العـلوم النـظـريــة

بدايه الاختلال ..

السلام عليكم ...
الصوره اللي فوق دي للمختل افلاطون ..
واكمالا لقصتنا الحلوه ي حلوووين ...
ان بعد ما الانسان بدأ يفكر ازاي يستريح ويريح..

كان الانسان عامل زي الغوريلا بشعره وعريااان💃
ولما شافته مراته كده غارت عليه من النسوان💃👀
ففكرت فكره جنان ✂
وعملت لبس لجوزها الغلبان👕👖
ومن حلاوه اللبس شقط بنات كمان😂😎👏

المهم..
بدأ يفكر بطريقه مختلفه بدأ يشوف الدنيا حواليه
وتحولت الاسر لقبائل والقبائل لمجموعات ..
ومن المجموعات دي لحضارات..
اقدم حضاره عرفت هيا اللي في العراق ..
بس حد حيقولي يعني ايه حضاره  !!
يعني ابني بوزا وصنمين بالعجوه
وشويه خوازيق واقفه وارسم عليهم حيوانات
وكده مبروك عملت حضاره يبني👏

بس طبعا لا يقارن مع بوزا الفرعوني ..احنا الاساس والباقي محتاس..
محدش يقولي كياس ، لان  مفيش كياس في زمن الفراعنه ..صحصح وفوق لاجيلك من فوق😶🔫

وعشان منطولش عليكم ظهرت بعدها شويه مختلين كده بدأوو يفكرو بطريقه غيرو بعدهم مصير العالم
وكان معظمهم من اليونان بلد الجنان والمختلين كمان ...وطبعا غني عن التعريف المجنون ارسطو
والمختل افلاطون والحكيم موسي
اده حكيم مين يقلقاسه انت ! ..
اه ده سقراط بيه اللي حطو عليه..

المهم الناس دي في منهم اللي اتشنق واللي اتخنق واللي مات مسموم ..واحنا ملناش دعوه ي محي..
المشكله مش هنا ..
المشكله ان اللي كتبوه لفوه
عشان يتلفوا عقول الناس
اللي هو احنا طبعا☺💔

المهم جه واحد ده بقي العشق ده اللي نيوتن غش منه كلامه اللي كاتبه في الكتب وراح عمل منها قوانين وطبقها و كمان زود عليه ..
فاكرررين التيششفاحه ياما التيشششفاحه
اللي قارفنا بيها نتن باشا اتاري نزلت علي راس الحج جلجل... اه حتقولولي مين جلجل ده  ؟
ده يسيدي جالجيلوا جلجوله  جاليليوا باشا
بس منزلتش عليه تفاحه نزلت حاجه تانيه بس انا صايم دلوقتي ..
جاليلو يسكت ؟ لا طبعا طلع من قبره ومسكه من زماره رقبته وخلاه يعترف بانه غش منه..
وبكده نبدأ مع عصر جديد من العلم المادي اللي بيرتبط ب
حتشوف حاجه حتفكر في حاجه!!..
>>طبقها عملي ..
ي اما عن طريق تجربه اجيب مسامير وانابيب واصنع عجله او اعملها علي طريقه 1+1=2
يعني يشتغلوها رموز..

وبكده انتهت فقره اليوم..انتظرونا❤😌

نيجي لفقره السؤال ..

>>>اين مطلع الارض  ؟!

لا اسأل عن مطلع الشمس
بل عن مطلع الارض..
يلا اتحفونا بقي باجابتكم
مش عايز كسوف ي ولاد
جاوب من وجهه نظرك.
محدش يروح للعم جوجل لان
الاسئله دي من دماغي ..

#تأملات فلسفيه بالمهلبيه