العـلوم النـظـريــة

الجاذبيه الجزء الثاني

السلام عليكم احبائي الاعزاء..

وبعد ما اتكلمنا في حلقه امبارح عن اسهامات ارسطو وغاليليوا ...

النهارده حنتكلم عن شخص عملوا منه من الحبه اوبا
الا وهو نيوتن باشا...خلينا بس الاول نعرف مين نتن باشا ..الطفل ده كان بيحب العزله انطوائي ومتغير مزاجه كل شويه لدرجه كان بيجنن جوز امه وحط في هدومه فار وهو نايم .. خلي الراجل بقي عامل زي الفار الطباخ 😂..

...

المهم الولد ده كبر عادي ولما وصل مرحله الكليه زيي كده بالظبط تفشي وباء الطاعون لمده سنتين...

زي الكورونا كده مقعدتني في البيت
وانا اهو بكتب عن الفيزيا ها
يعني شويه كمان وحيتقالي نتن باشا 😌✋

خلنا نكمل ي افلح اخواتك 😒..

مهم كل قعد في البيت وهو عشان كان بيحب القرأه فقرأ عن المجنون ارسطو  وكمان جلجل  وكمان عن شخص اسمه رينيه ديكارت و هانز كيبلر..

(حنتكلم عنهم بعدين )..

وهما دول كانو كل العلماء اللي اثروا فيه وحب العلم منهم ....ومن هنا بدأ نتن يجرب ويختبر صحه اقوالهم...
وكانت السنتين اللي كان قاعدهم في البيت اثر كلام رينيه ديكارت عليه لان الحج رينيه كان بيشوف ان الكون ده عباره عن جسيمات وكل جسيم يؤثر علي الاخر ...

المهم نتن كان مخنوق من قعده البيت
رح راح قعد علي المصطبه المحطوطه
تحت شجره تفاااح ...

وطبعا عارفين القصه وقعت قدامه تفاحه فشدت انتباهه فبدأ يسأل نفسه هيا ليه التفاحه وقعت علي الارض وليه موقعتش علي السما مثلا هو كان عارف الجاذبيه بس مش عارف ماهيتها ايه !!
فبقي يسأل نفسه ان زي ما الارض اثرت علي التفاحه ...هيا كمان بتأثر علي القمر ...بس لو هيا فعلا بتأثر علي القمر مبيسقطش ليه علي الارض زي التفاااحه  ؟!
....
وانا من هذا المجلس اقول...😌✋
..
القمر دايما كده في السما 💃💃
فرحان بوجوده في الفضا💃
دايما شاغل الهوا❤😌
لا احد ينوله و لا احد يطوله...
عن نفسي اتكلم احم احم😂

لم نفسك احج وكمل لنيجي نزغزغ رجليك 😒🔪
لااااااع الا زغزغه الرجل 😶🔫

المهم...
ليه مبيسقطش القمر علي الارض زي التشيفاااحه ؟؟
نيوتن حط كلامه مع كلام جلجل مع شويه من المجنون ارسطو  طلع في الاخر ...
خلطبيطه بالصلصه اللي هرونا بيها ..

اللي هيا ايه بقي .. بشويه حسابات رياضيه عرف الجواب ..
ان كل جسيم بيؤثر علي الجسم الاخر بيزيد لما يقربو من بعض ويقل لما يبعدو عن بعض...
وبما انه لا بيقل ولا بيزيد حيفضل في مكانه يدور

القمر هنا بيسقط في شكل دائري حوالين الارض ففي قوه جذب الارض بتعملها مع القمر وفيه قوه طارده بسبب الدوران ده...

زي متمسك حبل ولنفرض ان الحبل ده الجاذبيه وطرف الحبل فيه طوبه
وطرف الاخر في ايدك
ولف يباشا..
اللي بيحصل ان مع اللف بتحس ان الطوبه عايزه تفلت وتبعد بس في قوه ماسكاها اللي هو الحبل ..
فلا عارفه تفلت ولا عارفه تسقط لانها بتدور...

هو بقي من ملاحظات العلماء وملاحظاته  ..وعشان بروح امه كان شاطر شويتين في الرياضه رح عمل عليهم قانون
القانون اساسا بيقولو عمله واحد قبله
اسمه هانس كبلير...
وسمي قانون الجاذبيه في الاخر بأسم نيوتن ..

القانون بيقول ان يوجد تناسب طردي بين قوه الجاذبيه والكتله الخاصه المنجذبين ببعضهم البعض وعلاقه عكسيه بين مربع المسافه بينهم ...

وشرح القانون ...
ان عندي بنتين كل لما بنتين دول يتخنوا جاذبيتهم وجمالهم يزيدو وكل لما تخس وترفع جاذبيتهم تقل وتخس 😂😂
بنتين دول لما بيكرهو بعض بيبعدو اضعاف المسافه وهما قريبين ....

ومن هذا المنبر اقول ..👀
تحيه خاصه لكل بنت تخينه ❤😜

مهم خلصنا من حدوته الجاذبيه ؟!...
تبقي غلطااان في عالم اسمه اينشتاين
جه غير مفهوم العالم عن الفيزيا ...والطبيعه..

كانو الاول بيعتمدو علي الفلسفه لمعرفه الاشياء
وده كان عصر المجانين😂😂...

وبعدها جه غاليليلوا غير الكلام ده وبقي يعتمد علي التجربه والملاحظه
وده كان عصر الكلاسيكي ...

جه بعدها العالم بلانك واينشتاين
وغيرو مفهوم التجارب
وده كان العلم الحديث...

حيجي عالم قريبا ....
وحيغير مفهوم العلم ..وده حيبقي العصر الكوني..
انتظروه 😎😂

يتبع...

مفيش سؤال اليوم...

#زنونا ضربت الزنتونا فسامحونا☺