#العروس_الجاريه🔥
#الحلقه_السابعه✨
نجاح : تمام ... خلينا ع تواصل
صكرت نجاح وهيا حاسبه كل خطوه درتها وتبي اديرها 🔥
__________________
انا"بتردد": لا الحق بس انا من البدايه مجبوره راه
مالك"بعصبيه": انتِ تعرفي انك غلطانه ..
انا"تنرفزت": مش غلطانه ومادرت شي !!
بويا"ضحك": مشاكل عاديه وتصير في كل حوش كان بتقعدو كل مشكله هكي مايصيرش منكم
اناجيت نبي نحكي قص عليا بويا
بويا: والله مانقدر انردك يا حاج محمد واهي بنتي توا تطلع امعكم
محمد: شاوروها قبل
بويا: بنتي عارفها ماتخليش كلمتي اثنين
انا.……نزلت راسي وخاطري نقول لا مانبيش نرد
مالك"بستفزاز": تمام انا برا نستنى فيك
بويا:خليكم مزال بدري
محمد:يقعد الخير مستعجلين غير جينا نحلو في المشكله
بويا: لا مادور شي وزي ما قتلك بنتي بنتك وانت حر
محمد: تسلم ...ماقصرتش
خشيت نلم في دبشي وانا وجعني خاطري كيف بويا ما صباش امعي ..بعد شوي خشت عليا ساره
ساره"منسنده ع الباب": من البدايه قتلك ردي
انا"بغضب": هو اختار اني نروح امعه بس مزال مايعرفنيش شنو نقدر اندير
ساره: خوذي حقك منهم
انا"تنهدت": عينك من امي
ساره: ماعليك فيها امشي وانتِ مطمنه ... طلعت القيت بويا وامي في صاله ومعهم احمد
انا"مسكه اعصابي": انا اليوم روحت ع خاطرك يا بويا لكن المره جايه مانقدرش راه مش كل مره نبي نتحمل
بويا"بعصبيه": الله لايسامحك وانتِ جيتني هنا...ماتفكريش تردي حوشي ما يستقبلكش
انا"انصدمت"
احمد"بصدمه": لا كيف هكي ...ماتستقبلهش انت نأجر ونسكنها امعي ..وخلي واحد يجي شورها !
انا"دموعي في عيوني": اصلا مش ح نجي عرفتكم مش ح ديرولي حل .. خذيت شنطتي وطلعت وسيبت احمد يدافع عليا وامي ساكته مثل العاده ..
ركبت سياره مالك وانا في قلبي غصه ومخنوقه ..
مالك"ببرود": من اليوم كل شي ح يتغير ..ح نعلمك كيف تتحملي السؤليه
انا"تنرفزت": انت ماتعرفنيش وماتعرفش شنو نقدر اندير ..
مالك"ببتسامه مستفزه": جربي اديري شي !!
انا"سكتت"... وصلنا ونزلت وانا نفكر شنو ندير ماعنديش ثقه في حد حتى في مالك الجميع في عيوني مجرمين 😔.. جيت بنرقى الشقتي جتني عازه
عازه"بفرحه": الحمدلله ع سلامتك
انا"ببرود": الله يسلمك
عازه"بستغراب": خشي تريحي هنا
انا : نبي نتريح في شقتي
عازه"بتوتر": مالك جاب حاجتك كلها هنا وقال بتقعدي هنا لين تصحي😰
انا"تفجآت": تمام توا نمشي نشوف مالك ونجي ... رقيت فوق القيت باب الشقه مصكر ..طقيت عليه فتحلي مالك
مالك"يشوفلي "
انا "بعصبيه": من سمح لك تقرار نيابه عني !
مالك: قتلك كل شي ح يتغير ..خش مالك وصكر الباب في وجهي قبل ماننطق بحرف ..رقتلي منه نزلت وانا ناقمه عليه ...
__________________________
"في حوش اهل نورهان "
مروه: قصدك ردت خلاص
ساره"ابتسمت": اها ..هكي احسنلها
مروه"بعصبيه": لا مفروض تتطلق 😡
ساره"بستغراب": انتِ تبي مالك صح !!...اصحي ع نفسك يا مروه اختك ساد اللي جاها منك
مروه"نزلت اعيونها": مستحيل نرجع نغلط مره اخرا في حقها
ساره"بفضول"؛ خاطري نفهم شنو صار بضبط بينك وبين مالك
مروه"تنهدت": كنت في الجامعه وكانت تقرا امعي بنت جيرانهم "نسمه" ..مره شفته جاي يخذ في اخته عجبني حكيتها الصاحبتي نسمه شوي قالتلي يدوروله ع وحده انصدمت سألتها شنو ناقصه عشان يتزوج بطريقه هذي... حكتلي انه متريح مادياً وكل شي عليه وسبب انه يدور هو انه مطلق وعنده بنت انا غرني موصفاته وتغظيت عن كونه متزوج من قبل وقتلها دليهم عليا ..اتفقت مع بسمه وهيا قالت الاهل مالك جو شافوني وخطبوني وحددو العرس بعد شهر ولما طلبت نحكي مع مالك رفض يحكي امعي ...فات الوقت وانا مش متريحه للموضوع وكل ماقرب وقت العرس زاد تفكيري كيف بنعيش مع شخص مانع فش غير شكله !!... قبل يوم الفاتحه رن عليا رقم غريب حكيت امعاها طلعت طليقته حكتلي سبب طلاقها انا خفت ماع فتش شنو ندير خلاص الوقت تأخر عشان نقول مانبيش نتزوج اخترت نهرب ماكنتش متوقعه ان نورهان ح تتحمل غلطي 😣💔
ساره"بشك": قتيلي طليقته حكت امعك ؟!
مروه"بتوتر": بس توا اكتشفت ان كلامها يمكن يكون كذب ..انا كنت بحاجة لعذر عشان نتهرب من الزواج هذا
ساره"ابتسمت بحزن": نصيب من قال نورهان تتزوج اللي كنتِ تبي تتزوجيه ..وانتِ تنخطبي المنير اللي كان عاجب نورهان
مروه"بفضول": منير انا ديما نحكي امعه بصفته خويا حتى الضحك امعه ما نضحكش كيف حبني !!
ساره: احكي امعه وأسأليه😂❤️...توا انا بنمشي نشوف خالتي ونجيك
مروه:تمام .. طلعت ساره وخلت مروه
طلعت مروه هاتفها وقعدت ادور في سجل الهاتف تبي رقم "نجاح" عشان تتأكد من اللي قاعد يصير وهي تقلب لقت الرقم رنت عليه ماردتش
مروه: اوووف وقت كانت تبي تحكي امعي سكنتلي وتوا ماتردش 😡
