انس:انا بغيتك تعاونيني نقلب على مو و باه
انا: القضية صعييبة حيت واليديك لي غادي يكونو عارفين و يعاونونا راهوم ماتو
انس:اه صعيبة بزااف
انا:(كانفكر)انس
انس:وي
انا:كاتقلب حوايج موك و باك
انس:نن عيب
انا:ماكاينش عيب دار لي كانو مستاقرين فيها يالاه نمشيو ليها
انس:علاش
انا:يا المكلخ راه ضاروري مايخليو ليك شي رسالة اولا شي حاجة اولا؟
انس:اه نسيييت اوف كيفاش ماطاحتش ليا على بالي
انا:حوايجي غادي يكونو نشفو انا غادي نمشي نبدل و حتى نتا عافاك لبس لكحل بغيت ولو مرة نعيش دور زعيمة المافيا
انس:حمقة صافي واخا
مشيت لبست داكشي لي لابسة لقيتو حطهوم ليا فوق ناموسية هوما و ساكادو و تيليفون جديد نوع ايفون اكس و ليزيات بلوتوت فالكحل و ساكادو تاعي و سباعيات تاع جلد لبستهوم و شعلت اغنية تاع xxxtentacion_angel هبطت لقيتو لابس سروال كحل تقاطع تريكو كول بالكحل و كويرا كحلة و سبرديلا كحلة ليزيات بلوتوت كوحل و قابط تيلي تاعو جيت نسمع لشنو كايسمع لقيتو كايسمع لنفس الاغنية ههه صدفة فوق زوينة
انا:مشينا؟
انس:اوكي تبعيني عندي ليك مفاجئة
انا:اواااه حلف !!
انس:والله
هبطنا لواحد لكاراج تاع طموبيلات و لقيت زوج طموبيلات كوحل فنفس النوع"فيراري"
انا:ياااااااسسسس
انس:كاتعرفي تسوكي بعدا
انا:واذا ماكنتش كانعرف نسوك علاش غادي نفرح يالاه نتا زيد قداني باش نعرف طريق فين غادي
انس:اوكي
ركبت فاللوكو هو زاد قدامي بسرعة خيالية ههه ولكن معامن معايا انا؟....لحقت عليه فنفس لخط و بقينا كانتسابقو و لكن بزوجنا فخط واحد وصلنا للدار تاع واليديه خرج هو دار ليا جيم بيديه و مشى حل لباب دخل تبعتو مشا نيشان طلعلبيت واليديه حلو حيت كان مسدود
انا:نتا قلب من تحت ناموسية و انا فبلاكارات لمهم قلب فأي بلاصة
انس:اوكي
بقت كانقلب فالحوايج مالقيت والو حتى هو مالقا والو
انا:مالقيت والو
انس:ففف حتى انا
انا:بلاتي بلاتييي يالاه بلاكار لي كاين فالحمام
انس:هههه منيتك كاضحكي عل...(لقها طارت)
انا:واااااع انااااااس وااالقييييتهااااا لقييييت الورقة
انس:(ابتاسم)شكرا حيت وقفتي معايا
انا:واابربيي يا حتى نعطيك علاياش كاتقلب علاش كاتشكرني البعر
انس:يالاه يالاه حلي الورقة
انا:اوكي(حليت الورقة)"ولدي انس فهاد الوقت لي غادي تقرا هاد الورقة غادي نكونو فالقبر"اذن هادا لي قتل غادي يكون عندو عداوة قديمة مع باك و مك
انس:امم اوكي غير كملي
انا:"خوك مروان امانة عندك و ماحدنا تاندويو عليه راه فاللخر غادي تلقا العنوان تاع المحامي لي كان شاهد على هادشي هو لي غادي يعاونكوم"اوووف لقاضية صعيبة"لمهم تقدرو تلقاو غير ولدو حيت هو بلا شك غادي يكونو قتلوه حيت محامي عارف علينا كولشي"اخخخ ينعل بوه هاد القتال"و خوك مروان عندو اخ و اخت لي حتى هوما غير عايشين مع عائلات غير بيولوجية لمهم تمناو لينا الرحمة و السلام عليكم"الله يرحمهوم
انس:آمييين فين هو العنوان
انا:كاين هاهوا ساكن فطنجة
انس:زيدي نديرو سباق حتى نوصلو
انا:و الا شدوني لبوليس و انا ماعنديش لبيرمي
انس:غير يالاه لبيرمي ديالك كايم فلوطو تاعي
انا:وكي درتي ليها
انس:مزور(غمزة*)
انا:ااه يالااه...
لبنات عجبكوم البارت؟
أنت تقرأ
الموصيبة و صاحبتها💖🇲🇦(مكتملة)
Actionقصة مشاركة معايا(chahidaachahboni9)الجزء الاول انشاء الله غادي يكون عندي و ثاني عندها هي عبارة على قصة بنت داايمن كادير المشاكل هي و صاحبتها و لكن غادي تشاء الاقدار و غادي يطيحو على زنافرهوم
