نرجع لسولي
كانت قاعدة مع عائشة وايلاف وليلى بنات خالتها وبتحكي ليهم عن عمايل اسراء😶
-ياجماعة انتو مافاهمين البت دي لصصصقة للعوارة اتخيلو قبل كم يوم كنا انا وعمر سوا اتصورنا ونزلتها ستوري بعد دقيقتين لقيتها شافتها دقيقة ماتمت ضربت لي عمر قال ليهو انت وين يا عمورة انتو متخيلين معاي 😕
-يابيبي ولا تتعصبي دي وحدة وهمية ساي
-ايلاف البت دي ما حترتاح الا تشلبني
عائشة-طيب قولي ليهو اقطع علاقتك معاها🤐
ايلاف-اي صح
سولي-ياجاعة ماقصة يقطع علاقتو وبتاع عمر مابحب زول يغصبو على حاجة او يخيرو والحركات دي🙂💔
ليلى-اتكلمي معاها عديل قولي ليها عمر ابعدي منو
-لا طبعا بس خليها نشوف اخرها شنو
عائشة-اخرها انها حتشلبك بس😛
-اسكتي انت🙂😒
-سكتا بس بعدين ما تجي تبكي لي😛
-اصلا متين بكيت ليك😒
-عليك الله
-عائشة اختيني
-خليتك ماشة اخلط زاتو مافاضية ليك 🤐💔
-اجري بلاي
-متخلفة دي
كالعادة يعني عائشة مشت تخلط تعالو اعرفكم على عائشة شوية مكن تقولو انها سمحة شديد 🖤لي درجة بشبهوها بي ممثلات اجنبيات جسمها مقسم نوعا ما شعرها طويل لي بعد نص ضهرها بشوية لونو مايل للبني نوعا ما حلبية عيونها صغار بتشبه سولارا نوعا ما نسبة لانها سمحة وكده الاولاد المكرشين فيها كتار😎 (خرفانها قصدك😂) ونسبة لي دا ربطت كتيييير لدرجة بفوتو الخمسين 🤐💔يعني عندها خبرة في الاولاد فا دايما بستشيروها في امور الاولاد 🙄وبتاع بس زي ما اصحابها الاولاد كتار ماعندها صحبات بنات غير اتنين ولا تلاتة ومن الجامعة ومرت بمواقف سخيفة مع صحباتها من الثانوي وكانو خسيسات شديد (عشان كده صحبت الاولاد احسن🖤⚡ )
عائشة خلصت خلط ومشت نامت وصحت الصباح عادي وقشرت ومشت الجامعة بالمناسبة لسة دي ايامها الاولى يداب وهي برلومة ( ربطت مع اكتر من خمسين وهي يادوب برلومة😐💔) المهم مشت الجامعة ولاقت صحبتها اسمها دانية هي صحبتها البيست المهم كانو قاعدين في المدرجات
في حتة قريبة منهم :
-عان عان ديك منو 😐
-منو
-عان وراك براحة
-وين يخ
-في المدرج ووطي صوتك
-اخخ كرشيي😐💔
-اي بسس ياها 😉يازول امشي اتكلم معاها وبطل عوارة
-حتحرجني 😐💔
-امشي جرب احتمال ماتحرجك
-تعال معاي طيب😁
-لا لا يازول امشي براك
-لي عشان حتحرج صح 😐💔
-خلاص يامان جاي معاك
لما خلاص وصلو صحبو لزاهو وجرا(صاحب رمة😂😂) هو بقى متسمر في مكانو ماعارف يعمل شنو وبتأتئ
حنعرف الجزء الجاي عمل شنو 😂
الجزء الثالث😂🖤
يسرا عبد الوهاب 🖤
قلوبات كتيرات 🖤
