.. في ڤيلا حبيب ..
*قضوا وقت ممتع معاً.. مع عائله مترابطة.. فهم يحبون بعضهم البعض بشده فقد زرع حبيب وحنان بهم بذرة المحبه و الإخوة بينهم ، بعد ما أنتهي ذاك الوقت صعد كلا منهم لجناحه.. حيث أن حبيب حرص على بناء طوابق أخري في ڤيلته ليصبح البيت كبيراً يجمع جميع أفراد عائلة العَـدل .
***
.. في قصر تابع للمافيا ..
*جالسه مع إحدى أفراد عصابة المافيا تدبر لها كل شر و سوء تفكر في أنها إلي الآن لم تنتقم منها ، لم تذقها نفس الكأس.. نفس العذاب.. أقسمت علي تدمير حياتها الوردية في وسط عائلتها فتلك هي أميـرة و التى تدبر كل هذا لنتقامها من كارما .
(فاكرين أميرة !؟)
_ذهبت لذاك القصر.. وجلست تنتظر هذا الرجل "حسن" مساعد لأحدى الأعضاء الهامه.. الذي علم بأنها كانت تعمل في جهاز المخابرات وتستطيع أن تفيدهم ببعض المعلومات عن المهمه القادمه فهي لها جاسوس في الجهاز يعلمها الأخبار لحظة بلحظة وما أن علموا أن المهمه القادمه المطلوب منها القبض على "شريف صابر" عضو من أعضاء المافيا الكبار فهو الذي أتي بعد راجي ، طلبوا مقابلتها لتدعمهم ببعض المعلومات فهم يرتبوا لحادثة خطف أحد الظباط المسؤلين عن تلك المهمة فبذَلك يتم تأجيل المهمه و منها يتمكن ذاك الشريف من الهرب خارج البلاد وكل هذا مقابل هدف أميرة وهو الانتقام من كارما .
_حسن وهو يصافحها : اهلا وسهلا يا اميرة اتفضلي اقعدي .
_اميره : اهلا حسن بيه.. رجالتك بلغونى بالمقابله دى .
_حسن : عايزين نعرف شوية معلومات بسيطة كده عن المهمه.. زى هتم أمتي !؟ مين ماسكها !؟ كده يعني ، في المقابل اللي عايزاه .
_أميرة بخبث : بس أنا سمعت انكوا ناوين على شر لحد من الظباط اللي هتمسك المهمه .
_حسن : ايوا فعلا عشان كدا محتاجين نعرف المعاد بظبط أمتي عشان نعرف نحدد المطلوب و ليلة المهمه ننفذ ولما يتم هو بشوية ضغط مننا يقول كل حاجه عن المهمه دي .
_اميرة : كل ده سهل ، كمان يومين بظبط هيكون عند سعادتك المعلومات اللي طلبتها ، مين اللي هيمسك و مين اللي بوجوده هيوصلنا للمطلوب ، بس أنا هعمل كده مقابل ايه !؟
_حسن : المبلغ اللي عايزاه .
_اميرة بخبث : بس أنا مش عايزة فلوس .
_حسن بعدم فهم : اومال عايزة ايه !؟
_أميره بغموض : لما ننفذ العملية هبلغ سعادتك .
_حسن : ماشي يا اميرة يبقي اتفقنا بعد يومين توصلنى المعلومات اللي طلبتها منك .
_أميره : تمام يا حسن بيه .
*غادرت عازمه على دعمهم بتلك المعلومات .
***
.. صباحا في ڤيلا حبيب ..
*قامت و أعدت نفسها للخروج و هبطت الدرج دلفت إلي حيث مكتب حبيب فهي تريد أبلاغه بما حدث بالأمس مع كابوس طفولتها كما تُسمي "زياد" .
_توليب بمرحها المحبب لدي جدها وهي تقبل جبينها بحب : يا جدووو.. صباح الخير يا حبيبي .
_حبيب بحب : اهلا اهلا حبيبتى الشقيه وصلت.. صباح الفل والياسمين يا حبيبتي .
_توليب بشقاوة : مزاجك رايق انهاردة يا حَبوبي .
_حبيب وهو يقرص وجنتها بتسليه : يا شقيه .
_توليب بمرح : يا جدو يا فاهمني انت.. لتكمل بارتباك واضح لأول مرة في صوتها ؛ كنت عايزة أتكلم مع حضرتك شويه .
_حبيب وهو يقوم ويضمها لحضنه ويجلس بها على الأريكة : اتكلمى يا حبيبتي .
_توليب بارتباك : هو يعني.. اصل.....
_حبيب مقاطعها بحب : اممم شكل الموضوع مهم وشاغل بال الجميل.. من غير مقدمات يا حبيبتي قولى متتكسفيش أنا جدو حبيب صاحبك الأول .
_توليب بتعب : انا تعبت يا جدو.. مش عارفه انا عايزة ايه ولا فاهمه نفسي .
_حبيب بفهم : ليه كل ده.. مالك !؟ ايه اللي حصل !؟
_توليب بدموع : يا جدو انا كنت حكيتلك قبل كده إني بحب زميلي عمر.. و من يومين عرفت أنه بيحب بنت عمه و كانت زميلتنا في الجامعة اسمها ريم.. فضلت افكر انا ليه لما عرفت مزعلتش!؟ مع أن المفروض اللي يحصل أنى ازعل أو اعيط أو اكتئب ده شخص بحبه وضاع مني أو طلع بيحب غيري ده رد فعل تلقائي من اى حد بيحب.. لكن انا معملتش كده انا حتى مزعلتش زى ما يكون كنت متوقعه أن ده يحصل ، انا دعيتله أن ربنا يسعده معاها انا مش فاهمه ليه كده!؟ ازاى مزعلش يعني !؟
_حبيب بفهم : يا حبيبتي انتى مزعلتيش لانك محبتيهوش.. حبك لي مختلف مكنش حب ارتباط بين اتنين.. كان حب صداقه عشان هو جدع معاكي اوى و شخص محترم ولانك مبتحبيش حد يشركك في شخص بتحبيه فبالتالي بتغيري عليه من اى حد يبقي صديقه اكتر منك فتلقائي ترجمتي انك بتحبيه .
_توليب باقتناع : صح يا جدو هو ده اللي حصل.. طب حضرتك تفسر بإيه أن شخص اكون بخاف منه من صغري و لما احتاجته لاقيته معايا ولما اقعد معاه ارتاحلوا اوي.. خايفه اتعلق بيه كصديق زى ما اتعلقت بعمر وفي الآخر يطلع مشاعر كذب .
_حبيب بفهم : لا ماهو احنا مش هنقضيها مشاعر كدابه بقي الواحد بيتعلم من أخطاء الماضي.. بعدين الشخص ده زياد مش كدا .
_توليب بتوتر : ايوااا.. ايوا هو يا جدو حضرتك ازاى عرفت !؟
_حبيب بضحك : ماهو زياد الوحيد اللي كنتي بتخافي منه يا شقيه .
_توليب بحنين لأمس : بس صدقنى أكتشفت أن زياد حنين اوى ياجدو.. لتقصَ عليه ماحدث كاملاً بالأمس و كيف كانت تتعمد أن تدلل عليه في أطعامها لتشعر بحنيته ، لتهتف بخجل ؛ بصراحه يا جدو حبيت حنيته ولما حسيت بيها بقيت اتعمد ادلع في موضوع الأكل عشان احس بيها اكتر .
_حبيب بفرح : بداية حب يا توليب.. بس حب حقيقي .
_توليب بفرح : بجدد.. معقول انا احب زياد ، ده انا كنت بترعب منه .
_حبيب بفرح : بس دلوقتي مبتترعبيش اهوو وكلتوا سوا و وصلك البيت و اول حد جه في بالك لما وقعتي في مشكله حتى لو بسيطه .
_توليب بفرح : اه هو اللي فكرت في اول ما عربيتي عطلت.. وفرحت اوووى بالساعتين اللي قضتهم معاه دول .
_حبيب بخبث : قوليلى يا توتا لو زياد قالك أنه بيحبك رد فعلك هيكون ايه !؟
_توليب بفرح : بيحبني !؟ هفرح اوووي.. بس أنا مستغربه نفسي يا جدو .
_حبيب بارتياح : متسبقيش الاحداث يا قلب جدو.. بكرا تفهمي كل حاجه و اولهم مشاعرك .
_توليب باقتناع : حاضر يا جدو.. لتقبله جبينه هاتفه بحب ؛ ربنا يخليك ليا يا جدو انا برتاح اوى مع حضرتك في الكلام و الغريبه انى ارتحت لزياد كده .
_حبيب بفرح وهو يقبل جبينها : ربنا يريح قلبك و اشوفك عروسه قمر يا قلبي .
_توليب ببتسامه : ميرسي يا جدو.. انا هقوم بقي عندى مستشفي دلوقتي ولازم اروح ، مكنتش هروح انهاردة بس في حاله مهمه جايه انهاردة وانا اللي متابعاها .
_حبيب بفهم : روحى يا حبيبتي ربنا يوفقك .
_توليب بمرح : بااااي يا حبيبي يا قمر انت .
_حبيب بضحك : باااي يا لمضه .
أنت تقرأ
عندما يجمع القدر بين قلبين
Romanceكان يگره بنات حواء أجمعين حتى جمعه القدر بها 💟 هى من شقت حجر قلبه..💜 هى الوحيده التى بعد زمن استطاعت ببرائتها أن تتغلغل داخل أعماقه!!🔥🖤 ولكن لم تكن هى وبس من فعلت المستحيل ، بل هو أيضاً جعل منها المستحيل بعد أن أغلقت باب قلبها لكن القدر كان له ر...
