شكرا جدا ي اصحاب😇💃 انتو عندي اغلي احباب❤💃 دعمكو ليا من علي الباب😑🔫💃 زي الشحات اللي اخد الجلباب👀💃 مستني تدخلو يبني ادميين😒💃 واللي حيقف من علي الباب 😡💃 حرميه والله من الشباك😶✋💃
نلم الدور ها يحج ☺ احم اسفين ابشه المهم..
وبعد ما خلصنا من حدوته نيوتن ...جه واحد من اشهر العلماء في العالم الكل طبعا يعرفه فهو العالم اينشتاين ...
كنت قاعد علي السرير سرحااان واذا بي المح دبااانه ايوا دبااانه بتطير بشكل عادي بس بمجرد م وصلت تحت لمبه واللمبه دي مش منوره طبعا ، بقت تطير بشكل غريب لمده طويله ومن كتر الفضا اللي انا فيه بقيت احاول احدد مسار الدبانه دي في المكان ده ولقيته انه عباره او اشبه بالمثلث وهيا دي مسار الدبانه فعرفت ان المكان بيتحدد بثلاثه اتجاهات وعرفت ان المكان ثلاثي الابعاد ...
عارفين كلام مين ده ...ده ي جماعه رينيه ديكارت
الدبانه تلم نفسها وتسكت لاااااااا.. اااااه ي دبانه يا منحرفه عايزه حد يلمك 😒🔫
تروح لاينشتاين والباشا بتاعنا يقع في حبها يقوم مراقبها هو كمان في نفس المكان وفعلا اتاكد ان رينيه علي حق بس كان ناقص يضيف حاجه صغيره اللي هيا ايه ي حلوين !! انه الزمن ي ساده
انا عشان احسب مسار الدبانه في النقطه دي مثلا لازم يكون معايا زمن عشان تتحدد بيه ...فمثلا تخيل معايا كده دبانه بتبيض والبيضه فقست وطلعت كتكوت ..الكتكوت ده بيطير في ثلاثه ابعاد طيب عشان احدد موضعه في نقطه معينه لازم اضيف الزمن معاهم علي اساس ان الزمن بعد رابع وبالتالي سمي منكوفيسكي هذه النقطه اللي عايزين نحددها بالزمكان
وكل شرحي ده عشان اوصلك معني كلمه الزمكان
طيب ندخل بقي في موضوعنا ...كان ايه رأي اينشتاين عن الجاذبيه..
بص ي سيدي واتخيل معايا انك ركبت اسانسير والاسانسير ده لما بيطلع لفوق في خط مستقيم بتحس ان رجلك بتضغط علي ارضيه الاسانسير وبتزيد جذبك للاسفل كما لو ان وزنك زاد ... وبيزيد ثقل جسمك وضغط علي الاسانسير كل ما يزيد سرعه طلوعه ..
ولو حصل ان الاسانسير نازل بتحس ان وزنك خس وبقيت خف الريشه ..
تخيل معايا بقي وانت في الاسانسير وخيط الاسانسير اتقطع.. رجلك مش حتبقي حاسس ان هيا ملامسه ارض الاسانسير وحتبقي كأنك طاير وفي حاله انعدام وزن بس انت داخل حته صندوق ف مش شايف هل الاسانسير في حاله سقوط ولا لا ... الحته دي بقي زي واحد رموه في الفضاء كده هو في حاله سقوط مع الكواكب بس انت في حته صندوق مش شايف السقوط ده رايح علي فين...
ف ادراكك يقول انك بتطير لكن لا يحبيبي ده انت في حاله سقوط مع الكواكب بس عشان انت معاهم فمش مدرك ده... وبتفكر نفسك طاير ي حلو 😂
طيب حلو ف الحج انشتاين جه قال ايه بقي عن جاذبيه الكواكب ..ان طبعا كل الكواكب بالشمس بتاعتهم زي ما قلنا في حاله سقوط حر بس القمر ليه بيدور حول الارض مثلا ؟! حقولك ي سيدي
اينشتاين قال ف الحاله دي الانحناء هنا هو خط مستقيم والي بيندرج تحت مسمي الهندسه الغير اقليديه وان الاجسام بتتحرك عليها بدون قوي لانها مش بتغير اتجاها نيوتن لما عرف الجاذبيه كان معتقد ان الكتل بتنجذب لبعض لكن في الحقيقه الكتل هي الي بتتني النسيج ونتيجه الانحناء داا يبان انها بتسقط وهو دا سبب الجاذبية والانحناء ما هو الا مسار مستقيم....
تخيل جبت ملايه السرير وخليت اخوك يمسك من طرفين الملايه وانت من الطرفين التانيين وافردو الملايه وحط كره كبيره بالنص اللي حيحصل ان الكورة دي حتتني الملايه لتحت في النص حط كوره صغيره قرب الكوره الكبيره حتلاقي ان الكوره الصغيره حتفضل تلف كدايره كده لغايه لما تنزل علي الكوره الكبيره ...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ده كانت النسبيه الخاصه لاينشتاين وطبعا
ممننساش اعمال انتوان والحج بوانكاريه واعمال الحج جاليليو عشان هما اتكلموا قبلو في الموضوع ده ...بس كان بحث اينشتاين شامل و معمم..
سؤال اليوم..
تخيل انك بتمشي اسرع من الضوء ؟ ماذا سيحدث ؟
#اللهم اجعل هذا العمل خالصا لوجهك... الحمد لله..ولا اله الا الله... الله اكبر
