عندما يجمع القدر بين قلبين

part..24

.. في ڤيلا حبيب ..

*بعد ما انهي المكالمه جلس يفكر ويقول لنفسه : ياااه ياسليم لو فعلا داليدا بتحبك زى ما بتحبها كده ، انا مش عارف ليه قولتلها كده بس يمكن عشان تعرف انى بحبها اوي.. ياريت تكون بتحبنى . ومن ثم توجه لالسطبل حيث ادم الذي في انتظاره .

                                    ***
..في الأسطبل ..

*شارد الذهن في تلك المقابله ، أخذ يفكر كيف يسلم ادله للنيابه حتى يكشفها على حقيقتها وتدخل مكانها الطبيعي . ليقطع عليه سلسال أفكاره دخول صديقه بمرحه المعتاد .

_سليم بمرح : اللى واخد عقلك يا دوميي يتهني .
_ادم بنتباه : ايه يا سليم بتقول ايه !؟
_سليم بجد : لا ده انت مش معايا اصلا.. ايه اللي شاغلك .
_ادم بدون وعى : الكلام اللي قالته الهام .
_سليم بفهم : الهام مين !؟
_ادم بتذكر : اااه صحيح انا مقولتكش.. البنت اللي قبلتها اسمها الهام .
_سليم بتذكر : ايوا افتكرت صاحبه المكالمه المجهوله.. ايوا قالتلك ايه بقي !؟
_ادم بحيره : هقولك .

*قص عليه ما حدث في تلك المقابله لينبهر الآخر ويظهر على وجهه علامات الغضب و الضيق .

_سليم بغضب : كنت حاسس انها بت مش مظبوطه ، وانت ايه اللي محيرك كده.. بكرا الصبح اول ما نوصل الجهاز ندخل لسراج باشا و نفتح ملف القاضيه تانى ونعرف اخر معلومات عنده و نبدا تدريبات ونجهز عشان طلما كارما اتعافت وهتقدر تمارس التدريبات بتاعتها هيحددوا معاد المهمه بس الاول نتبع موقع راجى و محمود عشان نعرف هنسافرلهم فين ، ابن ال..... هنجيبوا مصر متربط زى الخروف .
_ادم بغضب : مش هرتاح غير لما اسلم الادله للنيابه وتأمر بالقبض علي الحيوانه التانيه عشان تتفق معاهم على كارما حلو.. امتى بقي يحصل !؟
_سليم بهدوء : أهدى.. هو اصلا سيادة اللوا بعد ما يشوف المكالمات اللي معاك و الفيديوهات هيحطها تحت المراقبة عشان اول ما يحدد موقع راجى و محمود هيقبض عليها ، إنما لو قبض عليها دلوقتي هيوصل الخبر ليهم وهيهربوا تانى عشان هيخافوا لتعترف عليهم .
_ادم بغضب : انا لو بيدي اوقف تدريبها هعملها .
_سليم بهدوء : مجتش على التدريب يا آدم.. المهم نقول لسراج باشا عشان كارما تخلص فترة التدريب وتمتحن ونجهزها للمهمه و أثناء كل ده احنا بقي نتبع خطواتهم ونعرف هما في اى داهيه .
_ادم بخوف : مش خايف من حاجه قد منا خايف من وقت تنفيذ المهمه وأننا هنتضطر نخليها تقابل راجي لوحدها.. ده حيوان وهخاف عليها منه .
_سليم بطمئنه : متخفش يا آدم ، انشالله مش هيلحق يعمل حاجه و هتم على خير .
_ادم بجنون : وانت فاكر انى هستنى تتم المهمه وانا عارف أنه هيعملها حاجه ؛ ماتتحرق المهمه المهم هي متتأذيش .
_سليم بتغير مسار الموضوع : ادم انت مش ملاحظ حاجه خالص !؟
_ادم بتفكير : لا فيه ايه !؟
_سليم بضحك : الساعه بقت 4 الفجر وانت صاحي لدلوقتى عمرك ماعملتها ، انا هفسد اخلاقك قريب .
_ادم بضحك : عيل هااايف والله ،كنت لسه هقولك قوم ننام وبعدين عادى يعني ماحنا واخدين على النوم القليل.. قوم يالا عشان نلحق نرتاح .
_سليم : يالا بينا .