كتشوف قدامها حتى خرجاتهم بصدمة وقالت وهي كتغطي فراسها
نتا اش كدير هنا وشنو دخلك لبيتي ها؟؟؟خرج من هنا خرج
فؤاد:توحشتك بزاااف جلنار شحال وانا غايب ما قدرتش نصبر باش نشوفك
جلنار(مرام):(مخرجة فيه عينيها)خرج عليا من هناااا ولا غنجمع عليك بنادم
فؤاد:كالم داون بيب جيت غير نطل عليك فرحة بشوفتك(عض على شنافتو التحتانية بتسلية وشهوة)
جلنار:(تعصبات من نضراتو ليها واشمئزات منو ومن نفسها فهاد المنضر لي طاحت فيه ولو كانت لابسة غتنوض تعطيه خلا عشتو قالت بقلة حيلة وعصبية)خرج تق**** من قدامي اقسم بالله مغنفوتها ليك
فؤاد:(هز يديه باستسلام وقال ببتسامة)اوك بيب انا غادي ولكن ديري فبالك نتي ديالي وقريب نتزوجو احبيبة سوو بلاما تخبي كلشي غنشوفو
جلنار{مرام}:(بعصبية شدات كاس د الزاج كان حداها شيرات عليه جاه فجبهتو وقالت بسخط)خرج عليااأااا
فؤاد:(شاد جبهتو لي سايلة بالدم وقال ببرود)اوك حبيبة بونوي
جلنار:(سدات عينيها بغضب وقالت بعض الشتائم فنفسها ناضت بعدما سمعات باب بيتها تسد مشات غسلات بالزربة ولوات عليها فوطة وخرجات عاقدة حجبانها سورتات بيتها وتلاحت فوق السرير هكاك بالفوطة تغطات ..
ونعسات بسبب العياء لي كانت حاسة بيه معقلاتش على راسها من رجليها حدها جابت الكاو.....
#اصبحنا واصبح الملك لله
فاقت وبقات مجبدة على سرير كترد ذاكرتها وعقلها تفكرات شنو وقع لبارح فالدوش تنهدات بغضب وحيدات عليها الغطا وناضت مشات للدوش كيفما خلقاتها مها نهار الاول غسلات وجها وسنيناتها وقضات حاجتها دخلات لدريسينغ جبدات زي رسمي انيق فالاسود ودوبييس فنفس اللون لبسات وتمكيجات وقادت شعرها لبسات صباط شانيل بيج وهزات بوشيط كلاس فالبيج طلة اخيرة فالمراة شافت راسها وعجبها وقالت:
اححح عليا الله يحفظني من العين وخلاص
رشات ريحتها د العود خفيفة وخرجات من بيتها فاتجاه طاولة الفطور لي كانو مجموعين فيها العائلة كاملة من الجد للاحفاد وائد عائلة المالكي محمد ونزهة واولادهم كل واحد منزل راسو على فطورو ومياكل بصمت حتا جات فليفلة وقالت ببتسامة:صبااااح الخيرااات عليكم
مشات عند جدها وقبلات يدو احتراما له وكذلك جداتها ومشات لبلاصتها جنب يسرى قبلاتها فخدها وغمزات ياسر لي كان حاضيها وكيضحك باسة رياض فالهواء محمد ونزهة نفس الشيء وفؤاد شافت فيه شوفة قاصحة كتوعد لو.... حتى حسات بيسرى كتنغزها قربات ودنها ليها
يسرى:(مخشية فيها وكدوي بهمس)تي مال ديك زطيو نح على دوك الشوفات
جلنار{مرام}:شكون فيهم !!
يسرى:تي هاديك لي عندها بلاصة صدر محلابة
جلنار:(هزات عينيها وقالت وهي كتحبس الضحكة)كتقصدي عبير!!
يسرى:(كتعوج وتعيب فيها)عبير..ايه هاديك البقرة الحلوب كون غير زادو شي كرسي حداها تحط فيه صدرها را متقل عليها...اجي واش ديالها ولا فيه دوك الخنشات صغار ديال السيليكون
جلنار:(حبسات الضحكة حتى عيات وطلقاتها خلات الكل كيشوف فيها باستغراب)ههههههههه وناري على مسخوطة الولدين ههههههههه ناري طيرتيني فهاد صباااح خهههههه هي فالصراحة والله مكدبتي هههههه
يسرى:(كدور فعينيها)ناري سكتي شوهتيني
جلنار:احم سوري كملو فطوركم (بهمس وهي كتحبس الضحكة)شتي هديك را واحد الباطرونة شبعو فيها تبزال وعاد معمرا بخناشي د السيليكون😂 هههه
يسرى:اييييييه على الطحَيْبة وديرا لي فيها الشريفة العفيفة...ناريييي نفسي نضرب لمها شي ترييشة ديال الكلاب
جلنار:زيديني عليك مكنحملش فطباسل مها الشعرة ايخ
رياض:(وهو كيشوف ففؤاد)مالك نتا فجبهتك
ياسر:(بالضحك)شكون فلقك المسخوط هه
فؤاد:(باستفزاز وهو كيشوف فجلنار)غير واحد القطيطة قمشاتني
جلنار:(باستهزاء)علاه هاد القطة ما قدرتيش تبعدها عليك..بين ليا هي لي غتجيب اجلك الى بقستس كدور بيها
فؤاد:تَءْ تء تء مستحيل اصلا عزيزة على قلبي واخا دير لي بغات معزتها كبيرة
ما عاوداتش ردات عليه حتى كملات فطورها ناضت هي من على الطابلة هي وعائلة المالكي لي تمناو لعائلة بن عمرو نهار مبروك وتوجهو كل واحد لشغالو يسرى مع جلنار(مرام) توجهو للشركة والباقي كل واحد توجه لاشغالو اما عند عبير لي كانت باركة على الجمر بسبب جلنار لي مكتحملهاش قالت: عنرني شفت شي قليلة الادب بحال هاد خيتي تفو حرمو علينا الفطور
سماح:(لاحت السيغفيط فوق الطابلة بالزعفة وقالت):اصلا ما عرفتش علاش جيبينا لهنا كون خليتونا غير فدارنا
صابر:البنات ا الواليد عندهم الحق حنا لاش جالسين هنا خلينا نرجعو
مصطفى(الجد):اولا حتا واحد ما بزز عليكم تبركو تانيا هادا شغلي وانا عارف اش كندير وبلاما تكترو معايا الهضرة كل واحد غيجلس يكمل فطورو بسلام ويمشي يقضي شغالو..
