မောင့်ကြင်ယာတော်/ေမာင့္ၾကင္ယာေတာ္(Completed)

၅

Unicode

‌

သူ့ကိုပြန်တိုက်လာတဲ့ထိုလူကြောင့်ရှောင်းကျန့်လည်းပြန်ခုခံလိုက်သည်။တိုက်နေရင်းမှထိုလူကသူ့ကိုခါး‌ကနေဆွဲဖက်လိုက်တာကြောင့်ရှောင်းကျန့်လန့်သွားရသည်။အခုပုံစံကထိုလူကသူ့ရဲ့ခါးကိုတင်းကျပ်စွာဖက်ထားပြီးရှောင်းကျန့်ရဲ့တစ်ကိုယ်လုံးမှာထိုလူ့ရင်ခွင်ထဲသို့ရောက်နေတော့သည်။သူတို့နှစ်ယောက်ရဲ့ခန္ဓာကိုယ်တွေကလည်းကြားလေဝင်လို့မရအောင်ပင်ပူးကပ်နေတော့သည်။

"ကိုယ်မင်းကိုရှာတွေ့ပြီ"

ထိုလူ့စကားကြောင့်ရှောင်းကျန့်ထိုလူကိုမော့ကြည့်လိုက်တော့သူ့ကိုစိုက်ကြည့်နေတဲ့မျက်ဝန်းတစ်စုံနှင့်တိုးသည်။အဲ့အကြည့်စူးစူးတွေကိုသူရင်းနှီးနေပါသည်။

"ဟိုမှာ....သူခိုးကောင်......ဖမ်းကြစမ်း"

ဘေးကဆူညံသံတွေကြောင့်ရှောင်းကျန့်သူတို့နှစ်ယောက်ရဲ့ပုံစံအနေအထားကိုသတိရသွားပြီးထိုလူ့ကိုတွန်းလိုက်သည်။ရှောင်းကျန့်မထင်ထားတာကထိုလူကသူ့ခါးပေါ်ကလက်တွေကိုဖယ်ပေးပေမယ့်သူ့လက်ကိုဆွဲကာပြေးတော့သည်။

"ရပ်စမ်း....မပြေးနဲ့"

အနောက်ကလူတစ်စုကလည်းရှောင်းကျန့်တို့နောက်ကိုပြေးလိုက်တော့သည်။ရှောင်းကျန့်ဘဝမှာသူ့ကိုလူတစ်စုကသူခိုးလို့ခေါ်ပြီးပြေးလိုက်တာခံရမယ်လို့အိမ်မက်တောင်မမက်ဖူးခဲ့။သူ့ရှေ့ကပြေးနေတဲ့လူကိုကြည့်လိုက်တော့သူ့လက်ကိုလွှတ်ပေးမယ့်ပုံမပေါ်ပေ။သူ့ကြည့်ရတာပျော်နေတဲ့ပုံပင်။ဒီလိုပြေးနေရတာပျော်ဖို့ကောင်းနေလို့လား??

__________________________________

ဝမ်ရိပေါ်ပြေးနေရင်းမှအနောက်ကိုတစ်ချက်လှမ်းကြည့်လိုက်သည်။သူ့ကိုလိုက်နေတဲ့လူတွေကိုမတွေ့တော့။ထိုအချိန်မှာပဲသူ့ရဲ့လက်ထဲကနေရုန်းထွက်သွားတဲ့လက်သေးသေးလေး။ထိုလက်ပိုင်ရှင်လေးကိုကြည့်လိုက်တော့ပြေးလာရလို့မောနေတယ်ထင်ပါရဲ့။နဖူးပြင်ဖြူနုနုမှာချွေးအနည်းငယ်ထွက်နေသည်။သူ့နတ်သားလေးကိုကြည့်နေတုန်းမှာလေပြေတစ်ချက်ဝေ့တိုက်လာတော့သူရဲ့နှာခေါင်းဝကိုရောက်လာတဲ့ကြာပန်းနံ့သင်းသင်းလေး။