.. في صباح اليوم التالى ..
.. في الجهاز ..
*وصلوا جميعهم وتجمعوا في مكانهم المعتاد و من ثم توجهوا حيث مكتب اللواء سراج.. ليأخذوا الأوامر فاليوم هو اليوم المنتظر للجميع حيث اول يوم في المهمه فهم مسافرين ليلا .
*دلفوا مكتب اللواء سراج وبعد أن أدوا التحية العسكرية له.. جلسوا جميعا علي طاولة الاجتماعات وترأسها سيادة اللواء وعلى يمينه الرائد سليم و أحدي أعضاء الفريق وعلى يساره المقدم ادم و النقيب كارما وباقي الفريق.. ما عدا داليدا فقد رفض سليم رفضاً قاطعاً بشأن دخولها هذه المهمه ، بل إن اللواء جعلها تشترك في جزء صغير وهو الجزء الخاص التي تتابعه من الجهاز فهي غير مضطرة للسفر مع باقي الفريق .
_اللواء : اتفضلوا يا ابطال.. دي اخر مره هنقعد مع بعض قبل المهمه ، اليوم اللي استنيتوه كلكوا جه.. عايز وحوش الليل تبان هنا ، انا اخترتكوا دون عن فرق الجهاز كله .
_آدم نيابةً عن الكل : اطمن سيادتك هنرجع ومعانا راجي بأذن الله .
_اللواء بفخر لتلميذه : و ده المنتظر منك يا آدم ، دلوقتي بقي نقدر نقول الخطه اللي هيبقي جزء كبير منها يعتمد على أداء سيادة النقيب كارما.. كارما احنا معتمدين عليكي جداا في الجزء اللى هقوله عايز منك تركيز و ثقه و خفة و شجاعه مش عايزك تكوني خايفه من اى حاجه ابدا وياريت بلاش تصرفات عفويه منك.. نحسب الخطوة مليون مره قبل ماناخدها.. ياريت نسمع الأوامر وننفذها بالحرف الواحد مش عايز كارما العنيدة اللى صوتها من دماغها زى ما قالى اللواء حسام عنك ، أوامر آدم تتنفذ بالحرف اعملى حساب لفرق الرتب اللي بينكوا.. عايزك عنيده في حاجه واحده هي انك هتوصلي يعني هتوصلي عايز إصرار... الكلام مش لكارما بالتحديد الكلام للكل بالاخص كارما عشان جزء المهمه الخاص بيها هتنفذه لوحدها.. مفهوم .
_جميعهم معا : مفهوووم يا فندم .
_اللواء : انا واثق فيكوا يا ابطال.. نقول بقي الخطه انا اتكلمت مع آدم وسليم عنها وبلغتهم بيها ، نبلغكم انتو بقي .
الخطة كالتالى : احنا عندنا الدعم متقسم فرقتين فرقة أ و فرقة ب.. مجموعة (أ) بقيادة سليم ومعاهم دعم سواء اسلحه أو عساكر مكانهم هيبقي عند الميناء اللي هتم فيها الصفقه مهمتهم متابعه الصفقة و قبل التسليم و هتهجموا و تاخدوهم وخلي بالكوا راجي مش هيبقي موجود معاهم هو هيخلي كام واحد عنده ملهمش لازمه وميعرفوش عنه حاجه عشان لو اتمسكوا ماهو مش عبيط برضو يخلي المساعد بتاعه هو اللي يقف أثناء الصفقة عشان لما يتقبض عليه ممكن يقول حاجه عنه اول ما توصلكوا إشارة أنه هيتم التسليم هتهجموا كده عرفتوا دور المجموعة دي... مجموعة (ب) بقيادة آدم مكانهم قرب قصر راجي دوركم الهجوم على القصر والقبض على كل اللي فيه هتتقسموا حوالين القصر من الخلف ومن الامام.. اللي هيدخلوا من ورا آدم ومجموعته مهمتهم القبض على راجي و اللي هيدخلوا من الباب الرئيسي للقصر هيبقي معاهم سلاح كاتم للصوت القصر عليه حرس كتير عايزهم كلهم على الأرض طبعا اللى جوا القصر مش هيحسوا بيكوا لانكوا هتتسللوا المكان بهدوء بعد كده تدخلوا القصر يكون آدم و اللي معاه دخلوا نبدأ نقبض عليهم بقي اهم شيء راجي يرجعلنا حي لو حد اتهور وموته هنعمل مشكلة كبيرة ، ممكن لو حد عافر معاك تهوش تعجز إنما تموت لا اظن مفهوم..
أنت تقرأ
عندما يجمع القدر بين قلبين
Dragosteكان يگره بنات حواء أجمعين حتى جمعه القدر بها 💟 هى من شقت حجر قلبه..💜 هى الوحيده التى بعد زمن استطاعت ببرائتها أن تتغلغل داخل أعماقه!!🔥🖤 ولكن لم تكن هى وبس من فعلت المستحيل ، بل هو أيضاً جعل منها المستحيل بعد أن أغلقت باب قلبها لكن القدر كان له ر...
