الموصيبة و صاحبتها💖🇲🇦(مكتملة)

6

ناضو غسلو لماعن و درنا القيلولة تاع العيد هنهعه فقنا مع كاسكروط صايب ليهوم المسمن و البغرير و اتاي مشحر كلاو و كولا واحد تايشكر من جيه ختى من انس هههه

انا:دراااري قنطت فالدار يالاه نخرجو لمارينا تاع رباط بروووجولاا و نتوما ا مروان و انس و شكيب مااديروش فيها من الطبقة البرجوازية غادي تكشيو معانا و الله حنى غادي تنشطو من عندي

مروان:واخا بشرط

انا:شرط نتا لي جات معاك بففف

مروان:شهيدة غادي تمشي معايا و غادي تخليوها معايا

انا:هااء ....اممم صافي صافي واها

انس:حتى انا

انا:اوا الى ديتي شكيب معامن غادي نضحك

انس:تو تو تو غادي تمشي معايا نتي 😍

انا؛بففففف صافي واخا وااا صااابرو عليا نمشي نلبس حويجاتي

انس:صافي واخا

لبست حوايجي عبارة على قبية كبيييرة عليا بالزايد و هي فالحقيقة ديال شكيب لمهم هي فالبيض و فيها كتابة بالكحل و ضربت واحد سروال تجين فاتح مفضفض كتر من بوي فريند و فيه تقاطع كبااااار وواحد سمطة ديال اوف وايت و سبرديلة بيضة هابطة و شعري درت ليه ضفيرة معنفشة(مهملة)و هبطت لقيت شهيدة لابشة سالوبيط مفاااضفااض و من لتخت لابسة بودي بيض و سبرديلا بيضة و شعرها دايرالو سفنجة مهملة و واحد شكيب لابس سروال عسكري و قميجة بيضة و جاكيط تاع الجلد فالكحل و سبرديلا بيضة اما انس لابس قبية بيضة كي فحال ديالي تماما و سروال جينز فيه تقاطع من ركبة و سبرديلا بيضة بقيت غير تانشوف فهاد الخليقة لي قدامي و واحد سيهوم مريوينة لابسة بغيت نقول لابس تجين كيفحا لون ديال سالوبيط تاع شهيدة و بودي بيض و سبرديلا بيضة

انا:وااا لاااواه اوو معاند معايا حت  فاللبس شهاد تخويرة

انش:واا غير تيتي مال مك كاتغلاي راه هادشي لي لقيتو هو اللول فالصاك تاعي و يالاه زيدو مابغيتوش تخرجو نييت راه فيا نعاس(دار راسو بحالا غادي يمشي)

انا:(شديت ليه يديه و بقيت تانسايس معاه)واا لا اصاحبي هه بالاه نمشيو

بعد 40 دقيقة هاحنا قدام ماجيك بارك داهل كتر من لهارج ليكوبل تايتساراو و كولهوم ضاحكين انا و انس بوحدنا جنبنا ليمن كاينا شهيدة و مروان و جبنا ليصر كاين شكيب الوحيد هههه لبنت لي لقاها بوحدها تايغمزها و تقول لابغات تتشد ليه شي تيتزة

انا:احي من فوقاش و نتا كاتعرف هاد شكيب

انس:شي 6 سنين هادي

انا:وشحال فعمرك

انس:29

انا:(هزيا يديا لسما و نطقت بالغوات)اشهد ياااا عااالم

انس:علاش كي جيتك ياكما تانبان صغير

انا:واك واك تا مالك تفروحتي على هاد الفورما لي تجيب 1000 مني و تقول ليا كانبان صغير نندب هوك ولا هوك

انس:هههههههه هههههههههه