بدايه يوم جديد للجمييع بدايه مشرقه للبعض وسريه للبعض بدايه تعتمد ع ماكان ولكنها تصنع ماسيكون لا تأبه بأي عواقب فقط تسير لأنها تعرف مسيرهاااا..... النهايه
ف منزل (الاسيووووطي)....
فاطمه : ايوا ياهانم كل حاجه جهزت خلاص تحبي أضيف حاجه تاني
نسرين : لا حلو اووووي كدا اصلا يدووب يكونو وصلو اطلعي بس جهزيلي اوض الضيوف
فاطمه : عنيا ياهانم بعد اذنك
فاااارس وكان ع وشك النزول : صباح الخير ياداده
فاطمه : صباح النور يابني
فارس : في ايه ع الصبح كدا البيت كلو قايم قاعد
فاطمه : اصل الست الكبيره بتجهز للضيوف الي هيجووو زمانهم ع وصول
فارس : اخ صدقي نسيت خالص خلاص تمام شوفي شغلك انتي ياداده
نزل فارس لوالدته مسرعا
فاااارس : صباح الخير ياماما
نسرين: صباح النور ياحبيبي ايه دا رايح ع فين كدا بنت عمك ومامتها ع وصول
فاااارس : عندي شغل مش هعرف استقبلهم هبقي اشوفهم ع العشا انشاءالله
نسرين : لا طبعا انت عاوز باباك يقلب البيت علينا مينفعش لازم تكون هنا وتستقبلهم عيب
فاااارس وهو يقعد ع احد الكراسي : أمري لله وادي قاعده
نسرين : مش قادره أصدق انك سمعت كلامي دي معجزه
فاارس : مقدرش اكسر كلام ياست الكل (ونظر للجهه الأخري) بس بعيد عن موضوع اسيل
تحدث فارس أثناء دخول والده وميرا
ميرا : فارس عندو حق خلاص بنات مصر خلصو عشان ميبقاش غير اسيل هانم
رن هاتف فارس برقم مالك
مالك : ايه يابيه نسيتني ولا ايه
فارس بتمثيل : ايه لا لا بتتكلم جد اكيد طبعا لازم اجي
مالك : مالك ياعم انت بتكلمني انا
فارس : تمام تمام متقلقش هكون عندك خلال ساعه
مالك : فارس انت بتكلم نفسك ياحبيبي
فارس : طيب يلا سلام
هم فارس بالخروج : معلش ياجماعه لازم امشي ضروري عندي شغل
نسرين : تمشي ايه الناس قربت توصل
محمد : شغل ايه دا وحصل ايه
فارس : لما اجي هبقي افهم حضرتك سلام دلوقت
بعد خروج فارس من القصر امسك هاتفه لكي يتصل ع صديقه
فاااارس : ايوا يابني فينك
مالك باستغراب : انت ملبوس يابني
فارس : كنت بهرب من سجن نسرين هانم الا ايه بنت عمي جايه ولازم استقبلها
مالك بتفهم : وطبعا انا انقذتك دايما باجي ف الوقت الصح
فارس : بس ياحيوااان انت فين
مالك : انا خارج عشان هنجيب الشبكه وقولت اشوفك
فارس : وانا هاجي اجيب معاك الشبكه ليه كنت الست الوالده اتكل انت ورايا شغل
مالك : مممم خلاص ماشي هروح انا اجيب مريم وتقي عشان نجيب الشبكه يلا سلام
فاااارس بصدمه : اييييه تقي ازاي
مالك : ابدا مامت مريم مش هتعرف تيجي ف قالت تقي تيجي معانا بس كدا
فارس : طيب ابعتلي العنوان
مالك : عنوان ايه الصايييغ
فارس بتهكم : تقي ياحيوان
مالك بضحك : ماشي ياعم متزوقش هبعتهولك نتقابل هناك
ف القصر....)))
نسرين : اهلا وسهلا اهلا اتفضلو
ناديه بتفحص : اهلا بيكي ياحبيبتي
محمد: منوره والله يامدام ناديه اتفضلي اومال فين نرمين
ناديه : جايه اهو ورايا
دخلت فتاه ف العشرينات من عمرها تتميز بالرشاقه ولكنها غير مرتبه بعض الشئ ولا تملك أي زوق فيما ترتدي وكانت تتطلع ع القصر بانبهار شديد وعيون كلها جشع...
نرمين : سلامو عليكم انت عمي صح
محمد وهو يحتضنها : اه ياحبيبتي انا عمك عامله ايه لو تعرفي قد ايه تعبت عشان الاقيكوو
نرمين بابتسامه مصتنعه : واحنا كمان والله
نسرين مرحبه : منوره ياحبيبتي انا نسرين مرات عمك قوليلي ياسيري
نرمين : شكلنا هنبقي صحاب
نسرين بابتسامه : اكيد ياحبيبتي اتفضلو ياجماعه ادخلو
نسرين وهي تنادي ع فاطمه : فاطمممممه
فاطمه : نعم ياهانم
نسرين : شوفي الهوانهم يشربو ايه
نرمين وهو تضع رجل فوق الأخري : عوزه عصير وياريت يكون ساقع
ناديه : وانا زيهاااا
فاطمه باستغراب : حاضر ياهوانم
أنت تقرأ
معاكي عالم اخر..
Romanceتقي : قامت من نومها واول من خطر ببالها هذا الشخص المتعجرف الذي لا يعرف للاحترام طريق تقي: يارب ماتوقعو ف طريقي تاني انا معرفش هعمل اي لو قل ادبو عليا تاني انا اصلا معرفش ازاي جتلي الجرأه اني ارد عليه كدا دا انا لو كنت فضلت دقيقه واحده كان قتلني ااا...
