#عالمي🌍❤
#الحلقه17 🌿💜
_______________
انا سكرت الباب وخشيت لميت الفطور وحطيت المواعين فالغساله بعدها خشيت لبست سروال امريكي وعليه ماليه ورديه هادي و فوقها جاكه امريكيه لبست الوشاح
خذيت شكلاطات ونزلت
لقيت دانا
دانا : اووو لولي حمدلله على سلامتك
انا : ضحكت الله يسلمك
دانا : شن دار فيك امس
انا : عادي عصب شويا وبعدها عادي
دانا : هههه توقعته قتلك
انا : ضحكت وين عميمه وسمر
دانا : عمتك ياحنه فالكوجينه وسمر توا كيف ناضت
انا : اها خشيت سلمت على عميمه كيف حالك اليوم
عميمه : الحمدلله
انا : تبي مساعده
عميمه : شكرا نعرف ندير حاجتي بروحي
انا : ااا ربي يعاونك طلعت قمعزت مع دانا وبعدها جت سمر قعدنا نحكو
_______________
حسام : صباح الورد
هديل : شنو تبي جاي
حسام : اقل حاجه صبحي بس
صاحبتها : مانبوش انردو عليك ممكن تقلب وجك خير مانكلمو الامن
حسام : انا نحكي مع هديل مش معاك
صاحبتها : لا والله ...
هديل : خلينا شويا بنحكي معاه
صاحبتها : هديل نسيتي شنو دار فيك
هديل : مانسيتش بس بنحكي معاه
صاحبتها : صبت وهيا مش مطمنه
حسام : مسك يدها هديل والله نحبك انا عارف روحي غلطت فيك واجد لاكن بصحح غلطي انا اكتشفت اني نحبك انتي حتى هذكي بنطلقها عشانك
هديل : تنهدت وسحبت يدها حسام انت غلطت في حقي واجد انا كنت متحمله كل معاملتك ليا كنت تعامل فيا بحقاره وبجوك وتحملتك كنت تهين فيا وتحملتك انا ماسيبتكش انت يلي سيبتني توا شن جاي تبي
حسام : كل يلي قلتيه معاك حق فيه انا جاي بنصحح غلطي انتي تحبيني وانا نحبك عليش نبعدو
هديل : حسام انا مستحيل نرد نحكي معاك تبيني طلق مراتك وتعال لحوشنا اما غير هكي ماعنديش
حسام : حاضر انا حنطلقها ونجي لهلك
هديل : صبت ولمت حاجتها بعد تجي نحكو توا سلام عدت وكان في قلبها فرح
____________
محمد : ايوه
البنت : هههه رايفت عليك
محمد : هذي انتي
البنت : معقوله ترد عليا هكي وانا مرايفتلك
محمد : انتي ماينفعش معاك الطيب ومتحافيش من التهديدات
البنت : ضحكت انت اصلا مش حتوصل فيا خاف على مراتك بعد تحطها فالمدرسه باااي وسكرت
محمد : ينعن***** بنت ال****
وسيم : كنك
محمد : فرخه حرام دايرتها بيا هاك الرقم طلعلي جد اصلها
وسيم : وسع بالك هيت هنا
محمد : عطاه الرقم بنعدي ندير المداهمه ونرد نلقاك مطلعه
وسيم : تمام
محمد : يحكي باللاسلكي الكتيبه رقم*** استعدو
يوسف : نعدي معاك
محمد : لالاه انت شدد الامن هنا مرات هلهم يهجمو ولا هك
يوسف : تمام
_______________
دانا : احم ياراجلي شيلني لهلي بعدين رايفتلهم وانت حارمني منهم
عماد : واخيرا بنفتك من وجك
دانا : الله يسامحك شفتن شفتن كيف يعامل فيا الله غالب قلبي متنيل وحبك كان هذا رامطلقتك من زمان
سمر : هههههه مافيش مهرب
عماد : ابدا عارفه نوعدك بعد تقعدي اخر بنت في العالم ناخذك وعد
دانا : نعليااااا في امل يعني حطيتني فالقائمه
انا : ضحكت
سمر : خوذها وخلاص فكنا من هرجتها
عماد : زعمك ناخذها
دانا : نعليا من صبيتي يلي ترود فيا لخوها
عماد : كنك ماتقعدي كيف سلفتك ساكته وانتي اربع وعشرين ساعه تحكي
دانا : صبت ترقص ووووو قال سلفتك ووو يعمي عطيت فيا كلمه وووو
عماد : 🤦
نحن قعدنا نضحكو عليها هههه
سمر : شافت تلفونها يرن عبدو سكرت عليه وقفلاته
_______________
