#عالمي 🌍❤
#الحلقه8 🌿💜
________________
محمد : شن تقول صبى لبس كندرته بسرعه
عماد : شنو في
انا : كلنا صبينا ورا محمد يلي صبى بسرعه
محمد : هجوم عالمعسكر وانصاب وسيم
طلع محمد و وراه عماد
ام محمد : نعليااا يا وسيم
بات محمد : تفاولي خير ياوليه
ام محمد : اللهم اجعله خير
________________
احمد : كان مقمعز مع هله رن عليه صاحب وسيم / صبى شنو تقول
امه : شنو في
نرمين : حطت يدها على قلبها وقعدت تراجي شنو يقول
احمد : هيا جاي
ناريمان : شنو في
احمد : وسيم انصاب وبحت في نرمين
يلي صبت ومسكت قلبها ودموعها نزلن
نرمين : برعشه في صوتها وووسييم لاااه لاااه وتهز في راسها
امه : شوفي اختك كنها
ناريمان : مسكت نرمين نينو انصاب اكيد بسيطه
نرمين : قاالي ماننسيبكش قاللها
احمد : وين مفتاح السياره
نرمين : بنعدي معااك
احمد : وين تمشي قمعزي هنا
نرمين : بدت تعيط بنعدي بنشوووفه هذاا وسييم عاارف شنووو وسيييم وقعدت تحس في قلبها
احمد : جا يجري مسكها نرمين كنك
نرمين : قعدت بتنفس طلعوها برا
امها : تبكي تسمعي فيا
نرمين : اغمى عليها
شالها احمد يجري ومعاه ناريمان
___________________
محمد ويوسف وجماعتهم يستنو قدام غرفه العمليات
دكتور : المريض يبي دم
محمد : شنو وضعه
دكتور : ادعوله
يوسف : حط ايده على راسه وبدا يبكي
( كان الموقف صعب عليه يشوف صاحبه ورفيق عمره ينصاب قدامه وحياته في خطر معش تحمل )
محمد : يوسف قوي روحك وسيم محتاجلنا يوسف انت وياه نفس الدم
يوسف : ماقدرتش انديرله شي كلا بسببي ماحميتش خويا وانهار
محمد : مسكه من دبشه وقعد يوعي فيه على روحه عند ما يوسف تمالك روحه وصبى
محمد : يبو دم بسرعه
يوسف : انا نفس الدم انا انتبرع
( عمرك ماتهزا على راجل يبكي ممكن وجعه غلب قوت لجبال 👌 )
___________________
انا : وسيم صاحب محمد
سمر : مش بس صحبه خوت
انا : ربي يحميه حمدلله محمد كان هنا
سمر : اها حمدلله والله
ام محمد : سمر رني على هل وسيم شوفي شن صار
سمر : مرات يقعدو مش عارفين
ام محمد : ياربي من وين هالمصايب كلهن وبحتت فيا يارب فرج علينا
انا : طبست راسي
_____________
هديل : تبكي وراس عماد قولي الحق وراسك
عماد : ياحبيبي والله فالعمليات وقالو سطحي مش غميق
هديل : تشهق خللييك ممعااياا
عماد : كان صوت بكاها يقتل فيه 🔥🔥 اشش حبيبي معاك انا
هديل : قعدت ساكته وتبكي وعماد يحاول يهديها
( عماد كان راااااجل بمعنى 👉 الكلمه)
#wiush_hamo
__________________
نرمين : فتحت عيونها لقت روحها فالمستشفى و اجهزه عليها حاولت تصبي بس ثقيله (فالعنايه)
الممرضه : خليكي ماتصبيش
نرمين : ووسييم ووسييم
الممرضه : ماتتعبش روحك
نرمين : تحول فالاكسجين من عليها ودموعها ينزلن ووسييم ووين
الممرضه : وسييم من
نرمين : #عالمي 🌎
الممرضه : بحتت فيها باستغراب في جوابها
نرمين : قعدت بتصبي بس مسكها قلبها حطت يدها عليه وبتاخذ نفس
طلعت الممرضه كلمت الدكاتره
_________________
