မောင့်ကြင်ယာတော်/ေမာင့္ၾကင္ယာေတာ္(Completed)

၇

Unicode

"မယ်တော့်ကို သားတော်ဂါရဝပြုပါတယ်"

"ထပါ"

မိဖုရားလွီသူမရှေ့မှာရပ်နေတဲ့ကျီရွှမ်းကိုကြည့်လိုက်သည်။ဒီကလေးကသူ့အဖေစစ်သူကြီးထန်နဲ့တစ်ပုံစံတည်းပဲ။ဟိုမိန်းမနဲ့တူတာဆိုလို့ပါးပေါ်ကပါးချိုင့်ရေးရေးလေးသာရှိသည်။ဘယ်အလုပ်ကိုမဆိုကျွမ်းကျင်တိကျစွာလုပ်တတ်တဲ့ဒီကလေးကြောင့်သူမမှာအပြစ်ရှာချင်တာတောင်ရှာလို့မရ။သူမသားတွေတောင်မှအားနည်းချက်တွေရှိသည်။ဒီကလေးမှာတော့အားနည်းချက်ရယ်လို့မရှိ။ဒါကိုသူမမကြိုက်။ဟိုမိန်းမကိုသူမ မကျော်နိုင်ခဲ့ပေမယ့်သူမရဲ့သားတွေကတော့ အဲ့မိန်းမရဲ့သားကိုကျော်နိုင်ရမည်။ဟိုမိန်းမရဲ့သားသာမဟုတ်ခဲ့ရင်ဒီကလေးကိုသူမသဘောအကျဆုံးဖြစ်မိမှာပင်။ဒါပေမယ့်ဒီကလေးကသူမကို သူ့ရဲ့အမေအရင်းလို့ပဲသိထားတဲ့အတွက်ဒီကလေးကိုထိန်းချုပ်ဖို့ကသူမအတွက်မခက်ခဲ။

"မယ်တော်....သားတော်ကိုတွေ့ချင်တယ်ဆိုလို့"

"အင်း.....ထိုင်ပါဦး.....သားတော်"

မိဖုရားလွီကကျီရွှမ်းရဲ့ခွက်ထဲသို့ရေနွေးကြမ်းကိုထည့်ပေးလိုက်ပြီး

"သားတော်....ပြိုင်ပွဲအတွက်လေ့ကျင့်နေတယ်လို့မယ်တော်ကြားတယ်။လေ့ကျင့်တာအဆင်ပြေရဲ့လား"

"ဟုတ်ကဲ့....မယ်တော်စိတ်မပျက်ရအောင်သားတော်ကြိုးစားပြီးလေ့ကျင့်နေပါတယ်"

"အင်း....မယ်တော်ယုံပါတယ်....ဒါပေမယ့်သားတော်...မယ်တော့်အမြင်မှာတော့အိမ်ရှေ့စံနေရာအတွက်သားတော်ကငယ်သေးတယ်လို့ထင်မိတယ်"

"မယ်တော်ပြောချင်တာက....."

"သားတော်လည်းသိမှာပါ....ဒီနေရာအတွက်အသင့်တော်ဆုံးကဘယ်သူလဲဆိုတာ"

"ဒါပေမယ့်....သားတော်ပြိုင်ပွဲအတွက်ကြိုးစားကြည့်ချင်တယ်"

ဘာကိုကြိုးစားကြည့်ချင်တာလဲ။အဲ့နေရာကသူမသားအတွက်လေ....မိဖုရားလွီရဲ့မျက်နှာကအနည်းငယ်ခက်ထန်သွားပြီး

"ကျီရွှမ်း.....မင်းကမယ်တော့်ကိုအာခံချင်တာလား။မယ်တော်ကတိုင်းပြည်အတွက်ပြောနေတာ။မင်းရဲ့အကိုကြီးကသာဒီနေရာနဲ့ထိုက်တန်တာ...."