#عالمي 🌏❤
#الحلقه2 🌿💜
____________
انا : رفعني سالم للدار وعزقني عالسرير قعدت نعيط وهوا يسكر في فمي ويشرط في دبشي ويضرب فيا معش قدرت عليه من كثر الضرب ومحاولتي الهروب منه وانا مريضه اخر شي ضربته بكراعي ودفيته عند ماطاح فتحت الروشن وزبقت
انا : زبقت خوفا على شرفي مافكرتش في روحي ولا شنو حيصير فيها كل يلي فكرت فيه فكره اغتصبها راجل امها . Wiush_hamo ❤
محمد : نزلت شفت البنت طايحه وغارقه بدمها
جارهم : هذي سرور بنت مرات سالم
جارتهم : يا ناري طاحت
محمد : نزلت حطيت يدي على رقبتها شفتها فيها نبض / اطلبو الاسعاف
جارهم : مايوصل الاسعاف الا دمها نازح
محمد : رفعتها ونحل شعرها وطاح ماشفتش وجها لان كان معبا بالدم ركبتها فالسياره وركب معايا جارهم
_______
نرمين : كنك
نادين : عمو وسيم توا ركب فوق السطاح بروحه
نريمان : عديله توا
نرمين : كانت لابسه توته تيشرت كحلي وسروال واسع رصاصي لفت شعرها فوق وركبت
( كانو وسيم ونرمين عايشين في عماره وحده جدهم مايبش حد يطلع من العماره)
نرمين : ركبت ولقاته مقمعز على الارض ويدخن
وسيم : بدون مايرفع راسه خشي ريح وانتي مريضه
نرمين : قمعزت جنبه عليش تبيش تحكي معايا
وسيم : عارفه روحك شن دايره انتي
نرمين : قعدت تبكي عليش شن دايره انا كل يلي درته كنت بنحمي اختي شنو الذنب الكبير هذا
وسيم : صبى بدون مايحكي معاها وعطاها بظهره
نرمين : صبت ومسكت يده مادامك ماتبينش عليش بتقرا الفاتحه
وسيم : رد عليها ودفها عالساس و حاصرها بيديه وقعد يعيط في وجها قبل مانطلع قتلك كنك سألتك قتلك احكيلي وماتخبيش عليا شنو قلتيلي اه متذكره لامافيش شي ليش الكذب وانتي عارفه ان مانحبش الكذب وليش تمشيله بروحك مافيش رجاله وراك اه
نرمين : زادت تبكي والله ماكنت نبي نشغل بالك وانت ماشي والله وبعدين شفته في جامعه في مكان عام والله كنت بنعطيه لفلوس بس والله وقعدت تبكي
وسيم : وخر ومشى يده على شعره خلاص اسكتي
نرمين : حطت يديها على وجها وتبكي
وسيم : قرب عليها وحضنها خلاص اشش وقعد يمسح على شعرها
نرمين : رفعت روحها ولفت يديها على رقبته وباسته وبصوت واطي رايفتلك
وسيم : حول شعرها وقعد يبوس في رقبتها وانا رايفتلك بعدها ومسك وجها بيديه / ردي بالك ادسي عليا حاجه اخرى
نرمين : حطت يديها فوق يديه حاضر
وسيم : مسح دموعها وباس راسها ورد حضنها
_________
يوسف : انا نازل بنشوف باتي
حنين : باهي نزل معاك رحموني
يوسف : رحموني تعال
رحموني : نعم بابا
يوسف : جيب كندرتك
رحموني : به بابا عدا جاب كندرته وقعد يوسف يلبس فيه
حنين : ديرش هرجا باهي حبيبي
رحموني : حاضر مامي
يوسف : فتح الباب انزل نزل رحموني ويوسف مسك حنين مع خصرها وقعد يبوس فيها
حنين : احم حبيبي مش بتنزل
يوسف : ناخذ تصبيره بس
حنين : ههه هذا كلا تصبيره
يوسف : قرص خدودها مانشبعش منك اسمعي راك تشيلي ثقيل
حنين : حاضر
طلع يوسف وحنين قعدت تبرم عالحوش
#wiush_hamo
_________
