود..انا سألتك عادي كنك عصبتي معناها سبب تعصيبك هو صح عشان فلوس
ايه...دموعها نزلو ما توقعتك هك يا عبود معقوله انت فاطن لنفسك شنو اتقول انا حبيتك من قلبي وتوا خليتني نكرهك من كل قلبي وطلعت تليفون يلي جابه لها من شنطه وحطاته حداه ماعش نبي اي شي منك وماعش تتصل بيا ولا نتصل بيك وانسى اسمي واي شي حكينا وهمست كرهتك ونزلو دموعها وعدت تجري تبكي وهو ساكت ومصدوم هي بكت معقوله كلمتي اترت فيها هك وفي شاب سمع الدوا يلي قالها توا للبنت وهو جاه معاها وصبا قرب من عبود
.....التصرف يلي توا درته انت
حطم قلب انثي واضح انها تحبك ما تحبش فلوسك بس تأگد انك خسرت وحده حباتك فعلا من كل قلبها وحاتجيك وحده تحب فلوسك وابتسم بإستهزاء وعده رد لمكانه وعبود مصدوم هو ماعندش في وجيج بنات ومايعرف يتعامل معاهم ومش عارف ان كلمه يلي قالها هو يسحبها عاديه وهي دمرت ايه دمرتها قعده تبكي ومنهاره طلعت طول وركبت في الباص وطلبت منه يوصلهاا
وعبود طلع برا وما شافها وانتبه للباص شافها تبكي بقهر ليش تبكي ليش وبحت في تليفون يلي سيباته فتحه وكانت ❤حاطه صورته ومكتوب عليه نبض قلبي حس بغصه وبإحساس غريب وخاصة من دموعها ومن ردة فعلها يلي خلت ايه تمشي بالشكل هضاا قعد ساكت تنهد ولبس نضارته وعده لسيارته وتفكيره في يلي صار توا وفي شوفة دموعها يلي نزلو 💔💔
......
يلي داره عبود !
صح او غلط !! ؟
برأيكم هو غلط ان يقول هك لأيه
.......
#يتبع
......