في الصباح .....يستيقظ فارس ع صوت هاتفه
فارس وهو يفيق : الو ايوا ميييين
اسيل : بيبي صباح الخير انت مش عارفني
فارس بتعجب من الصوت وهو ينظر لشاشه الهاتف ويضرب راسه بكفه
فارس : ايوا يا اسيل صباح الخير
اسيل : تمام يابيبي كدا متجيش الحفله زعلت منك كتير
فارس وهو يرفع حاجبه : معلش بس كان عندي شغل وخلصت متأخر تتعوض السنه الجايه انشاءالله
اسيل : مش هسامحك الا لما تقابلني
فارس : بس انا مش فاضي خالص اعذريني مره تانيه
اسيل : لا مش هقبل خااالص
فارس بتهكم ع الورطه التي وضع نفسه فيها : طيب ماشي اخلص الشغل وهكللمك نروح نتغدا سوا
اسيل بفرحه : تمام ياحبيبي هستناك تيجي تاخدني باااااي
فارس بضيق : باااي
فارس ف نفسه ايه الي انا عملتو ف نفسي دا هو انا ناقص ست لازقه دي كمان
ثم قام الي المرحاض لكي يستعد
(ف بيت عبد الرحمن)
مي : تووووتا انا هاخد الطقم دا منك النهارده
تقي بابتسامه : خدي ياحبيبتي انتي مش محتاجه استاذان
مي بسعاده : ميرسي اوووووي ياحلي اخت ف الدنيا
تقي وهي تحرك راسها : مجنوووووونه
كانت تقي ترتدي حجابها امام المراه وتستعد ليوم عملها
ميرفت : يلا يابنات الفطار جاهز
توجهت تقي الي والدتها وجلست مع امها لتناول الطعام
مي وهي ترتدي شنطتها : الله الله بتاكلو من غيري كدا اااه ماهي بقت سايبه
تقي : اقعدي ياختي متخفيش مش هناكل اكلك
ميرفت : نفسي تفكري ف حاجه غير الاكل
مي بتمثييل : لا ياماما لا متقوليش كدا الاكل دا عشقي حياتي ازاي تقوليلي ابطل افكر في اهئ اهئ اهئ
تقي بضحك وهي تسقف ع اداء اختها : براااافوووووووو يافنانه هايل
ميرفت بضحك : يمهل ولا يهمل اتنين مجانين يارب لا كدا كتير عليا
مي : ايه بس يامامتي دا احنا كيوت خالص
تقي : طب يلا ياكيوت قومي ع جامعتك
مي وهي تضع ف فمها الطعام : اووكي اووكي
(ف قصر الاسيوطي )
فارس وهو يرتدي ساعته انتبه ع صوت الباب
فارس : ادخل
نسرين : صباح الخير ياحبيبي
فارس : صباح النور ياماما قولي لبابا انا خلصت خلاص ونازل حالا
نسرين بابتسامه : لا انا مش جايه عشان كدا
فارس : اومال ف حاجه ولا ايه
نسرين : ماجده كلمتني وقالتلي انك عزمت اسيل ع الغدا النهارده ياااه ياحبيبي قد ايه كنت مستنيه اليوم دا اخيرا عرفت ان اسيل مناسبه ليك
فارس : ايه بس ياماما دا كلو كل دا عشان عزمتها ع الغدا خلتيني حبتها ومناسبه ليا كمان دي عزومه عاديه يعني عشان اعتذرلها اني مروحتش عيد ميلادها
نسرين : ماهي دي البدايه الحب بيجي بعدين
فارس : ونبي متخليني اروح اكلمها الغي العزومه دي اصلا مش عاوز اروح لا وكمان فضحت الدنيا انا خايف اروح الاقي صحافه هناك والله دي مجنونه وعقلها صغير
نسرين : دي قمر وبتحبك اوووي هي اه محتاجه شويه تعديل بس انت بقي عليك تغيرها
فارس : لا معلش تشوف حد يغيرها غيري انا مش فاضي انا نازل لبابا سلام
فارس ف نفسه ماهو انا الي غلط برضو
ونزل ع مكتب والده : ياصباح الفل
محمد : صباح النور ياحبيبي جهزت
فارس : اه خلصت نمشي
محمد : تمام يلا
عند خروجهم كانت ميرا ف طريقها للباب
ميرا : صباح الخير
محمد وهو يضع يده ع كتف ميرا : صباح النور ياحبيبت بابا
ميرا : هتنور الشركه يابابا والله
فارس : طب يلا يدوووب نلحق نمشي
وغادرو القصر
أنت تقرأ
معاكي عالم اخر..
Romanceتقي : قامت من نومها واول من خطر ببالها هذا الشخص المتعجرف الذي لا يعرف للاحترام طريق تقي: يارب ماتوقعو ف طريقي تاني انا معرفش هعمل اي لو قل ادبو عليا تاني انا اصلا معرفش ازاي جتلي الجرأه اني ارد عليه كدا دا انا لو كنت فضلت دقيقه واحده كان قتلني ااا...
