عشقتك مجنونتي (بنت الشيطان 2)

اقتباس الفصل الثالث عشر

*مهم *

والله يا جماعه انا بعتذر جدا اني مقدرتش انزل بارت تاني مش عشان حاجه بس عشان فعلا في كام مشهد هغيرهم عشان اظبط شويه احداث مبنيه عليهم وغير ان والله الحساسيه والالتهابات اللي في عيني رجعت وبقوه وحاليا مش قادره اكتب حاجه ولا حتي كتبت فصل جديد انهاردة بسبب وجع عيني اللي زاد عليا من المغرب بجد بعتذر انا هوقف كتابه لفتره لحد ما اقدر اشوف كويس تاني بس متقلقوش مش هوقف نشر يعني انا تقريبا كاتبه اربع فصول كمان بإذن الله هنزل فيهم كل يوم لحد ما اقدر اكتب تاني والله بعتذر تاني للناس اللي طلبت بارت تاني والله العظيم ما عندي اي مانع اني انزل واحد تاني خالص الفكره اني هعدله وحتي مش هقدر اعدله حاليا بكره بإذن الله هعدله بسبب عيني والحساسية وبإذن الله اول ما عيني تنظبط وعد هعوضكم وانزل بارتين او تلاته لو حابين ياريت محدش يزعل مني وشكرا ليكم جدا بجد تعليقاتكم بتفرحني وتشجعني جدا

🌙🌙💗💗

واللي مثلا مستغرب من حوار سما وازاي توصل للمرحله دي وازاي أسد سايبها كدة اكيد الاهل مش بتقع عليهم المسئوليه كلها فيه نسبه بسبب أصدقاء السوء الاهل معظمهم بينظلموا معانا للأسف بس هما مش ذنبهم ان اولادهم للأسف انحرفوا عن الطريق الصح بس قصتنا مش بتخلص هنا لسه الجاي اكبر بكتير ✨✨ ✨

*ملحوظه*

البارت اللي فات كنت قولت علي برنامج اسمه انا مسلم كويس جدا وفي بنوته جزاها الله خيرا قالت في برنامج تاني اسمه (كن مع الله) كويس اوي بإذن الله ينفعنا جميعا ويجعله في ميزان حسناتنا

*دة اقتباس صغنون من بارت بكره *

عبدالرحمن وهو ينظر لنور التي تكاد تشتعل / مالك يانور هو مالك اخيرا عملها وخانك
نظرت له نور بغيظ وغضب / تصدق بالله انا معرفتش اربي
عبدالرحمن بكل جديه / طب ما دي حاجه معروفه وكل الناس عارفاها يعني مش حاجه غريبه
ايه الجديد بقي
نور وهي تنظر له بغضب / الجديد ان ابوك عايز يموتني بقهرتي
عبدالرحمن بتعجب / مش فاهم فيه اية
دخل مالك في ذلك الوقت ونظر لهم بتعجب/ فيه اية ايه اللي بيحصل
لم يستطع احد ان يجيب بسبب اندفاع سمر وهي تصرخ بنور / انا قلتلك يا نور ده صنف ملهوش امان وانتي تقولي لا مالك عمره مايخوني البسي بقي اهو هيخونك ومع واحده مستوردة كمان يعني خيانه ليكي وخيانة للوطن مش يشجع صناعه بلده
نظر مالك لها بحاجب مرفوع وجد سراج يدخل ومعه بناته في ذلك الوقت ناري وهي تتحدث / اوووه انطي نور يا مسكينه عمو مالك هيخونك مع اجنبيه مامي قالت مكنتش مصدقه
اندفعت في هذه اللحظه جميله وهي تبكي / اوووه نور يا عزيزتي اصابتكم عين يا حبيبتي
كانت نور تبكي وتهز رأسها بايجاب/ اه اتحسدنا
ساره وهي تدخل لهم / نور مكنتش اعرف ياقلبي ولسه عارفه والله وجيت علي ملي وشي والله
أسد وهو ينظر لهم ولبكائهم فقال لمالك بتأثر  / اه منك يا خاين يا رمرام انت  كله بسببك
نظر له مالك بشر فصمت
دخلت كنه وهي تركض للفتيات / نور قلبي عندك يا حبيبتي والله لسه عمر قالي دلوقتي
نظر مالك لعمر بينما هو نظر للسقف
دخلت سما ونظرت لهم بملل وذهبت بعيدا لتتحدث علي هاتفها تحت نظرات حسام المراقبة
نظر خالد لناري وهي تبكي مثل البلهاء ابتسم بسخريه عليها
جميله وهي تمسح دموعها / هتتطلقي امتي يا نور
جنه وهي تربت عليها / متقلقيش يا حبيبتي بيت اخوكي مفتوح ليكي وعيالك كمان
سمر وهي تنظر لها/ لا نور بعد الطلاق هتيجي معايا انا
ثم نظرت لمالك بشر
عبدالرحمن لدانه / ابوكي هيطلق امك ولا اية
دانه بضحك / أبويا طلق سماح وخطفني
مالك وهو يجز علي أسنانه بغضب / اقسم بالله اما كل واحد سكت مراته لكون موريكم وشي التاني
ابتلع الجميع ريقه بخوف نظر مالك لهم بضيق وهم يواسوها ويتحدثون معها ويخططون لحياتها بعد الطلاق بل ورتبوا لها امر الانضمام لجمعيات نسائيه للمطلقات حسنا الي هنا وكفي
صرخ مالك بهياج / بسسسسسسسسسسسسسسس. لو سمعت نفس كمان هجمعكم كلكم في اوضه واحدة وهولع فيكم
نظر الجميع له برعب
عبدالرحمن بهمس / ابوكي اتحول يا دانه ننسحب دلوقتي ولا ايه
دانه / اصبر شويه واول ما يخرج الحزام نجري
نهض مراد كعادته واخذ يد روجي وخرج للحديقه بعيدا عن هذا كله
مالك ببرود / دلوقتي بقي عايز اسمع بس نفس واحد

مستنيه رأيكم علي الاقتباس يارب يكون عجبكم وايه توقعتكم للأحداث الجايه مستنيه رأيكم 👍
السلام عليكم
دمتم سالمين
رحمه نبيل 美心
再见
احبكم في الله
رمضان مبارك عليكم 🌺 🌺 ♥