رواية 7 ياماما

الحلقة الرابعة

رواية 7 ياماما❤
للكاتبة: لولو حبيب❤ الحلقة الرابعة❤
______________________
وشرين تلفون طه
طه: ايوا
خالد: طه ياطه تعالي بسرعة😭
طه: شني في خيرك خالد تبكي
اينور: زعما خالد خو شهيد
منار: لالا اكيد مش هوا
اينور: من امبكري انقولك مش مطمنة انحس في حاجة انكسرت في قلبي وحطت يدها علي قلبها
منار: خيرك اتفاءلي خير
طه طاح منه التلفون وطاح مكعمز ويبكي😭
اينور كعمزت قدامه: خيرك طه قولي شهيد فيه حاجة😭
منار تعطي فيهم في اميه: بسم الله خيركم
طه حضن اينور ودموعه ينزلو علي شعرها
اينور: باللهي قولي من امبكري مضايقة توا حاجة انسكرت في قلبي شهيد في حاجة
طه: فرحانين قلنا اهو بيروح من الحرب وسكت😭😭
اينور: كمل كمل😭
طه: روح في تابوت 😭
الكلمة طاحت علي اينور زي الصاعقة قعدت تشبحله وبس
منار: اينور
اينور بعياط: تكذب تكذذذذذذذذذب شهيد مماتش شهيد وعدني ايروح ونتجوزو مستحيل😭
منار: اينور
طه: مات مات فيقي
اينور: مماتش لاااااااااااا
طه ضربها كف👋
اينور: هوا وعدني واغمي اعليها
منار: حي اعليا اينور اينور
طه قامها وامشي هوا ومنار رفعو اينور للمستشفي
اينور فاقت وتشبح في طه متكي علي الحيط ويبكي ومنار مكعمزة بحداها
اينور: قاعد حي صح
منار طبست راسها لوطة
طه: تعالي كان تبي اتشوفيه
اينور وقفت وهيا مستندة علي طه وطه بروحه يبي مني يستند اعليه خشو وقام طه اعليه الغطاء
اينور حطت يدها علي وجه: شهيدي 😭
طه شاد يده شهيد ويبكي😭
اينور: شهيدي فيق انتي وعدتني اول ماتروح اتجي تخطبني وانته شهيد توفي بوعدك صح شهيدي 😭
طه: خلاص اينور😭
اينور: باللهي خليني نبي نحكيله شن صار فيا في شهرين الي هوا مهناش
طه😭
اينور: شهيدي نوض ووريني الضحكة الي نموت فيها وريني الضحكة يلي تقتل العالم وريني الضحكة يلي ضحكتها يوم دسيتك في الدولاب وريني الضحكة الي يوم قتلي فيها انحبك وقتلك حتي اني كانت احلي ضحكة ريتها في حياتي وريني الضحكة يلي قبل ماتمشي ضحكتها نوض انته قتلي كل يوم حنضحك لانك اتحبي ضحكتي انته قتلي منبيش دمعة تنزل منك نبيك ديما تتضحكي تتذكر اخر مكالمة امس قتلي منبيكش تبكي بكل اعليا نبيك تتضحكي وتقيمي راسك واتقولي حبيبة الشهيد انتي قلتلي هكي صح وقتلك بعيد السو اعليك انته كنت حاس ياريت نقدر ناخد من عمري ونعطيك ياشهيد شهيد باللهي نوض لو اتحبني نوض وافتح عيونك ها ريت انته متحبنيش كنت كل يوم انقولك في الكلمة هادي وانته اتقولي صح اني منحبكش اني نعشقك شهيد نوض حبيبي قولي من قتلك واني نقتله بيديا ااااااااه ياحبيبي نار راكبة فيا
وعيطت باعلي صوت عندها لين المستشفي كلها سمعتا: شهييييييييييييييييييييييييييييييييد
طه غطا شهيد وسند اخته وطلعها
اينور: طه امنين تحفورو القبر احفرلي قبري بحداه😭
طه: بعد عمر طويل يااختي😭
اينور: باللهي اعليك😭
الناس كلهم يشبحولهم
منار: اينور عظم الله اجرك وادعيله بالرحمة
اينور: هوا مماتش هوا قاعد اهني _ واشرت علي قلبها_
خشت مراة اتعيط وتندب ووراها خالد
ام شهيد: ااااه ياوليدي وين امشيت قتلك فوتها لاجبهة لاسو مزال نبيك حرام اعليك ياوليدي شويتيلي كبدي
اينور انهارت اكثر من قبل ومكعمزة لوطة وتبكي مش قادرة حتي تعيط
منار معاش عرفت اتصبر ام شهيد ولا اينور
طه: استهدي بالله ياخالد
خالد: مش قادر معقولة شهيد يلي كان ايقول بنروح ونتجوز اينور اني وعدتها قال بنروح وندير عرس مافيش حد داره من قبل
طه حضن خالد ويبكو الزوز😭
اينور: شهيد شهيد
ام شهيد: ياولييييييدي شن بيصير فيا شن بيصير في اينور
منار: خالتي حرام اعليك تعذبي فيه هوا شهيد وانتم تعذبو فيه
ام شهيد: نااااار يابنتي
ومرو 3 ايام العزاء واينور متروحش من حوش شهيد الا في اليل وامنين يسالو هادي مني ام شهيد اتقولهم مرت شهيد واينور اتقولهم حبيبة الشهيد
////
نرجعو ليومنا هادا
طه: هي انزلي
منار فتحت الباب ونزلت اينور
منار: اسمعو اني خايفة خشو بروحكم
طه: من شني خايفة
منار : معقولة بنخشو الي مقبرة ساعة 2
طه: من دون خوف زايد خشي هيا
منار: لا بنقعد اهني
طه: انشالله يجيك
منار: طه وخشت معاهم
اينور كعمزت جنب قبر شهيد
اينور: ااااااه وين مشيت وخليتني باذن الله حنلحقك ياشهيدي😭
طه: استحشتك ياصاحبي امشيت وخليتنا😭
اينور: استحشت ضحكتك الحلوة استحشت عصبيتك استحشت هبالك استحشتك ياشهيدي😭
طه: اعلاش مرفعتناش معاك انته قلت وين ماتمشو نمشي معاكم 😭
اينور: انته قلت حتي الموت ميفرقناش صح لكن اينور القوية ابدت ضعيفة في غيابك ضعيفة هلباااا ياشهيدي😭
طه: ياصاحبي من عندنا غيرك نذكر يوم وقفت معاي في وفاة بوي من الرغم انه كنا صغار بس كنت اتقولي طه انته راجل متبكيش وشديت دموعي ومبكيتيش لكن في وفاتك مني بيقولي انته راجل متبكيش وينك ياصاحبي ارجعلنا ياصاحبي صح الموت حق وكلنا بنموتو بس صاعبة ياخوي صاعبة😭
منار: حرام اعليكم اتعذبو فيه هوا شهيد مضيعوش اجره خلاص متبكوش اكيد لو شهيد كان اهني يبدا ايكشخ اعليكم عشان انتم تبكو انتم تعرفوه ميحبش حد يبكي وبالذات انتم دموعكم غالية هلبا
اينور: خلوني اهني منبيش انروح
طه: هي وخيتي
اينور: مش قادرة انخليه بروحه
طه: 3 شهور يااينور وهوا راجل وميخافش
اينور: كانهم 3 سنين
وقفت اينور : تصبح علي خير حبيبي واني متاكدة مش حنطول ونجيك
وامشو روحو مرت ليلة علي طه واينور بكاء بس
لين رقدو
_________
في الصبح🌇
خشت امهم القتهم راقدين
امها: اينور شن ادير اهني
كانت اينور مكعمزة لوطة وحاطه راسها علي السرير وطه متكي علي السرير بحداها وواضح كانو يبكو
امها: اينور طه
اينور فتحت عين ومصقرة عين: شهيد
طه طول حط يده علي فمه
اينور شبحتله طه فنص فيها😐
امها: خيرك ارقدتي اهني
طه: جت انهدرزو لين خدانا النوم
امها: اتخلي اختك راقدة بروحها
اينور: ناضت هيا
امها: اي
اينور: به وقفت امها شبحت السلسلة في رقبتها
امها: استني وامشت وقفت قدامها وحطت يدها علي السلسلة
اينور شبحت الي طه
امها: هادي ترا وين شايفتها السلسلة
اينور: وين شايفتيها
امها: امنين جاتك
طه: اني جبتهالها امس
امها: هادي السلسلة كانت ديما في رقبة شهيد الله يرحمه مينحيش فيها
طه: قتلك اني جبتهالها
اينور طلعت
طه خش للحمام( حشاكم)
امها: فيه حاجة غريبة السلسلة هادي معاش فيه منها واني متاكدة هادي متع شهيد خيرني انفكر هكي حتي لو متاعه بنتي شن بدير بيها
///
اينور خشت: منار نوضي
منار: همممم خليني نرقد
اينور: نوضي عندي ماندير هيا
منار: شن عندك بديري في الصبح
اينور بعياط: منااااار
منار حطت المخدة علي راسها: عيطي الي غذوة الصبح
اينور: وراك زقرلو( صرصور)
منار ناضت اتعيط: وووووه ياماما
اينور: ههههههه
منار حذفت اعليها المخدة: بااردة
اينور: هههههه
وضمو الدار وناضو الولاد كل واحد ضم داره
وبعدين نزلو يضمو لوطة
احمد: طه تعالي
طه: شن تبي
احمد : الحقني وامشو الي الكوجينة وكانت اينور اتطيب في الغدي ومنار مكعمزة علي الطاولة وتهدرز علي اينور
طه كعمز علي الطاولة
احمد: منار اقلبي وجهك هي
طه: هيا تعرف
احمد: ياسلام واني اخر من يعرف
اينور حطت الكاشيك( ملعقة) بالقوة: شنو فيه
احمد: مني يعرف بالحاجات هديكا
طه: منار واني بس
احمد: اتذكرو بالك في حد تاني
طه: هات من الاخير
احمد: قلتو بتحكولي قصة الحاجات هديكا شنهيا قصتهم
طه: انسي الموضوع
احمد بعياط: مش ناسي شوف اختك اليوم لابسه الحديدة والسلسلة وامس ساعة 1 وين امشيتو
طه: وانته كيف عرفت طلعنا
احمد: عرفت وخلاص اصلا نسمع في اينور اتعيط شهيد
منار: شورك ماعندك مادير واقف في الروشن وتسمع فيها
احمد: مدامك تعرفي احكي القصة
اينور كعمزت علي الكرسي ودموعها ينزلو: اني نحكي😭
احمد كعمز: واني نسمع
اينور: شهيد صاحب طه الله يرحمه
احمد: اي الله يرحمه
اينور: علاقة اني وياها سنتين
احمد: نعرف
طه: امنين تعرف
احمد: نعرف نشبح فيكم كيف اتهدرزو والحب باين في عيونكم
منار: غريبة متعصبتش او درت حاجة
احمد: ماهو نعرف شهيد راجل ومنبيش نحرمهم من بعض زي ماهما ايحبو بعض حتي اني انحب
اينور: اي وهديكا الحديدة شريتها الي شهيد يوم عيد ميلاده الي مات فيه وهديكا السلسلة متع شهيد الحاجات هديكا كلها متع شهيد
احمد: وامس وين مشيتو
طه: الي شهيد
احمد: وين الي شهيد انشالله امشيتو الي عالم الموته
منار: معاش تتفرج علي افلام رعب
\\\
لولو حبيب: حتي في المواقف هادي تافه
احمد: اكتبي واسكتي
لولو حبيب: 😒😒😒
\\\
احمد: نوضي روحي ياحيوانة
اينور: خليك منار امس امشينا للمقبرة
احمد ناض باس راس اينور: حبيبتي ادعيله بالرحمه بس
اينور: الله يرحمه
قصي: اووووه في اجتماع ولا كيف
طه: لا اجتماع لاشي نهدرزو
قصي: شنجو اينور وفتح باب الثلاجة
اينور شبحتلهم بمعني شن صاير
كلهم قعدو مصدومين
قيس: اوووووه خوتي شن الامور
اينور: انته وياه واخدين حاجة مش ليكم
قصي: اي
قيس: شن رايك
اينور: شني فيه بالذات قصي اول مرة يتكلم هكي
قيس: يافتاة اخوك اختار التغير
اينور: في شني التغير
قصي: تغير في معاملتي معاكم مش ديما بنقعد جدي لكن مش تفرحو وقت اللعب لعب ووقت الجد جد ومن دون تسهويك زايد
طه ضربه علي رقبته: واخيرا شخصية العصبية والمغرور بتختفي من حياتنا
قصي : طه
قيس: لالا ريلاكس قصي
قصي: استغفر الله
كلهم: 😂😂😂
امها: عندي ليكم موضوع ولا انخليه بعد ماتكملو ضحك
منار: انشالله خير
امها: .......................
_______________
نبي تفاعل قوي علي الحلقة وتعليقاتكم عادي حتي لو نقد ولو شفتو شي في كتابتي غلط عادي قولو
مع السلامة💞
للكاتبة : لولو حبيب ❤