رواية 7 ياماما

الحلقة 11

رواية 7 ياماما❤
للكاتبة: لولو حبيب❤ الحلقة 11❤
______________________
انفتح الباب وخش كعمز طول
اينور: 😨😨
اللواء خالد: السلام عليكم
اينور: ااا عسكري انته
اللواء خالد: اي
اينور وقفت دارت التحية وكعمزت
اللواء خالد: ارتاحي يابنتي اكيد تعرفيني مني
اينور: لالا مانعرفكش يابوي
اللواء خالد: الله يرحمه
اينور: كيف عرفت
اللواء خالد: اينور اني اللواء خالد
اينور شبحت فوق عشان دموعها مينزلوش: اي حكالي اعليك شهيد الله يرحمه
اللواء خالد: عادي الرحمة اتجوز علي الميت والحي
اينور شبحتله بصدمة: كيف فهمني
احمد: اينور.. هادا مني
محمد: بالك جاي بيشري سيارة
اللواء خالد: اني جيت عشان اينور بس كنت بنقوللها حاجة لكن اينور هادا رقمي تو انكلمك اني وانقولك وين نتلاقو عشان انقولك السر
اينور هزت راسها وهوا طلع
احمد: مني هادا
اينور حطت راسها علي المكتب
محمد: اينور
اينور شبحتلهم وحكت كل شي قاله اللواء خالد
احمد: شني يقصد بيها
محمد: قصدي شهيد مات صح
اينور: بي عيوني الزوز شبحته وهوا في الثلاجة متع الموتي
محمد: اوك هي نروحو
خش ولد: السلام عليكم
كلهم: وعليكم السلام
الولد: الباين انه المعرض جديد
محمد: اي تفضل خوي
الولد: الصراحة عجبتني BMW ميماتي
محمد: تعالي وريهالي
وامشي هوا وياه
اينور: احمد اني خلاص لازم نطلع ونعرف شني يقصد اللواء خالد
احمد: به وين بتطلعي
اينور: اهو في جردينة نمشي نكعمز فيها ونكلمه
احمد: انجي معاك
اينور: لالا خليك
طلعت تجري امشت الي الجردينة كعمزت وتشبح الي الصغار كيف يلعبو والناس شرينت الي اللواء خالد
اينور: ايوا السلام عليكم
اللواء خالد: وعليكم السلام
اينور: نستنا فيك في الجردينة الي قدام المعرض
اللواء خالد: اهو نشبح فيك من السيارة شوي وننزل
ونزل كعمز بحداي ونشبحو الي الصغار
اينور: هي تكلم
اللواء خالد: اني مش حنتكلم انتي بتعرفي بروحك
اينور: شنهوا الي بنعرفه
وفيه حد غمضلها عيونها
////////
احمد: ها محمد شني صار
محمد: تم غذوة بيجيب الفلوس ونكملو الوراقي
احمد: تم هي نروحو
محمد: وين اينور
احمد: في الجردينة قالت تبي تعرف السر
محمد: هي نطلعو صقرو المعرض وامشو الي الجردينة
/////
اينور: مني
اللواء خالد: انتي قولي مني هي
اينور: اليد هادي مش غريبة اعليا ولا الرائحة
اللواء خالد: وفي مني اتفكرك
اينور: في شهيد الله يرحمه
شهيد: ومني قالك شهيد مات
اينور وقفت طول وتلفتت
اينور: ش ش ش ش شهيد
شهيد جي حضنها: استشحتك يافرخة
اينور اغمي اعليها طول
احمد: اينور
محمد: تي كيف صار اينور
احمد قام راسه القي شهيد
احمد: بسم الله محمد
محمد: اينور ويفيق فيها
احمد: تي شوف مني واقف
شهيد: مني انتم
محمد قام راسه: شهيد
شهيد: امنين تعرفوني
اللواء خالد: هادم خوت اينور ياشهيد
شهيد قام اينور وركبها السيارة امشي بيها للمستشفي طول
محمد لحقهم
احمد شرين الي طه
احمد: الو
طه: ايوا
احمد: وين انته
طه: في طريق الشط
احمد: به تعالي الي &&&&
طه: تم
/////
وصلو للمستشفي وفاقت اينور القت شهيد ومحمد
اينور: شهيد
شهيد: اني معاك يااينور
اينور: انته حي
شهيد: اي ياحبيبتي وباس يدها
محمد: كيف متت وطلعت حي
شهيد: ههههه زي الاتراك عندهم 7 ارواح
محمد: ههههه
اينور ناضت وحضناته طول
خش طه وحضن شهيد طول
شهيد: مني هادا
طه شبحله بصدمة
شهيد: انبصر انتم الزوز بس نذكر فيكم وحضنه بالقوة
شهيد: استحشتك ياصاحبي
طه فتح يده وجبد اينور وحضنو بعضهم ال3
شهيد: في حاجة نبيها منك يااينور
اينور ابتسمت ونحت السلسلة من رقبتها ولبستهاله
شهيد شد السلسلة بيده: شكرا لانك حافظتي اعليها
اللواء خالد خش وابدي يحكيلهم في كل شي صار
اللواء خالد: طبعا شهيد قتل اللواء متع الأعداء وقعدو ايدورو فيه يبو يقتلوه وقصفوه بالطيران فقد الذاكرة وطبعا فدوة وفرح بعتو ولاد يقتلو شهيد لكن مش شهيد الي في السيارة ولد تاني وملتم يحسابوه شهيد قتلوه وحطينا شهيد في الثلاجة عشان اتصدقو انه مات وبعدين ارفعناه للعناية ودفنتو الولد هداكا وحتي عيلته جو وقلنالهم ميقولوش انه ولدهم
طه: فات اعلينا هادا كله معقولة
اينور: المهم انه رجعلنا
شهيد شد يدها
خش خالد يبكي وحضن شهيد طول وامه وراه تبكي توقف واطيح
شهيد بهمس: مني هادم
اينور: خوك وامك
شهيد امشي الي امه وهيا مكعمزة تبكي باس يدها وراسها وحضنها وهيا تبكي😭
طه شبح الي اينور القاها تبكي وتبتسم😭
طه حط يده علي وراء رقبتها وجبدها تكاها اعليه ويشبحو الي شهيد وامه
اينور: خايفة يطلع حلم وانوض منه
طه: لو حلم انشالله منوضوش بكل
شرين تلفون اينور
اينور قامت تلفونها وطلعت من جنبهم وردت
اينور: ايوا
شهيد( خو منار ): قالو حبيب قلبك رجعلك
اينور: شني تبي
شهيد: اختي منار اتروح خير مااتشوفي حاجة متعجبكش
اينور: توا عرفتها اختك
شهيد بعياط: قلت اختي ترجع خير
اينور: اختك انساها والي بديره ديره
شهيد: عارفة روحك شني اتقولي ولا
اينور: اي نعرف انته الباين متعرفش مع مني تلعب
شهيد: هيا عناد
اينور: زي العناد انته بتلعب واني بنلعب ووحدة بوحدة وصقرت اعليه
اللواء خالد: شهيد ممكن تطلع شوي
شهيد طلع
اللواء خالد: هوا قاعد فاقد الذاكرة اني قتله هادم عيلتك وبس تو كلكم بتمشو اتعيشو معاه ولازم ترجعوله الذاكرة انتم عيلته وساعدوه
كلهم: به حاضر
امه: وين بنعيشو امعاه
اللواء خالد: في فيلا ليه هوا وكلها حراسات ومفيش حد يطلع منكم ولا يخش وكل شي تبوه ايجيبوه الحراس
خالد: به مني البي بيمشي مننا
اللواء خالد: انته ووامك واينور وطه بس ومتقدروش تتطلعو حتي انتم
طه: تم هي روحو توا ناخدو حوايجنا كلنا ولازم انديرو المستحيل بش ترجع ذاكرته
كلهم: اي هي وطلعو
////////
شهيد ( خو منار): جاهزين ياولاد
الولاد: جاهزين
شهيد: تمام هي اطلعو
وطلع هوا بسيارته وطلعو وراه
////////
اينور: السلام عليكم
كلهم: وعليكم السلام خيركم عطلتو
قصي: اني تحشميني قدام الولد قالي بندير مقابلة شرعية خاش انادي اعليك ملقيتيكش حشمتيني
منار: 😂😂😂 البرستيج ابدي بشوي يمشي منك😂😂
اينور حضنت منار: وخيتي به الي تتضحكي
منار: مفيش حاجة تستاهل نزعل اعليها
طه شبحلها 😉
منار: 😒😒😒
قصي بعياط: انكلم فيك انتي وين كنتي
اينور وقفت قدامه : قول الي علي قتلك اينور مانيش موافقة وبعدين مش حنوافق علي ولا ولد غير شهيد
امها: يابنيتي الله يرحمه تقطعي نصيبك معقولة
طه: اني مانيش متكلم تكلمي انتي يااينور
اينور: زي ماقال اللواء خالد الرحمة تجوز علي الميت والحي
كلهم: فهمينا
فراس كيف خاش
امها: به الي جيت انته قريب انسيت انه عندي ولد اسمه فراس
فراس تجاهل كلامها ويشرب في اميه
اينور: شهيد حي
خالتهم: رورورورروروري
زياد: يعني خواتي مش مجرمات
فراس طاحت من الطاسة ويشبحلهم فرحان قريب ايطير
اينور: مش لدرجة هادي لا مجرمات لانهم قتلو ولد تاني وامه قاعدة تتدعي اعليهم لليوم وتتحسب فيهم
امها: كيف حي مفهمتش
طه: كان في غيبوبة وقعد يحكيلهم في القصة كلها
جداهم حضنت اينور: الف مبروك يابنتي
اينور: الله يبارك فيك
وانقلب الحوش كلهم فرحانين
فراس ركب داره كعمز في الروشن ويتفرج علي الدنيا برا
فارس خش وشده يهز فيه: انطيحك اتموت
فراس: هههههه متقدرش اتعيش من غيري
فارس: 😂😂😂
فراس نزل وحضنه : مش مصدق انه عادي تو نقدر نتزوج فدوة
فارس: واني نتزوج فرح
خشت اينور: نعرف الكلمة الي بتقولوها اعلاش مدايرين الباب صح
فارس: مدامك خاشة مداهمة هكي اكيد هادا السؤال
فراس حضنها: اسف علي كل كلمة قلتها
اينور: مش بالساهل انسامحك المهم اني جيت بناخد الجاكيت متع فارس وبس
فراس بعد اعليها ورجع كعمز علي الروشن وهوا نادم علي كل كلمة قالها
فارس: شني بديري بيها
اينور: بناخدها عادي
فارس: امنين الاحترام من امته تشاوري علي حاجة انتي
اينور: اتفو ميمشيش معاكم الاحترام فتحت الدولاب اخدت الجاكيت وطلعت
فارس: تو مع الايام اتسامحك
فراس: انشالله
اينور حطت حوايجها في الشنطة وطلعت
اينور: ها طه واتي
طه: اي هي
اينور: تعالو كلكم
احمد: لازم خطبة صلاة الجمعة هادي
اينور: اتفو خلوني نتكلم
اينور: انتي يامنار اقسم بالله اني نمشي وانتي تتطلعي من الحوش مانيش مسامحتك لادنيا لااخرة حتي عيلتك روحو متروحيش حوشكم يبوك ايجوك اهني مفيش مرواح باللهي اعليك لين انروح اني
منار: حاضر
اينور: وانتم ردو بالكم علي منار اتصير فيها حاجة مانيش مسامحتكم
كلهم: به
جداهم: بري هيا يانفاخة
اينور: محمد سلملي علي مراسم واحمد سلملي علي اغاريد
ودارتلهم باي وطلعت تجري هيا وطه
احمد & محمد: 😐😐
منار: 😂😂😂😂😂
امها: مني هادم مراسم واغاريد
منار بعياط: تي منورة يااينور
اينور من الجنان: بوجودك ياحبي
امها: هييي انته وياه
قيس: اينور وضعت قنبلة وذهبت وبعد قليل سوف تنفجر وتبان الحقيقة
منار حذفت المخدة: وووووه كلمة عربية وكلمة ليبية نوض تكسرلي في رقبتي الزفت
زياد: 😂😂😂 هادا زي موضوع الي في الفيس ثانكيو والجو هادا
منار: ايوا😂
قيس: خزي
قصي: تي تكلم انته وياه
محمد: احمد 1 2 3
وهربو يجرو الزوز
امها: به به تو انشدكم ونعرفهم مني
احمد: تو انوريها اختك هادي
محمد: ضحكت اعلينا
احمد: لكن اضحك انته امنين قالت اسم مراسم اتقول شبحت جن قدامك😂😂
محمد: انشالله يطلعلك في اليل الجن الي تحكي اعليه
احمد: مرحبتين بيه اصلا في الليل انكسد نلقا مني يكسد معاي
محمد:😂😂😂
////////
عند اينور
وصلو العيلة كلها للفيلا الي فيها شهيد والحراس في كل مكان قدام الحوش وداخل الجنان شهيد فتح الباب ونزل
اينور: لاااااااااااااااااااااااااا😭😭
_____________________
انشالله تعجبكم الحلقة💖
مع السلامة💞
للكاتبة : لولو حبيب❤