#عالمي ❤🌍
#الحلقه11 🌿💜
_______________
عالعصر
طلع يوسف و حنين للمستشفى وحنين كانت تبكي دارولها دخول
حنين : راقده عالسرير ودوعها ينزلن ويمسح فيهن لها يوسف وماسك يدها
يوسف : باس راسها اشش خلاص دموع ربي يعوضنا اهم حاجه انتي
حنين : كان صارتلي ح ..
يوسف : ماتكمليش الكلام هذا مانبيش نسمعه
حنين : اسكتت وغمضت عيونها وقعد معاها يوسف يهدي فيها
_______________
سمر : دقت الباب و فتحلها وسيم
وسيم : اهلا
سمر : اهلين
وسيم : خشي تفضلي اووو سرونه
ساره : ادلعنيش تحقني نرمين تغار مني عشان انا احلا 😌
وسيم : ههههه معاك حق 😂
سمر : خشت وسلحت كندرتها
هديل : جت سلمت عليها اهلين اهلين
سمر : ماشبعتش منك شفتك امس واليوم وجيتك اخرى
هديل : طبست عند وذنها انتي ولا خوك
سمر : خوي 😉
هديل : هههه خشي خشي
خشت سمر وقعدت تهدرز هيا و هديل
________________
وسيم : هههه انتي رقدتي بروحك
نرمين : انت حيوان ليش ماوعيتني
وسيم : حيوان اخرى به يانرمين
نرمين : حيواني نا بس 🙈
وسيم : كما تبطلي جعونه نجي ناكلك
نرمين : ومفترس حبيبي اخرى 😍
وسيم : شكلي بنجي ونفترس عليك
نرمين : يمامي حفت منت🙁
وسيم : عض على فمه غير مش قدامي بس
نرمين : هههه موووت قهر
وسيم : به يا نرمين انتلاقو
نرمين : كان طقيتني ههه
وسيم : تحفري لروحك وتو تشوفي
نرمين : ههه خلاص سكتت
حكو شويا وسكرت نرمين رن وسيم على ناريمان
ناريمان : شكلاطات و شبس واي حاجه مقرمشه وعصاير اها وفي كويش خاطري فيه تو ندزلك صورته وعنوان المحل
وسيم : 😳 بسم الله مازلت مادويت
ناريمان : عارفه تبيني نجيب نرمين خمس دقايق وتكون فالمخزن متاع حني
وسيم : القنك صقع وانتي اليوم يكونن عندك
ناريمان : تم 😈
______________________
سمر : كيف ماتقدريش تكملي معاه عليش باهي
هديل : مش حتفهميني ياسمر رديله حاجاته وخلاص
سمر : هديل حرام عليك ماديرش فيه هكي وهوا بينهبل عليك مش لعبه هوا عندك
هديل : بدت تبكي مانقدرش انا ظلمته وظلمت روحي والله
سمر : عليش شنو في
هديل : سمر ماتضغطيش عليا بليز وصليله يلي قتلك عليه وخلاص
سمر : مش حنوصله شي وانتي كان عندك جرأه رني عليه وقوليله كل شي ولا فكري كويس خويا شاريك
هديل : قعدت تبكي بعبرتها
سمر : تو نجيبلك اميه صبت جابتلها اميه وقعدت تهدي فيها
____________________
انا : نضت عالعصر عيوني يوجعن فيا من البكاء راسي ثقيل ويوجع فيا قلبي غام عليا نفسيتي تعبانه ومضايقه تعوذت من الشيطانه صبيت خشيت للحمام غسلت وجي وتوضيت طلعت صليت كملت لقيت محمد مقمعز عالسرير
