روايه بعد فوات الأوان ❤☹

#بعد_فوات_الأوان
#غاده علي
🔥روايات دلوعه هلهاا  🔥
حلقه تالته
.
.
وطلعت وانا طالعه لقيت نفس شاب يلي فتحتله باب قاعد في سياره بروحه وجت عيني في عينه 🤤
فاديه: هيا سرعي روحك
نا: اء.  هيا
ومشيناا جيه الحوش وخشيناا للحوش وخشيت داري غيرت دبشي وقعمزت علي تلفزون وانا ماله تمنيت لو توا قاعدين مع عيت عمي راه نمشيلهم ويجونا شن ملل هذا يلي قاعده فيه افف حتاا شغل مطقيت فيه يوم واحد ياريت كيف هل عيلات كلهم مع بعضهم عيال عم وبنات العم الله عليك جو ياريت نحنا هكي بس احح كلا من فاديه حسبي الله فيك اف عليش نحسب عليهاا بعدين اصلن نحناا من يومناا مش ديما ديما مع بعضناا افف ياربي 😭🥺
.
.
وانا نفكر في حياتي
فاديه: عدي وتي عشاء
نا : باهي
خشيت مطبخ نوتي في عشاء
فاديه : حياه
نا : نعم
فاديه : نسيت تلفوني عند احلام عدي جبيه بسرعه
نا : ام باهي
فاديه : بسرعه
خشيت لبست عبايه ووشاح وطلعت
.
.
لقيت سياره شاب وكاين قاعد فيها خشيت دقيت باب طلعتلي احلام وخذيت منها تلفون وانا  راده كان شاب ورايه
شخص : اختي لو سمحتي اسمعي
نا : برمت. نعم
شخص : الفلوس طاحن منك
انا : بحتت في يدي ورديت بحتت فيه: لا مكنش معايا فلوس انا
شخص : اها نحساب طاحن منك
انا : لالا .. ومشيت وسيبته
.
.
بينماا نحناا كناا طرفين كان في طرفين يراقبوا فيناا يكون محمد وآدم
محمد : تمم بكل حصلت دليل صورت بنت مصبيه مع شاب
ادم: يراجل نقنك خطير بس اسمع فكناا من مشاكل وراس امك
محمد : انتاا اسكت بس
ادم : حط يده علي فمه : خلاص سكتت
محمد : خلاص توا بكرا نجي عند هلهاا ونوريهاا من محمد...... وسكتت رد شويه تانيه.. كنك ساكت
ادم : يراجل دويت قلت اسكت سكتت قلت كنك ساكت كنك انته
محمد : خلاص اركب هياا
ركبنااا سياره وروحنااا...
_____________________
.
.
فاديه : ساعه تجيبي تلفون
انا : كنت نهدرز مع سوسن
فاديه : خشي شوفي عشاء شن صار فيه
انا : باهي بنسألك
فاديه: شني
انا : تلفون كانن معه فلوس
فاديه: لا ليش
انا : نسأل .. ومشيت نشوف في عشاء كانت ساعه 7:30 خليت عشاء علي نار قعمزت صاله نتفرج علي تلفزون وكساد كالعاده لعند جاء بابا وعامر حطيناا عشاء وتعشيناا وغسلت معين وبرمت علي حوش وبلاصح كيف روتين يوميناا
وخشيت رقدت
.
.
________________________
.
.
صباح يوم جديد ☀️☁️
نضت علي صوت فاديه علي ساعه 10
فاديه : حياه انتي
نا بصوت مرخي : ها
فاديه : صبي يشيلناا عامر محلات رمضان قريب وبنشروا شويا حاجات ناقصاات هياا
نا : باهي هيا توا نصبي
فاديه: بسرعه طولي نمشي ونسيبك راه
نا :باهي مش مطوله
.
.
خشيت حمام ( يكرم القاري ) غسلت وجي توضيت وصليت ولبست عبايتي ووشاحي وطلعت درت نص وفطرت علي سريع
فاديه: هيا عامر جاا
نا : هياا
وطلعناا نبرموا في محلات ومن محل لمحل محل لمحل لعند كرعياا معش حسيت بيهن
نا : خلينا نقعمزوا شوياا
عامر : خلاص عليش نقعمزوا بنروحوا خلاص
ركبنا في سياره ومشينا جيه الحوش
فاديه : واكك كرعياا خلاص
عامر : هذا من محلات جبتي محل كله وهذا كلا شويه حجات يا امي
فاديه : الله غالب نشوف دبش زي هذا ننكلب ونقعد نشري بدون عقل
وبينما فاديه تهدرز معاا عامر وتبصر معاه تمنيت لو ماما مكان فاديه وبابا ولا خويا يلي جباته امي مكان عامر
تنهدت وقلت في سري : ربي كريم حمدالله ياربي 🥺
.
.
ووصلناا حوش
كالعاده وتيت الغداء وقعمزت علي تلفزون
فاديه تعيط : حياه
نا ؛ اف : نعم
فاديه : جت قدامي : رمضان مزال عليه 15  يوم عندك علم
نا : باهي شن ندير
فاديه: عدي ابرمي علي مطبخ امسحي ورتبي حاجات يلي شريتهن في دولاب
نا : باهي حاضر
صبيت برمت علي مطبخ ومسحت دولايب ولميتهاا لمه سمحه
فاديه : ايواه توا كيف بان مطبخ صحيتي
نا بحتت في فاديه بصدمه : ونا مرفعه حاجب ومنزله حاجب : سلمك
.
.
وتيت سفره غداء وستنيناا بابا وعامر
فاديه: حياه حطي خلاص جوا باتك وعامر
نا عيطلتلهاا من مطبخ : تمام
حطيت غذاء وشلته للصاله تغذينا وغسلت معين ودرت شاهي وجيت قعمزت في صاله نهدرزوا وعامر كان ماسك تلفونه ومره مره يهدرز معانا
.
.
وفي لحظه يجي عامر مصبي
عامر: يكرني من شعري يا كلبه شن يلي ديرتيه هضا
نا : اءء حول شعري شن درت مش دايره شي حوول 😭
بابا : دف عامر اطلق بنت اطلق
نا : جيت وراء بابا : والله ما درت حاجه الله يا بابا
عامر : وراه صوره لبابا شوف شوف بنتك مع من مصبيه
بابا : خد تلفون وشاف صوره : قعمزوا
قعمزت جنب بابا وقعمز عامر وفاديه
بابا : عطاني تلفون : من هذا ؟؟
انا : والله ما نعرفه هذكي اليوم دزتني فاديه عشان نجيب تلفونها من احلام وانا راده قالي طيحات منك فلوس قتله لا وبس والله مش سألتك هذكي اليوم يا فاديه علي فلوس وقلتلي لا مش طيحات مني خلاص عشان هكي وربي 😭😭
عامر: بصوت عالي : عليش تصبي عليه عليش
انا : صبيت بإعصاب : تي وقفني بس خلاص خلاص مليت علي كل حاجه ديرين قصه قتلكم عشان فلوس وبس وعدو شوفوا راجل واسألوه.. ومشيت وسيبتهم
خشيت للدار بكيت لين خلاص مليت منهم ومن حياتي وقتهاا تمنيت يكون عندي اخت وام حداياا وخو يحميني من عالم الجاهل لكل حاجه يديروا عليها ستين قصه وقصه وتحسبت علي يلي دز صور ودار هذا كله
بكيت بكيت لعند رقدت
.
.
.
ساعه 11 وانا راقده
فاديه : اسمعي انتي
.. هي انتي نوضي
نا بصوت نعسان : نعم
فاديه: اغسلي معين
نا : توا نغسلهن بكرا بنرقد توا
فاديه : خزي مفيش منك فايده ..وطلعت
نا : حقيره حسبي الله فيك ورديت رقدت
.
.
.
______________________
.
.
صباح يوم جديد ☁️☀️
نضت قعدت ساعه غير في سرير نفكر في مصايبي تنهدت وصبيت لحمام ( يكرم القاري )
غسلت وجي وتوضيت ودرت دوش وطلعت لبست ومشطت شعري وصليت وطلعت
انا : خشيت مطبخ لقيتهم يفطروا... بتكشيخه: صباح خير
رد بابا : صباح نور تعالي افطري
انا : قعمزت حدا بابا فطرت وانا ساكته ومدويتش مع حد كليت وطلع بابا وعامر وصبت فاديه لداره غسلت معين عشاء امس وفطور ولميت حوش كالعاده وقعمزت في صاله نتفرج وانا و فاديه رن تلفوني يلي كان حدا فاديه
فاديه : بحتت فيه رقم غريب : راه يطلع يلي امس يطمن عليك
نا : خذيت تلفون من حدهاا: وحطيته علي مكبر وجيت صبيت حداها
نا : الووو
سوسن : شنجك يا قرده
نا : اهلين سوسن اصبري شويه .. بحتت فيه فاديه: برفحت حاجب شفتي من وتأكدتي صح ومشيت وسيبتهاا
وطلعت للجنان
نا : شنجك
سوسن : تمام شخبارك انتي
نا : حمدالله
سوسن : دوم اسمعي تعالي عندي اليوم
نا : لالا تعالي انتي
سوسن: باهي توا نجيك مع عصر اصلن مصيبه مرت باتي بتمشي عند هلهاا وانا منببش نمشي معاها عندهاا بنت خوات دمهم معش تعرفيه دمهم ولا زيت زيتون
نا : هههه حيوانه باهي تعالي نستنااك
سوسن : حتنااا جايه
نا : تم باي
سوسن : باي
____________________
.
.
عند محمد
محمد : ممشيتش عند خوها جبت ايميل خوهاا علي فيس ودزيتله صور شافهن ومردش
ادم : باهي خلاص درت يلي تبيه وانتقمت منها خلاص
محمد : لا مزال خطتي مكملتش
ادم : انفخ انته هبل ولا بعقلك كنك انته خلاص انسه امهاا قصه هذي
محمد : منيش ناسي شي وحق الله اندمها علي يوم يلي جت فيه للشركه
ادم: باهي شن بدير اخره
محمد : بعدين نقولك
___________________
.
في مكان تاني عند شخص جديد
فيصل شخص يلي شاف حياه اذكرتوه ❤️🤭
سلام🙋🏻‍♂️  انا اسمي فيصل عمري 27 سنه نشتغل في شركه مع جدي طبعا نحنااا عيلتنا كبيره وكلنا نسكنوا مع بعضناا في فيلات جنب بعض وكلنا نشتغلوا في شركه جدي  موصفاتي لا ابيض ولا اسمر طويل بإختصار ( شكلي في صوره ) 😅
.
.
نعرفكم علي عيلتي
امي : فاطمه
باتي: علي
خوتي: سالم عمره 32 متجوز مرته هند وعنده بنت اسمها رونق.. هيتم اصغر مني عمرها 25 متخرج واخد الحياه ضحك وحناطه ولعب علي بناات بس بعد يكلم يقول للبنت انه يكسد فقط لا حب ولا غيرهاا 😂🤦🏻‍♀️
اختي : رحمه مواليد 2002 تقرا تالته تانوي
.
.
نجوو لعمامي التلاته
عمي صالح
مرته حليمه
ولده: منذر كيف عمري 27 و صاحبي قبل ولد عمي
وبناته : رحاب تقرا كيف رحمه 2002 وبينه وبين رحمه شهر واحد بس عشان هكي اسمائهن فيهن تشابه
و عبير تقرا في 2 جامعه وخاشه طب 🤭
.
.
.
________________
.
.
عمي تاني
مفتاح
مرته سحر
عياله : احمد وهشام وسيف
وكلهم مش متجوزين
احمد مواليد 96
وهشام : 95
وسيف : 2003 يقرا في تانوي مع رحاب ورحمه
.
.
________________
.
.
وعمي تالت والأخير 🤭
مهند يشتغل محامي في شركه جدي ومش متجوز وأصغر واحد في عمامي وجوه معانااا كيف خوته مش عيال خوته
___________________
.
.
نردوا عندي فيصل
فيصل : امي يا امي
فاطمه : من مطبخ نعم شن تبي
فيصل: مشه لي مطبخ : نبيك في موضوع
فاطمه :انشالله خير
فيصل: خير خير
فاطمه : انشالله خير انتوا ولهي ما يجي من وراكم الا مصايب
فيصل : مسك امه من يدهاا وقعمزهاا علي طاوله : خير يا امي خير
فاطمه : هاا شن عندك احكي
فيصل : نبي نجوز يا نبع حنان
فاطمه : بفرح : حي واخيرا واخيرا يا ولدي
فيصل : يضحك
فاطمه: خلاص من بكرا ندورلك علي عروس
فيصل : لا يا امي عندي عروس انا
فاطمه : باهي من
فيصل : بنت..... اسمها حياه سألت عليها وشكروهاا ليا هيا وعيلتهاا وبيني وبينك يا فطومه شفتهاا من قبل وعجبتني
فاطمه: هابااا منكم انتوا خلاص علي خير شوف باتك وتوكل
فيصل : باتي حكيتله وقتله قالي شوف امك ولو وافقت نكلم بات البنت ونحددو يوم معاهمم
فاطمه: تمام انشالله اسمع
فيصل : نعم
فاطمه: غذاء قريب عدي نوض الفرخ هيتم مشعارف امته يعقل
فيصل: ساهل توا نمشي نوضاا
انا طالع خشت هند وسالم ورونق يلي كان عمرهاا 3 سنوات
هند وسالم : شخباركم
فيصل : تمام رونق شخبارك
رونق : تمام عموو
فيصل: نجك ليا تعالي مسك يدها وعباا كبايه ميه ومشااا هوا ورونق لدار هيتم
فيصل : فهمتي شن ديري
رونق : تمام عمو فهمت كل شي
فيصل : هه خشي وانتي كوم ودوتك كوم
خشت رونق وفيصل مصبي قدام باب
ركبت علي سرير هيتم وجت علي وجه بزعت ميه عليه
صبااا هيتم مفجوع علي سرير
هيتم : يا رونق يا حيوانه من قالك ديري هكي
رونق : انا لم افعل شي فقط قمت بتنفيد الاوامر
هيتم : ضحك انتي مع دوتك ميقدرش حد يضربك .. باهي نورق من قالك ديري هكي
.
.
طبعا فيصل جاه تلفون وطلع برا حوش
.
.
نورق: انهوا عمو فيصل قال لي هذا

هيتم : قلتيلي عمك فيصل باهي يا فيصل .. باهي انتي خلاص عدي انزلي
.
.
______________________
.
.
عندي انا حياه
بابا : ❤️❤️
حياه : 🥺🥺
#يتبع