روايه بعد فوات الأوان ❤☹

#بعدَ_فواتِ_الأوانِ
#غادَة_علِى_الاوجلي
🔥 روايات دلوعه هلهاا 🔥

(المقدمة)...:
محمد : تي كيف ياراجل😳
أدم: والله هذا الى صار ..
محمد: عليك حالة النم ..😒
أدم: قتلك شن صار فيك أنت؟
محمد: سكر ع السيرة برا تو نبى شوى حراس يراقبولى المكان ف شحنة قريبة..
أدم :ف دم ولا مافيش😁
محمد خبطه ع رأسه:
عقل مسوس لا مافيش برا هي..
.
.
سلام🙋‍♂️ أني محمد 28 سنة..
مواصفاتي شعري أسود عيونى زرق .. جدى ف العمل..🙂 نشتغل ف شركة ف النهار وعصابة ف اليل ..😂
.
.
ف مكان أخر:
فادية: عاااامر نووووض ياقهرتى نوض ..
حياة: صباح الخير وووه وقت عليا..
فادية: خير شن في؟
حياة: بابا وين..؟
عندى مقابلة ..
فادية: مشية بلا رجعة يالله..😒
باتك ف الشغل..
.
.
هاي🙋‍♀️ أنا حياة شعري أسود وطويل عيونى سود بيضة وجسمي حلو ..♥️
ماما توفت من ونا صغيرة وفادية مرة بوى أما عامر فهو ولد فادية..🤷‍♀️
عندى مقابلة اليوم ..🔥
أما بابا مصطفي حنون واجد لكن مرته فادية عكسه 🤫
___________________________
محمد: ألو أهلين أستاذ تم تم ..
أسمع أدم عندى اليوم موظفين عرفت منقبل شوى منهم هك المهم دير بالك هذوما اللعب معاهم مش ساهل ..🔥
أدم: إن شالله طرف وتم تم ..🤤
محمد ضربه ع رأسه:
يامثبت العقل والدين😒
أدم ضحك ومشى لشغله ..
___________________________
ف الشركة
حياة : الله تهبل ..😍
وخشت كان في بنات واجد متقدمات بس لبسهم اخخي🤦🏻‍♀️
حياة: يارب إن شالله خير ..🥺💔
.
.
بعد ساعة:
الأستاذ :
الموظفات المقبولات:
عائشة *****
سارة *****
سهى *****
مكانكم تحت ف المخزن ..
أما السكرتيرات:
مايا ****** سكرتيرة خالد ..
مروى **** سكرتيرة علِى ..
حياة ***** سكرتيرة محمد ..
تفضلوا معاى ..
خولة:
كان الله ف عون حياة ..
حياة:
كنهم هذوما 🤷🏻‍♀️
نا : أستاذ وين مكتب الأستاذ محمد؟
الأستاذ : تو نوريك المكتب متاعه ألحقيني
حياة:
مشيت وراه ونا ساكتة
الأستاذ :
هذا المكتب تفضلي  
حياة : شكرا .. دقيت الباب ونا خايفة ومتوترة
محمد :
تفضلي خشي حياة
حياة ونا رآسي لوطاا:
السلام عليكم
محمد : وعليكم السلام تفضلي
قعمزي ..
حياة : شكرا
محمد :
تمام مكتبك يا حياة هذا يلي جنب مكتبي
حياة : اي تماام
محمد :
تمام عندك أي سؤال
حياة :
لالا
محمد : تمام تفضلي علي مكتبك
حياة: تماام .. وطلعت لمكتبي .. تنهدت وأخيرا..
خشيت لمكتبي قعدت لاهياا في
الشغل مركزتش ع الوقت لعند رن علياا عامر خويا
نا :
نعم عامر
عامر :
أطلعي نا برا
نا :
هيا تماام
سكرت شلت كم ملف معايا واللابتوب وطلعت
دق دق
محمد : تفضل
نا :  أستاذ نا طالعه مروحة
محمد : تمام
نا : سلام
محمد : شيرلي بيده بمعناا سلام
وطلعت وركبت السيارة
وروحناا للحوش
خشيت طول لداري غيرت دبشي وطبعا كالعادة درت غداء ولميت الحووش فادية تطلب ونا ندير هذا كان روتيني ف الحوش
.
.
قعمزت نتفرج ع التلفزيون  لعند جاء بابا وروح عامر يلي طلع بعد ما وصلني
وجهزت الغداء وطلعت تغدينا في الصالة وغسلت المواعين وخشيت داري كسدت ع الشغل شويا حاجات مكملتهنش في الشركة حلتهن نكملهن في الحوش ورقدت
.
.
نضت ع صوت فادية تنوض فيا
نا :نعم
فاديه: نوضي جارتناا أحلام جايه صبي ديري قهوة وأنتِ ديما راقدة
نا : باهي هي مصبية
خشيت الحمام غسلت وجهي توضيت وصليت ولبست وعدلت شعري وطلعت
نا : نسلم علي أحلام: أهلين خالتي شخبارك
أحلام : تمام الخمدالله شخبارك أنتِ وشخبار الشغل قالت فادية اليوم أول يوم ليك
نا : أيووه كويس الحمدالله
وطلعت وتيت قهوة وقدمتلها وخشيت داري قعمزت ع التلفزيون طبعاا معنديش تلفون لمس يفتح نت عندي بيلا من نا وصغيرة مدرتش تلفون بسبب فادية يلي كانت تعبي في رأس بابا وعامر فاا دروالي بيلا عشان نكلمهم وقت ما نبيهم بس وأخرا عامر الشفرة يراقب فيها 🤦🏻‍♀️
كسدت ع التلفزيون وروحت أحلام وتيت العشاء وتعشينااا ولميت الحوش كله وغسلت المواعين وخشيت داري ورقدت
.
.
_____________________
.
.
صباح يوم جديد ❤️☁️
نضت علي الشمس يلي خاشة من الروشن بحتت الساعو كانت 6 ودوامي 7 خشيت الحمام دوشت وتوضيت وطلعت لبست دبش دوام يلي كان عباية ووشاح وردي و كندرة وردية ومشيت وتيت الفطور وناضت فادية وبابا وعامر
بابا : صباح الخير
كلناا: صباح النور
وقعمزناا فطرنا
عامر :هيا صبي
نا : هياا
عامر : شعرك هذا خشيه
نا : باهي والله طلع بدون قصد وديماا يطلع بروحاا
عامر : البسي خرا من داخل عشان ميبانش وركب سياره
نا : أففف والله طالع بدون قصد شن هذا مصيبه .. وركبت
كم دقايق في السيارة ووصلناا
نا : جيت ببنزل 
عامر : شعرك شعرك راه تنسي أمه راه في شغل وين تحسابي روحك
نا :
حاضر وربي يطلع بدون قصد وسكرت الباب وخشيت الشركة
وطول للمكتب متاعي قعمزت نشتغل ومنتبهتش إلا علي محمد خاش
محمد :
نا : 
#يتبع
رأيكم يهمناا ❤️🖇️
ملاحظة:
ممنوع نقل الرواية من غير إسم الكاتبه..💙
#غادة_علي_الاوجلي