الموصيبة و صاحبتها💖🇲🇦(مكتملة)

31

بقيت كالسة فداك لبارك و هي تكلس حدايا واحد المرى كبييرة ولابسة البيض و فسرة

المرى:اوا يا بنتي باينا عليك مهمومة واخا صغير بالحق قلبك كايبغي واحد لي بغاك و الضروف بعداتو عليك طريقك بعيدة شوية و يمكن ليك نتي تختاصريها ا اروى

انا:ها ولكن نت...(غبرات)

تخلعت من هاد لمرى الصراحة و جاتني فيها الصدق عصافير يطني تزقزق بقيت كانقلب على شي سناك ناكل فيه و من المحزن ان زهري المكوز لقيت غير خانز و بنين مشيت كليتو و تميت غادا فالطريق و هو يبان ليا داك ولد الق*بة ديال انس و مروان وليندا و ديك العوجة ماعرفت شنو سميتها اخخ كون كانت شهيدة كون درنا شي خطة...اجي علاش مانقوليهاش تجي عندي امم صافي

انا:(كانعيط ل شهيدة)الوو حبي اجي عندي للمول تاع رباط...لالا ماتقوليهاش لوليد...شوفي لبسي لكحل و شي ليبوط بدالون و كويرة بالكحل و شي طريكو كول مونطي بالكحل و سروال بالكحل و خودي صاطادو حطي فيه ليزيات بلوتوت لي شريتهوم ليك و تيليفونك و سبرديلا كحلة.....اوكي؟....لقيتيهوم...و نقزي صور و ضربيها بجرية ....علاش هادشي؟؟..مالكي وليتي مكلخة غادي نرجعو لخطط دسالنا يالاه سربي لعدو ربك...(قطعت معاها)

بقيت حاضية معاهوم و من حسن حضي لي وقف معايا فهاد التفاهة لي غادي نديرها و ماوقفش معايا فالماكلة...لمهم دخلو لواحد ريسطو حدى لمول بقيت كالسة حتى جات شهيدة

انا:(كانشوف فآش لابسة)مززااين لمهم نفس باس جبتي نضاضر؟

شهيد:اممم جبتهوم

انا:حيدي سبرديلا و لبسي طالون

شهيدة:اخخ اوكي واخا كايضرني فرجلي

انا:فين عمرك تشكيتي ليا يا العوجة لمهم خلينا من هاد تخربيق غادي نمشيو لداك ريسطو جبتي معاك لفلوس؟

شهيدة:امم جبت 2000 dh

انا:يخليك ليا الحوب

شهيدة:دابا هادشي كامل على وديت ريسطو

انا:لي داهلو هو لي عندنا بيه الغراض

شهيدة:(كاتزومي ب المنضار ديالها)امم لحوب لقديم كاين تما اوكي الاه مشينا؟

انا:هيا بنا العمل ينادي

مشينا كانتمخترو فالمشية و صلنا لريسطو و مع الطلون و نضاضر بقاو كايشوفو فينا و كملو هضرتهوم بلا شك ماعرفوناش هههه الخطة غاديا كيفما هيا

<><><><><><><><><><><><><><>
لبنات هادا جهدي عليكوم و الله حتى عيانا شي شوية لمهم غادي نحط قصة جديدة فهاظ الشهر الوقت و هو لوقت لي غادي نسالي ليكوم القصص كاملين باااي