ميمتو كل ماعندو فالدنيا ولكن بغاها الله وداها وقالت بعدما قلبها تزير بشوفتو هكاك)فين الميمة!!!
لحظات من الصمت دورات وجها عليهم بريبة وجهم كان بين فيه الحزن حتى شاف فليث لي حرك راسو بالنفي قصد بلي منجاتش هزات عينيها وركزات على بهاء لي عطاهم بالضهر وحط ايديه بزوج على خصرو وهز راسو لفوق قلبها تهز بشوفتو هكاك اما ليث شاف فسعاظ ورياض وخرجو سدو وراهم لباب خلاو جلنار كتشوف فيه وقلبها ضرها على حالتو وقفات وتمشات بخطوات تقال لعندو دوراتو لعندها والدموع فعينيها كان عاقد حجبانو بعصبية وعاض على شفايفو حتى تحبس فيهم الدم قالت بصوت خافت وحابسة الدموع مينزلوش
جلنار:روحي
بهاء:(شاف فيها بغضب كانه كيلومها)
جلنار:(وقفات على طراف صباعها وحطات ايدها على خدو وقالت)سمحلي ا عمري مقصدتش سمحلي الله يخليك
بهاء:(بصوت كالجليد)موقع والو رتاحي دبا..(ظار غادي خارج)
جلنار:(عنقاتو من لور ودموعها نزلو وقالت بتانيب)حنا السباب ياك كون غير كنت انا فبلاصة الميمة اهئ اهئ سمحلينا من نهار دهلتي لحياتي كلشي تقلب سفاه على علاه فحياتك سمح ليا انا السباب اهئ اهئ كنت انانية مفكرتش ليك سمح لي بزااف اهئ اهئ
بهاء:(بقا واقف للحظات كيسمع لبكائها واعتداراتها حط ايدو على عينيه وتنهد ظار لعندها هز وجها بايدو قبل بلاصت الدموع بحب وقال بحنان)نموت بلا بيك سمعتي متبقايش تعاودي بحال هاد الهضرة اخر مرة نسمعها منك وبالنسبة لمي(كمل بغصصة)مكتاب ليها توفى داك النهار حتى لو مكانتش خالتي سعاد كانت غتموت بطريقة اخرى الحمد لله على كل حال حنا عباد ضعاف وممكن فاي لحظة يسالي الاجل ديالنا صحيح انه الموت ديالها باقي ماتر فيا حيت متوفاتش ديال الله ولكن هدا مكتاب الله وكيتصرف..شش صافي دبا من البكا انا حداك ومرتاح مكين والو
جلنار:(كتشوف فيه بعينيها المدمعين)بصح
بهاء:(بتاسم)وي احياتي
جلنار:(عنقاتو)عفاك خليك حداية
بهاء:(بادلها العناق تسلات دمعة من عينو مسحها بالزربة وزاد زير عليها ختى حسات بيه)انا معاك ديما مغتفرقنا غير الموت
جلنار:(كتدوز على مؤخرة شعرو بايدها)انشاءالله احبيبي
بهاء:(بعد وشاف فيها مبتاسم)انشاء الله..(شاف الساعة)وقت النعاس ابيب غدا تابعنا نهار طويل
جلنار:هم وخا..ولكن غتبقا حداية ياك؟؟
شاف فيها بصمت شد فايدها وجرها موراه حط حتى وصلو للسرير وقال ليها
بهاء:انا معاك ديما معمرني نخليك ولكن الا نعست حداك اليوم منضمنش راسي عليك ونتي مازال مريضة اللهم خليني نعس فالفوطوي
جلنار:(لصقات فيه كتغبن)هنن لا بغيت نعنقك ونعس حداك
بهاء:(بتاسم بفقصة وقال)وها الالة سيري غسلي سنانك بعدا واحي تركدي😣
جلنار:(ببتسامة)هي الاولى مغنتعطلش
بهاء حرك ليها راسو بالايجاب تنهد كيستغفر الله على هاد التبهديلة لي هو فيها خرج لقا سعاد ورياض جالسين وليث واقف حدا باب الغرفة كيشوف فالارض بتاسم وقال
بهاء:غتبقاو هنا الليل كامل؟
سعاد:(شافت فبه وعاودت نزلات راسها حاسة بالدنب جيهتو)اه اولدي منقدرش نخلي جلنار بوحدها
بهاء:(قرب عندها وقال)خالتي
سعاد:(كتلعب فايديها بتوتر وعينيها فالارض)نعام اولدي
بهاء:علاش مكتشوفيش فيا
سعاد:(على نفس وضعيتها)الصمت
بهاء:(هز ليها راسها بايدو وقال)شوفي فيا ومكين لاش ديري حاجز بيناتنا هدا انا بهاءالدين ولدك لي شحال طيبتي ليه وتهليتي فيه وحفضتيه مبغيتش موت الوالدة ياتر فعلاقتي معاك الى مشات الغالية راه بقا عندي نتي ومرتي ونتي راك فمتابة الام ديالي متحسسنيش بلي غير مرغوب فيا و
سعاد:(جراتو لحضنها وقالت)وياك اراس الطارو من ديما كنتي ولدس كنت كنشوف فيك ولدي من ديما كنتي عزيز عليا وغتبقا ديما عزيز عليا كنت خالتك ودبا ماماك متبقاش تقول اولدي هادشي الله يرضي عليك را نتا لي بقيتي لي من الميمة اهئ اهئ
بهاء:(عنقها للحظات وبعد وباس ليها راسها)ودبا لاش لبكا صافي الالة فرحان ومرتاح وكنعتابركم عائلتي لي ولداتها لي الدنيا والحمد لله تقريبا جل مشاكيلنا تحلات وغنكملو حياتنا بيخير وعلى خير
سعاد:(كتمسح دموعها)عندك الخق سالا وقت الدموع دبا وقت الفرح الله يرضي عليك
ليث:(بغيرة)ايوا الواليدة شتك نسيتيني انا
سعاد:اجي عندي لهنا نتوما را كبدتي كلكم وليداتي لهلا يخطيكم عليا
الدراري ورياض:امين
رياض:(بمزاح)ايوا صافي ا مدام الله يجعل البركة من التعناق معييتيش
بهاء:ههه ها هي اسيدي ديها وسيرو رتاحو فالفيلا
رياض:ولكن الفيلا فيها(الصمت وغقد حواجبو بغضب قاتل)
بهاء:سيرو لديالي ليث را عارفها
رياض:وخا اولدي الله يرضي عليك
بهاء:امين اعمي
تسالمو ومشاو فحال سبيلهم وقف للحظات كياخد انفاسو بتاسم ودخل لبيت دور راسو مبانتش ليه مشا حدا الدوش طلق ودنيه كيسمع الرشاشة مطلوقة حل لباب بشوية طل وبلع ريقو وركز الشوفة فيها كانت عريانة وكدوش عينيه كيتساراو عليها بلع ريقو للمرة التانية وحدر راسو لجهة السروال سد لباب بسرعة ومشا كيضور فالبيت
بهاء:هووف استغفر الله العظيم استغفر الله العظيم(بقا كيمشي ويجي ويستغفر الله حتى سمع الدقان برك فالفوطوي وحط مخدة على فخاضو وقال)وي
جوهرة:(طلات براسها)السلام خاص نشوف المريضة
بهاء:(ببحة)كدوش
جوهرة:اوك شوية ونرجع..خليت ليك الراحة
حرك راسو بتاسمات ليه وخرجات فحين بهاء حيد الوسادة ودوز ايدو على وجهو ناض هز كاس عمرو بالما وهبط عليه يالاه كيحطو سمع البوانيي د الباب تحرك دار كيشوف فيها وهي خارجة لاوية عليها فوطة وشعرها فازغ مطلوق وقالت
