(ف فيلا الحناوي )
مالك وهو يدخل ع والده : ازيك ياحج احمد وحشني والله
احمد بابتسامه : تعالا يابكاش
مالك : احم احم كنت حابب اقولك حاجه ياحج
احمد باستغراب : ايه نويت تتجوز
مالك : وعرفت منين ياخلبوص
احمد : لا ابدا باين من قعدتك
مالك بضحك : طلعت لماح ما شاءالله تربيتي نفعت
احمد وهو يضربه ع وجه بحنيه : اتلم ياواد ها مين الي وقعتك ع جدور رقبتك دي انا موافق عليها من غير حاجه كفايه انها قدرت انها تقعدك القعده دي بعد سنين
مالك بضحك : ماشي ياحج اسمها مريم حاجه كدا سكر لا لا بص عسل لا ملاك كدا مكان ماتحطها ترجع تلاقيها
احمد بضحك : دا انت مش واقع دا انت مدهول ع عنيك طيب مين دي وشوفتها فين
مالك : احم هي شغاله عندي
احمد : شغاله عندك ف المكتب يعني سكرتيره
مالك وهو يحك راسك : هي شغاله جرسونه ف مطعم الفندق ودا لفتره معينه وهتسيب الشغل
احمد : طيب يابني الشغل مش عيب المهم اخلاقها واهلها مبدأيا انا موافق
مالك بفرحه : ربنا يخليك ليا ياحج والله لجوزك بس اصبر عليا اتجوز انا الاول
احمد : اشمعنا انت الاول ماتجوز انا الاول ياخويا
مالك : مانت جربت الجواز قبل كدا انا لسه اول مره حرام عليك سبني اخد فرصتي
احمد : طيب طيب انت هتشحت بس انجز عشان انا مستعجل
مالك بضحك وهو يحتضن والده : حبيبي ياحج
احمد : يلا نتعشا سوا لحسن انا واقع
(ف قصر الاسيوطي )
فارس وهو يدخل القصر ويصعد الي غرفته
نسرين : فاااارس
فارس ف نفسه قالتلها كنت متاكد
فارس : نعم ياماما
نسرين : تعالا ع الصالون عوزاك وسابقته هي الي هناك
فارس ف نفسه منك لله ياسوسو اديني هسمع كلامتين بسببك
فارس وهو يجلس : نعم ياست الكل اؤمري
نسرين : ايه الي انت هببتو دا ممكن افهم
فارس : انا هببت ايه
نسرين : فارس متستهبلش ايه الي عملتو مع اسيل دا قدامك مش عوزها تخرج معاك عزمتها ليه لا وكمان مروحها معيطه
فارس : اولا انا معزمتهاش هي الي عزمت نفسها وانا عشان اخلص وافقت ثانيا بقي طلعلي شغل ضروري جدا وكان لازم يخلص مش هسيب شغلي عشان خاطر دلع الهانم
نسرين : يابني حرام عليك البت عملت ايه عشان متديهاش وش كدا
فارس : وانا مش مجبر اديها وش ادي وشي للشخص الي يريحني ابعديها عني وانا هبقي كويس
نسرين : انت شايف كدا
فارس : اه ياماما تصبحي ع خير بعد اذنك
نسرين : ربنا يصبرني عليك
فارس وهو يتوجه ناحيه السلم
محمد : فارس جيت امتي ياحبيبي وكنت فيين دا كلو
فارس : كويس ان حضرتك صاحي عشان ف شويه حاجه لازم تعرفها مني
محمد : طب تعالا معايا المكتب
ذهب فارس خلف والده
فارس : ادهم الخطيب بيعمل اعمال غير مشروعه وداخل معايا شريك ف المشروع الجديد عشان يداري ع جريمو وظل يقص عليه ماحدث داخل الفندق
محمد : لا دا زودها اووووي
فارس : مش عوزك تقلق بكرا هروح المديريه وهشوف الجديد عند عمر
محمد : الرائد عمر دا من اول ماشوفتو عرفت انو يعتمد عليه شب كويس وظابط شاطر
فارس : اه ااصراحه انا بثق في جدا
محمد : تمام اطلع انت ريح دلوقت شكلك تعبان
فارس : تمام تصبح ع خير
عند خروج فارس من الغرفه انتبه ع صوت هاتفه معلنا عن وصول احد الرسائل اخذ يتفحص الهاتف
فارس باستغراب : تقي بعتت اييييه
( دا اسم وعنوان مروان بتمني يفيدك )
فارس بابتسامه : حاسس ان بينا مسافه صغيرا اوووي بس برضو مش قادر اوصلك
ثم اخذ يكتب لها
عند تقي وهي تضع ملابسها داخل الدولاب انتبهت ع وصول احد الرسائل واخذت هاتفها وهي لا تستطيع منع ابتسامتها
( متشكر جدا لمساعداتك مش عارف ارد جمايلك عليا)
عند فارس : بعد ان توجه للمرحاض داخل غرفته سمع صوت رساله جديده ابتسم وذهب نحو هاتفه
تقي ( العفو )
فارس ف نفسه بس هي كدا مفكرتش حتي تكتب اي حاجه انا اصلا غلطان اني رديت عليها
وذهب الي المرحاض لكي يهدء من نفسه
عند تقي وهو تضحك : اكيد دلوقت شايط احسن
مر اليوم بسلام حتي اتي الصباح
أنت تقرأ
معاكي عالم اخر..
Romantikتقي : قامت من نومها واول من خطر ببالها هذا الشخص المتعجرف الذي لا يعرف للاحترام طريق تقي: يارب ماتوقعو ف طريقي تاني انا معرفش هعمل اي لو قل ادبو عليا تاني انا اصلا معرفش ازاي جتلي الجرأه اني ارد عليه كدا دا انا لو كنت فضلت دقيقه واحده كان قتلني ااا...
