الموصيبة و صاحبتها💖🇲🇦(مكتملة)

15

دخلنا درية للسبيطار بقاو تايضربو ليه السلام و كايترعدو منو ماعرفت لاش(اوااا هااانتي غادا تعرفي الحووب الكبيدة)

انا:خاي لؤي بسلامة

لؤي:لا بقاي باقي باغيك

انا:علاش؟

لؤي:بغيتك تعطيني تيليفونك نصوني بيه

انا:امم اوكاي خود

عطيتو لمشقوف و الغريب من الامر دوز نمرة تاع انس و جاوبو

لؤي:الو انس

انا:حبس حبس الحزااق كاااامل  منيتك اعشيري منين كاتعرف هاد خونا🤨

لؤي:انس كاتسمعني

انس:وي وي كانسمعك والاكين مولات هاد تيلي كاتعرفها

لؤي:اه راه درت كسيدة انا و رنيم و هي تعتقني و جابتي لسبيطار

انس:امم اوكاي انا غادي نعيط لكارد كورد باش يجيبو ليك تيلي باي

انا:وااا العزاااوي و زعبوولا

لؤي:نعااام

انا:واش لاباس شنو تايجيك هاداك لي عيطتي ليه

لؤي:علاش باغا تعرفي

انا:صافي قمعتيني يالاه سربي سير شوف هاد و يالا نوصلك تشوف غراضك و نمشي فيحالاتي

لؤي:واخا شكرا بزاااف

انا:هانيا😪

مشى عند ختو تطمن عليها و نعت ليا واحد البلاصة و بقينا طوموبيل كحلة رونج روفر
كال ليا بسلامة و مشا

انا:غاااادي نعيط لهاد كارو تاع انس و نشوف اش من موراه

يالاه غادي نصوني عليه لقيتو  بلوكاني من نمرة و لواتساب

انا:الله يحرق لمك لعضام يا انس يا لعوج يا لحمق يا لحمار يا القطط يا المصنن الله يعطيك شي قجة و يكون شي جني قجك تفو عليك يا الحمقة لا نتا لا هاداك مروان

بقيت غادا ب لوطو حتى تلفت و لقيت واحد الغابة خاااوية تما عرفت زعامتي مشات ركبة فيا الخلعة حتى بقيت تانترعد كولا مرة و نشد لفران بالغلط بقوة الرعدة لي شداتني بقيت هاكاك شي تلاتة تاع السوايع و باق حتى شي طوموبيل مادازت انا صافي طلقتها فسروالي شي تلاتة تاع المرات نزلت مشيت جبدت واحد جلابة كحلة جاتني مزيرة من المناطق المنفوخة ههه(نتي فموصيبة و كاضحكي يا الموصيبة)و واحد سبرديلة كحلة و خليت شعري مطلوق خديت لما ورشيتو فين طلقت لبولا بقيت هوكاك فلوطو حتى داتني عيني بقوت عليا لي فيا......فقت مدوخة و عيني منفوخين كرشي كاتقرقر بجوع و عنقي معوج يديا و رجليا تنملات..... خرجت من لوطو باش ندور شي شوية على الله نبقا شي حاجة نستافد بيها.....عرفتي كي جاتني هاد الغابة بحال هادوك الغابات لي كايوصفو الكاتبات لي كايكونو فيهم المافيات سلمت امري لله و بقيت غادة نيشان..... مالقيت والو و لو غنم يرعى او بشر يمشي....ضلام الحال وبفيت نرجع للوطو سمعت صوت المغرب فرحت حيت و أخيرا لقيت شي بلاصة قريبة بقيت متبعة الصوت و هوما يبانو ليا ضو خفييف و بعيد بقيت غادا حتى وصلت لواحد الدوار صغيور يالاه غادي ندق على شي واحد و........