روايه بعد فوات الأوان ❤☹

روايه بعد فوات الاوان ❤❤

#بعد_فوات_الأوان
#غاده_علي
حلقه خامسه  والأخيره ❤️🖇️
.
.
فيصل : نعم
انا : جديات فسخت خطبه فيصل تبصر صح
فيصل : لا منبصرش
انا: باهي عليش عليش توا عليش بعد جبيتك فسخت وهكي بدون سبب
فيصل: من قال بدون سبب
انا : باهي شن سبب
فيصل: صور حيوصللك شوفيهن وصكر علياا
________
.
.
خشيت داري غيرت دبشي وطلعت للصاله
فاديه:وين ماشيه
انا : سوسن وطلعت من حوش وانا وصلت قدام باب سوسن وصللي رسائل علي وتس من فيصل بحتت في صور ونزلن دموعي
دقيت باب
فتحت سوسن
انا : اول ما شفت سوسن حضنتهاا وبكيت لين عيت
سوسن : كنك شن صاير
انا : نبكي
سوسن : تعالي معايا شلتني لدارهاا
وصكرت الدار
سوسن : ها كنك
انا : فيصل فيصل دزلي صور وفسخ خطبه بعد حبيته فسخ
سوسن : تكذبي فسخ خطبه ليش وريني صور
انا : عطيتها تلفون
سوسن : هذيناا مش لما كناا في سوق بعدين مشيناا كفي وتلقينه مع صالحه صحبتك
انا : ايواه وهضا واحد منعرفش لماا مشيت حمام وجاء حاول يلمسني وقالي من طرف محمد شوفي انتقم مني جديات الحقير توا كيف بيصدقني
سوسن : خلاص فسخ فوتيه شن قال لهلك
انا : قاللهم متريحتش معاها
سوسن : حسبي الله باهي كان جاء سمع منك كيف هكي يقرر وخلاص حياه معش تبكي وخليك قويه فوتيه انتي قويه فوتيه يا حياه توا يجيك الاحسن
انا مسحت دموعي: هيا باي بنروح انا
سوسن : باهي دربلك علي روحك وبلا بكا
انا : تمام باي
وطلعت روحت
ساعه 10 جاء بابا وعامر وقعمزنا في صاله يهدرزوا وانا مقعمزه جسد بلا روح
فاديه : بعد خطرها في موضوع صار اليوم
نا : بحتت في فاديه
بابا : موضوع شني
فاديه : اليوم كلمتني ام فيصل قلتلي مفيش نصيب
عامر بصوت عالي : عليش شن دايره يا فرخه
نا : شي متفقنااش مع بعضناا بس
بابا : باهي يجيك الاحسن منه انشالله
نا : نشالله ومشيت داري
.
.
قعدت نرن علي فيصل عشان نفهمه رنيت مرتين وتالته رد
فيصل : هاا شني
نا : فيصل يلي شفته كذب و..................... حكيتله موضوع كله
فيصل : مطلوب نصدق
نا : كش مصدقني يعني
فيصل : مش مصدقك وانسيني ومعش ترني عليه
نا : حيجيك يوم وتندم يا فيصل وسكرت عليه بكيت لين رقدت
____________________
.
.
بعد مرور شهرين
حياه : كانت حياتي عاديه جدا كيف اي يوم وفي نفس الوقت حولت ننسا فيصل وعفست علي قلبي وفته ومعش كلمته وخطبني ولد عم بابا ولده 🙂
اسمه عبدسلام كان كويس واسلوبه سمح وكان متفاهمم ومعملته كويس بكل
فيصل : بنسباا ليا مقدرتش ننسا حياه بكل لكن مشيت وقت كله في شغل
سوسن : دارت حفله تخرج متاعهاا وانخطبت لواحد يقره معاها في جامعه وفرحهم قريب
____________________
.
.
ادم : سلام عليكم
فيصل : وعليكم السلام
ادم : انا
فيصل :شايفك انا من قبل ولا
ادم : انا يلي شفت صورتي مع حياه راه موضوع كله تخطيط وبنت مذنبهااا شي
فيصل : كيف هكي
ادم : توا نحكيلك واووو.............
وحكله موضوع تخطيط من محمد
فيصل : كيف هكي كيف دير هكي
ادم : انا اسف وبنسبه محمد خش حبس مهتميه بقتل واحد
وهيا سلام
فيصل : قعمز في سيارته هو متعصب ونادم انه مصدقش حياه
رن علي حياه
حياه : نعم شني
فيصل :حياه انا عرفت حقيقه وانا نادم وحنصلح كل شي بكرا نجيب هلي
حياه : امته ندمت ندمت #بعد_فوات_الأوان وانا نخطبت وفرحي قريب يا فيصل وسكرت
________________
.
.
فيصل : جاء خبر كيف صعقه انه حياه انخطبت وتوقعتها تسمحني ندمت اني مسمعتش كلامها ومحطيتش فيهاا ثقه
__________________
.
.
بعد مرور تلات أشهر
اليوم زفتي انا وسوسن واحلا حاجه صارت زفتناا مع بعضناا
سوسن : شني مكياج
انا : حلو وانا
سوسن : يهبل الله تصدقي مش مصدقه فرحناا مع بعض
انا : ولا انا تصدقي
سوسن : الف مبروك ليا وليك
انا :الله يبارك فيك
مزينه: مشالله طالعات تهبلن الف مبروك
انا وسوسن : الله يبارك فيك
مروه بنت عمي : كلمني عامر جااي بيشيلك حياه وقالي حتاا وسوسن جايك خوك
سوسن: لبسبني هضا
هيا لبستني مروه انا وسوسن
وجاء عامر شالني وجاء خو سوسن شاله وكانت سياره عامر سياره خو سوسن جنب بعض
______________________
.
.
وصلنه لي صاله
فاديه واحلام: يبخرن سمن بالله خشي سوسن انتي قبل خشت سوسن يلي كان خاشهاا خوهاا علي اغنيه طلي بلابيض وبعدين خشيت انا مع عامر علي نفس الاغنيه
وطبعا مصوره صورتناا كم لقطه انا وسوسن
ومبش يخش عبدسلام ولا احمد راجل سوسن طلعناا وركبناا سيارات وأصحاب عبدسلام وراناا ميخلوش من أجواء شباب الاغاني وتبيب والعاب ناريه ونفس شي أصحاب احمد
________________________
.
.
خشيناا حوشناا
عبدسلام : الف مبروك علينا
انا : الله يبارك فيك
عبدسلام : انا طالع خودي راحتك توا نجي
انا :اء تمام
طلع غيرت دبشي وطلعت لقيته في صاله صلينااا وكملناا صلاه
عبدسلام : تعالي هلي دزوا عشاء
انا : هيا
قعمزنا تعشيناا صبيت لميت معين وخشيناا دار ومشيناا في حاجات مش شوركن 😂🤭
_____________________
.
.
والأجواء كانت نفس شي عند سوسن القووو جميل عندهمم
____________________
.
.
بعد مرور سنه
مقعمزه في صاله انا عبدسلام و ميار بنتي عمرهاا شهرين بس
انا: باب يدق اكيد سوسن
عبدسلام : توا نصبي نفتح
خشت سوسن ومعاهاا بنتهاا وولدها توأم عمرهمم ست شهور
سوسن : شنجك يا قرده
انا : تمام وانتي متعقليش
سوسن : ومش حنعقل
انا : وانتهت قصه بعد فوات الأوان
__________________
.
.
العبره من قصه ❤️🖇️

الحب يبي راجل لما تختاري اختاري صح مش كل شي جمال وشكل والفلوس ويلي يرجاا يلقا ربي عوضني بي عبدسلام راجل ديما قبل ما ديري اي شي فكري في مصير حياتك
.
.
بحتي اول شي في تفكيره اختبريه مش تحبيه علي بركه الله وبعدها يسيبك
.
.

وخليك واثقه من نفسك وماشيه بي مبدء مفيش  حد يستاهل دموعكك
.
.

وقبل ما أدير اي شي وتضلم بنت زي ما دار فيصل ونفس ما دار محمد خرب بين فيصل وحياه  فكر في خواتك ماعندكش خوات بناتك في مستقبل حايجيك يوم وربي يعاقبك علي درتهه في بنات الناس
.
.
ودنياا مش واقفه علي حد راه فكري في صحتك وسمعتك زي ما دارت حياه كملت حياتها عادي وجاهاا راجل عوضهاا علي عشاته كله
.
.

ولما تبي تختاري صاحبتك اختاريها اختك قبل ما تكون صاحبتك زي صحبه سوسن وحياه
.
.

ومهما فقدتي شخص كان غالي عليك ردي بالك تفكري تنتحري مهما مالت بيك الدنياا قوي ايمانك بي ربي
.
.
والخاين راح يلقاا شخص يخونه كما *تدين تدان*
.
.
وقبل ما تحبي حد تأكدي انه راجل ويستهلكك
.
.
وهذي قصه #بعد_فوات_الأوان
للكاتبه ghada ali
حسابي علي انستا princess_ghada_2006
رايكم في روايه ❤️🖇️ وشكرا علي متابعتكمم