(هل ممكن حب بدا من بدري يكمل للنهاية ولا في واحد من الطرفين حيزهج وماحيكمل ولا حيكمل وحيتخطى اي شي في الدنيا عشان يكمل للنهاية)
في كافي:
-حبيبي
-ها
-عيونك حلوة
-شكرا😂😂
-شكرا شنو ياعديمة الرومانسية انا غلطان الخليت اصحابي وجيت اخلط معاك
-يعني في لحظة زي دي مفروض اقول شنو😂😂
-ماعارف بس ماشكرا اتخجلي اسكتي بس ماتقولي شكرا
ضحكت لمن دمعت 😂😂
-حبيبي نحن لينا كم سنة سوا
-ستة اعتقد
-يب طيب البخليني اقعد اتخجل شنو وانا تقريبا اتعودتا كل مانقعد في مكان بتقول لي كده
-اغير كلامي مثلا
-ممكن
-من عيوني
-تسلم لي عيونك انا
-ايوا كدا ي شيخة حارمانا ليي
-عمر قوم ارح انا زهجتا
-ارح
استتوب افهمكم ماتهيجو براحة حأشرح ديل منو سولارا (سولارا انت جنيتي يابت😂) وعمر كابلز زي مافهمتو بحبو بعض من سنة تامن وهم اسي في تالت جامعة الاتنين عشرين سنة عمر بقرا هندسة ميكانيكية وسولارا طب اسنان مافي نفس الجامعة سولارا عندها اختين واخو هي اكبر وحدة طويلة نوعا ما يعني ماشديد ولا قصيرة يعني وسط عيونها كبار سوداء مايلة على بني بتلبس لينسس ملونة هي اصلا بتلبس نضارة لكن برة البيت بتلبس لينسس حلبية (من الله مافاسخة😎😂)شعرها اسود واصل نص ضهرها تقريبا بأختصار مزززة حأوصف باقي الابطال لقدام
سولارا رجعت البيت مبسوطة وبتتبسم براها (مادخلكم قال ليها شنو😂)
-خير
-خيرين مالك
-بتتبسمي براك يختي ولي رجعتي متأخر🙄
-طلعتا مع عمر
-وانا اقول الاخت بتتبسم مالها😂😂
-اطلعي خليني براي 😶
-ابيييت
-عائشة بطلي عوارة وقلة ادب😒
-ابيييييت مش اوضتي انا كمان
وبقو بتناقرو ويتجارو ورا بعض لغاية ماتلفون سولارا ضرب
-اسسس ده عمر
-احي انا من عمر ده😂
-اس اححم الوو اهلين
-عان عان نعمت صوتها كيف
-اسس
مشت منها بعيد عشان تتكلم (تخلط بي راحتها😥💔😂😂)
-اي وصلتا
-طيب كويس قلتا اشوفك وكده
-اوك يلا اقطع وشك🤐
-امشي يا رمة ي عديمة الرومانسية🙂💔
-خلصتا يلا مع السلامة 😂
-سولي
-هاا
-بحبك🖤 وخلي بالك من نفسك(ماتتغلو بيهم قليلين ادب بس😂)
-اوك يلا 😂🖤
قفلت الخط طوالي (اتلبشت)
-ممكن سؤال؟
-اها
-انتو مابتشبعو من بعض؟
-طيري من هنا يارمة
-طرتا يا لئيمة
رقدت في سريرها (يعني حتكون رقدت وين مثلا 😶) وغمضت عينها شديييد بعدها قامت اتوضت صلت صلواتها ودعت كتيير وقامت رقدت نامت
الجزء الاول 😂🖤
يسرا عبد الوهاب 🖤
قلوبات كتيرات😂🖤
