وصل حدا الباب وهو معجبب حل مبان لو حتا واحد دور راسو يمين شمال ما بان ليه حد يالاه دخل نزل راسو باش يسد لباب بان ليه ظرف صغير هزو وهو كيقلب فيه سد لباب وحل الظرف
لقا فيه...👇
"لا تحشر نفسك فيما لا يعنيك" هادشي كبير عليك والى بقيتي كتبحت بزاف غتواجه شي حويج صعاب عليك وتقدر تخسر روحك فيهم..
عقد حجبانو وعاود حل لباب خرج كيقلب بعينيه ما بان ليه حتا واحد عاود دخل لقا مرام قدامو
مرام:مالك شكون كان كيدق
بهاء:(دفع براء قدامو وسد لباب)حتا واحد غير دخلي نتي
حركات راسها بالايجاب ومشات سابقاه لبيت فين حطات الفطور بركات وهي كتشوف فيه بشك..اما هو كان غير ساهي وكيفكر فديك الرسالة وكيقول فبالو
بهاء:(فنفسو)هادشي غير يالاه بدينا فالبحت لعالم الله اش كيتسنانا مع هاد الناس..الله يخرج العاقبة على خير وصافي..شاف فمرام وقال
بهاء:مالك ما كتفطريش
مرام:(كتشوف فبه)بالعكس نتا لي ما كتفطرش ما عرفت مالك غير كتخمم
بهاء:ما كين والو غير فطري
فطرو او بالاحرى مرام لي فطرات اما هو غير كينقب ويخمم حتا سالات وربعات يديها كتشوف فبه بشك حتا نتابه ليها وقال
بهاء:مالك
مرام:(صغرات عينيها)لا لا نتا عندك شي حاجة مخبيها عليا
بهاء:ما كين والو الله يهديك كملي فطورك
مرام:ايوا الله يجيبك على خير نص ساعة باش ساليت ونتا مرفوع
بهاء:(عارفها ما غطلقش من الموضوع وقال بتهرب)نوضي لبسي را عندنا شلا ما يدار ليوم
مرام:(بفرحة)بصح فين انمشيو..الله شحال هادي ما خرجت
بهاء:(كيشوف فيها)غير يومين لي ما خرجتيش
مرام:يومين بحال عمين اولدي نتا راك ما عارف والو فهاد الحيات هه
بهاء:ولدك..ههه ايوا نوضي اماما سربي را الوقت كيطير
مرام:(ناضت وهي لابسة شورط قصير رمادي ومكتوب فيه فالجنب NIKE بالبيض وتيشورط بيض فيه NIKE بالرمادي مشات كتجري وخيرها مدفق وراها وخلاتو متبع ليها العين وعاض على شفايفو شاف حتا عيا تنهد وهو كيصبر راسو ناض جمع ديك الطبلة داها لكوزينة ورجع لبلاصتو كيتسناها
لبسات تيشورط مبين كرشها وسروال سبور فيه مفتوح من ركبة وسبادري بيضة وخلات شعرها على راحتو دارت ايلاينر ومسكارا عكر خفيف بلون شفايفها ورشات عطرها la vie est belle شافت فالمراية نضرة اخيرة وصيفطات بوسة لراسها مع غميزة وقالت
مرام:(ببتسامة شقية)اححح عليا الله يحفضني من العين وخلاص
خرجات مبتاسمة وكضحك فرحانة لهاد الخرجة نزلات كتجري فالدروج لقاتو واقف عاطيها بالضهر كيختش فلفون ديالو وقالت بحماس
مرام:مشيناا
دار مبتاسم ليها لكن غير شافها كحل بالعمى وجمع الضحكة وقال بحزم
بهاء:اش قلنا على هاد اللبس
مرام:(عرفاتو غيحرمها عليها وبدات كدور وضحك بزز)كيف جيت زوينة ياك توحشت نلبس هاد ستيل كيجيني خطير ياك
بغات تكحلها عماتها ههه خرج فيها عينيها وقال بصراخ حتى قفزها
بهاء:(بغضب)بنت ليك انا ز**** نخلي ولاد***** يزهاو عليك ها سيري بدلي عليا ديك الحالة
مرام:(بقليل من الخوف)ولكن انا عاجبني هاكا..وبغيت نبقا هاكا
بهاء:(عصباتو)هاد الهضرة كوليها سمعتي فاش كنتي ديال راسك وما بيني وبينك والو بزز باش كنصبر راسي باش ما نقربش ليك ونخلي عشتك اما دابا كلامي هو لي غيكون وما نعاودهاش
مرام:(حسات بالحكرة وقالت بعصبية)حتا تكون با ولا راجلي عاد حكم عليا وفرض عليا شنو بغيتي نتا ما تنساش بلي لي بيناتنا يقدر يتبخر فاي لحظة راك ماشي راجلي وملزوم نسمع كلامك
بهاء:(جنون ولاو كيلعبو بين عينيه شدها من شعرها)انا راجلك سمعتي انا ما عندي حتا وحدة من غيرك وماشي ورقة لي غتخليني نكون راجلك بز منك ديري داكشي لي كنقول ليك وما نعاودهاش (شاف فعينيها لي دمعو وعينيه خارجين طلق منها وقاال)سيري زيدي عليك شي حاجة وعفاك تفاداي تهرسي كلمتي وما تهلينيش ندير شي حاجة ندم عليها
