#العروس_الجاريه✨
#الحلقه_الثانيه🔥
الدكتور : طبعا اللي صارلك طبيعي يصير في الحالات اللي زي هكي اكيد تعرفي ؟!!
انا"مستغزبه": شنووو في ؟
الدكتور : انتِ حامل..ماتعرفيش؟!
انا"بصدمه": كيف لا مستحيل😳
مبروكه"بفرحه": مبروك مبروك 😭😍
الدكتور: بس لازم المحافظه الحمل ضعيف .. نعطيك دواء جيبيه وابدي خوذيه من اليوم
انا"مش منتبهه" كتب الدكتور الدواء خذاته مبروكه وطلعنا وانا مزالت في حالة صدمه كيف صار هكي !!
القينا مالك يستنى فينا
مبروكه"تضحك": مبروك مبروك😍
مالك"مستغرب": ع ليش ؟؟؟؟
مبروكه: نورهان حامل
مالك قعد يشوفلي بنضرات رهيبه
مبروكه: فشنو تستنو هيا خلنا نبشرو اللي قعدين في الحوش😍
طلعنا وركبنا السياره وكان جو متكهرب بيني وبن مالك لدرجة رهيبه لين كسرت عمتي مبروكه الصمت
مبروكه: اسمعو كان ولد نبي نسميه ع اسم بوك راه وكان بنت نسميها مبروكه😌
مالك"يساير": حقك
مبروكه: كنك ساكته يا نورهان ولا رايك مش من رئيي😒
انا: لا عادي غير دايخه شوي
مبروكه: خوذيلك عاد ثلاث شهور بالوضع هذا😂...توا مالك يخذلك الدواء تقعدي تقول تكذبي
مالك: بعدين ناخذه لك توا قريبين من الحوش
بعد شوي وقفت السياره نزلت وسبقتهم رقيت للشقه طول
بعدها ع طول جى مالك فتح الباب خشيت وانا ماعنديش نيه نحكي معه
مالك"بتوتر": شنو بديري ؟!
انا"بعصبيه": شنو نبي ندير فهمني 😡
مالك"ببرود": هما كلمتين الولد بتجيبيه ماتفكريش اديري له حاجه ..حذرتك
انا"بغضب": شي يرجعلي نبيه ولا لا انت ماعندكش حق اتقرار هذي نتيجة غلطة منك عارف روحك قربت عليا من غير رضايا عارفني مانبيكش ونبي نطلق ولا 💔🔥...كيف بنخليه يعيش في نار زي اللي عايشه فيها انا ؟!
مالك"بهدؤ": اسمعيني ع خاطره ولدي انا مستعد ننسى كل شي صار في الماضي !
انا"ضحكت بقهره": انت تبي تنسى لكن انا مش ناسيه شي اللي صار عمره ما ح يتغير ولا يتصلح
مالك"حط يده ع شعره": كلامي اللي قلته واضح ومش ح نعاوده ... قبل ما يكمل مالك كلامة طق الباب صبيت عشان بنحله
مالك : خليك توا نحله انا
انا: مانبيش نتعارك معك خطاني ... مشيت حليت الباب القيتها عازه و هنده
هنده"حضنتني": مبروووك نونو😍❤️
انا"بمجامله": الله يبارك فيك
عازه "مبتسمه": الف مبروك واخيراً بنشوفو ولد مالك 😍😂
هنده : شنو عرفك مرات تقعد بنت زي مهره الله😍🔥
انا"بستغراب": مهره ؟!
عازه"بتوتر": تقصد بنت مالك من مرته السابقه😅
انا"بفضول": ماسمعتش عنها واجد ماكنتش نحسب عنده بنت بس كنت نعرف انه مطلق
عازه"تغير في الموضوع": نورهان تنزلي امعانا تحت !!
انا: انتن خليكن هنا مافيش داعي ننزلو😅
هنده: بالك مالك يبي يقعد هنا ؟
انا: ع كيفه خشن منها تساعدني في تنظيم الشقه😌😂
هنده"ببصاره": استغلال عيني عينك هذا😂💔
عازه: نكلمو اسماء توا تحرج عشان ما قلنلهش !
هنده : فكينا منها تقعد تلقح ع كل حاجه وتولي ماتريحش روحها تقعد تلعب وتكسر
انا: ع قلبي زي العسل تولي 😍
هنده: معناها توا نمشي نكلمها
عازه : تمام ع مادرنا قهوه
انا: ماعنديش قهوه راه ولا مواعين جيبي من تحت لين بعدين خوك يجيبلي😒💔
هنده"ضحكت": ضروف زواجكم اساساً غريبه جت ع سريع😂
عازه: خلاص مش كنتِ بتنادي ع اسماء
هنده: هي ماشيه....
عازه: انا بننزل نجيب قهوه وحاجتها ونجي.
