روايه بعد فوات الأوان ❤☹

روايه بعد فوات الاوان❤🔥

#بعد_فوات_الأوان
#غاده_علي
🔥 روايات دلوعه هلهاا  🔥
حلقه رابعه
.
.
بابا : حياه اليوم جاي طالبك واحد مني وسألت عليه وكلهم شكروه ليا
نا : ساكته
بابا : شني يا حياه موافقه ولالا
نا : يلي تشوفه انته عادي
بابا : هذي حياتك يا حياه انتي موافقه ولالا
نا : اي مدام كويس عادي
بابا : علي خير انشالله
نا : انشالله
______________________
.
.
دق دق
حياه : من
سوسن : حنك جايتك زياره من قبر
نا فتحت بابا : سلمت عليها هلا بحني
سوسن : 😂 شنجك
نا : تمام
سوسن : امسكي درتلك كيكه تخبل
نا : هيا توا ندير قهوه ونضوقهاا كيكتك يلي تخبل
سوسن : هيا
خشيناا مطبخ درناا قهوه وحطينااا كيكه وطلعنااا برا لجنان
نا : بعد خطرهاا
سوسن تشرب في قهوه: كنك شني يلي بعد خطرهاا 
نا : في واحد يبي يخطبني
سوسن : اوميقاااد تبصري
نا : والله نحكي جديات
سوسن : جت قدامي ومن يقعد هضا
نا : منعرفش 
سوسن : اف شن شكله زعمه انتي احلا ولا هوا اسمعي كان طلع شين متوفقيش خودي واحد سمح تصبحي كل يوم علي وجه ملاك
نا : نضحك.. ضحكي انتي انشالله كان طلع شين مش حنوفق تماام
سوسن : والف مبروك وعقبالي يجيني عريس القهره
نا : هههه انشالله يجيك .. شن جو تخرج وجامعه
سوسن : هذي خامس مره تسأليني علي تخرج
نا : يا حيوانه عشان نساعدك في حاجه
سوسن : مزال بدري
وقعدنااا نهدرزوا عادي
____________________
.
.
عند محمد
محمد : تي يراجل امس هضا مشيت عند باتهاا وقتله نبي بنتك قالي عاطي فيهاا كلمه الناس خطتي كلهاا مصرش من جد امهاا
ادم: باهي قصتك هذي خلاص صكر جد امهااا فكني من قصتك ومن قصت حياه وجد ام حياه
محمد : يرا انا حمار يلي نحكيلك اصلن وربي قصتي مع بنت هذي لتوا مكملتش ومزال مزال حتشوف مني خطتي مكملتش ومش حتكمل.. وركب في سياره وعدا
ادم : عدي عنجد وجك صطل وربي صطل
____________________
.
.
عندي انا حياه
روحت سوسن وفاديه ماشيه عند هلهاا وبابا ماشي معاها هوا وعامر وانا في حوش بروحي كانت ساعه 9 درت بيتزا وحطيتهاا في كوشه وطابت وحطيت بيتزا ومشروب في سفره ومشيت في صاله نتعشا ونتفرج علي تلفزون .. وكملت عشاء غسلت معين وخشيت داري وقعدت نفكر في يلي جاء تقدملي شن شكله كيف يكون كيف عيلته وكانت تأخد فيه هل الأفكار وسوال الاهم كيف حتكون حياتي معه؟؟ ومش حاجه الحاجه خداني النوم
.
.
__________________
.
.
صباح يوم جديد ☀️🖇️
نضت ساعه 10 خشيت حمام ( يكرم القاري ) غسلت وتوضيت وصليت وطلعت فطرت وجتني فاديه
فاديه : باتك قالي الناس بكرا جيين بديروا مقابله
انا : بكرا وانا مزال موتيتش شي
فاديه : كلمي سوسن تجي تساعدك وتوا نكلم عامر يجي يشلكن للمحلات تشري حاجه نقصتك باتك عطني فلوس
انا: تمام
خشيت رنيت علي سوسن وانا متوتره وخايفه
انا : الوو سوسن
نا : هاا
انا : اسمعي الناس بكرا بيجوا وانا مش موتيه شي وتي روحك نتكي عليك نمشو محلات
سوسن : اي نااس
انا: سوسن الناس يلي جيين يخطبوني
سوسن : اهاااا باهي هدي اعصابك يا بيبي
انا : سوسن بلا سماطه هيا شوياا ونجيك نمشو
سوسن : باهي
وسكرت مشيت نلبس لبست عبايه طبعا ووشاح رصاصي وكندرا رصاصيه وشنطه صغيره سوده حطيت تلفوني وفلوس وطلعت مع عامر تكيناا علي سوسن ومشينااا محلات
طبعا ننزل انا وسوسن وعامر في سياره
خشيناا محلات شريت شكلاطه وحاجات هديناا وروحنااا
نا : سوسن تعالي معايا في حوش نديروا حاجات
سوسن :باهي نعدي نلبس حاجه كويسه ونجيك
نا : باهي
نزلت حطيت حاجات يلي شريتهن في مطبخ وخشيت دار لبست توته ورفعت شعري فوق وخشيت مطبخ عجنت بيتزا ووتيتهاا وحطيتهاا في كوشه وجت سوسن قعدنا نديروا في موالح ونخلطوا في عصير فرواله ومنجه ووصبت علي نوع حلو مع عصير من حلواني وتيناا كل حاجه وكملناا علي مغرب
نا : اففف واخيرا صحيتي يا قلبي
سوسن : مش بينتنااا عد
نا : كريتها من يدها للدار.. باهي تعالي قوليلي شن نلبس بكرا
وتيت حاجه يلي بنلبسهاا وروحت سوسن وخشيت رقدت علي طول من تعب حتااا مدرتش عشاء
.
.
فاديه : نمشي نوض حياه دير عشاء
بابا : خليها ترقد مسكينهاا من بدري تبرم تعبت
فاديه : ومن يدير عشاء
بابا: ديري انتي
فاديه : مشت وهياا مش عاجبها طيبت عشاء وتعشوا وخلت معين نغسلهن نا 🤷🏻‍♀️
.
.
____________________
.
.
عند فيصل
فيصل : امي باتي كلم الناس يلي قتلك عليهم وتفقناا علي بكرا
فاطمه: اها قالي باتك وبكرا عدي جيب حاجات نشيلوهم الناس عيب نمشو فاضين
فيصل: اي تماام .. تصبحي علي خير
فاطمه : رن علي هيتم شوفه كنه مجش خلاص ساعه 12
فيصل : توا نرن عليه وركب الداره
فيصل : وينك روحه هياا
هيتم : حاضر سياده ضابط
فيصل : دمك ولا حليب معفن
هيتم : وانته هذي حناطه ولا سماطه نص طياب
هيتم : الاتنين
فيصل : باهي روح
هيتم : باهي توا خشيت الحوش خلاص
فيصل : باهي اقلب وسكر عليه
____________________
.
.
صباح يوم جديد ☀️🖇️
حياه : اليوم مرتبكه بكل ومتوتره ومعناا كل حاجه واتيه بس قاعده خايفه تنقص حاجه ولا تصبر حاجه والخوف الأكبر من يلي بيجي يخطبهاا وكيف حيكون
فيصل : كان فرحان بكل انه راح يخطب حياه لان أول ما شافه حبهاا حب أول نظره وكان فرحان بكل
.
عند حياه
اذن مغرب جن احلام وسوسن
انا : سوسن تعالي نلبس وتمكيجيلي
سوسن : هيا 
خشيت مكيجتلي سوسن طبعا كانت شاطره في مكياج وشعري خليته مطلوق ودرت فلو من لوطه بس البست قفطان طويل لونه احمر هادي ويلمع ومبوج تبويجه بسيطه
نبحت في روحي في مرايا
نا : سوسن شن شكلي نحس روحي فيه لقطه
سوسن : لا لقطه لا لقطات وربي طالعه تهبلي
نا : والله
سوسن : والهي
نا : اففف متوتره بكل
سوسن: خلاص اهدي خليك عادي
احلام : بنات جوا الناس هيا.. وطلعت
نا : حي ياربي
سوسن:طيح سعدك شوفي كيف ترعشي
نا : هيا اطلعي نمشو مطبخ نديروا قهوه عشان نشيللهم
سوسن : هياا
طلعت وقعدت سوسن دير في قهوه وانا مصبيه حدهاا 
سوسن: امسكي وتت القهوه شيلي هيا
نا : خشي انتي سلمني قبل بعدين انا
سوسن : باهي
خشت سوسن سلمت وبعدين انا خشيت بصفره قهوه وكنت متوتره وايدياا يرعشوا
فاطمه : ماشالله تبارك الرحمن
ومديتلهاا قهوه .. صحيتي
ومديت الهند مرات سالم وخالته وعمته جياات بس وقعمزت حده عمتي فاطمه
فاطمه : شخبارك
انا : تمام حمدالله شخبارك انتي.
فاطمه : تمام حمدالله
وقعدت تهدرز فيا فاطمه وانا نجاوب قيص سوال ومزلت متحشمه
فاطمه : هيا تخشي تشوفي فيصل
انا : ت تماام
خشيت داري لبست عبايتي ووشاح وخشيت عليه وطلع عامر وبابا
فيصل : شخبارك حياه
نا : مطبزه راسي ومشفتش نهائي : تمام
فيصل : دوم.. مش ناوياا تشوفيني من يعني بتخلي راسك لوطاا
نا : رفعت راسي وانا متحشمه وشفته بصدمه :  وطلعت مني كلمه انته
فيصل : مذكرتيتي يعني
نا : اي مذكرتك
فيصل : انا اسمي فيصل نشتغل في شركه مع جدي وعندي حوش فوق هلي
نا : وانا حياه متخرجه ومنشتغلش لتوا عمري 26
فيصل : عمر كله والاحسن متشتغليش
نا : بحتت فيه : متبينيش نشتغل
فيصل : لالا
نا : بس نا
فيصل : حياه لو كان في بينتناا نصيب منبيكش تشتغلي
نا : تماام
خش بابا وعامر وطلعت انا
.
.
وشويا روحوا صبايا
سوسن : شن شكله كيف منضره سمين طويل قصير
نا : يا نعلي يا سوسن يقتل
سوسن : حي جايب معه مسدس
نا : خبطت علي جبهتي: يا حماره يهبل وكان تعرفي من طلع شاب يلي قتلك سمح في حوشكم هضكي اليوم
سوسن: كذابه
نا : وربي
سوسن: الف الف مبروك يا قلبي وعقبالي يجيني احلا منه 😂
نا : انشالله يا هبله
سوسن : ونهبل
وطبعا قصقصت فاديه واحلام علي فيصل وهكي 🤭🤷🏻‍♀️
.
.
جاء بابا
بابا : شن يبنتي موافقه عليه فيصل ولالا
نا : اءء .. موافقه 
بابا : باهي الف مبروك وردي عليه امه بكرا يا فاديه
فاديه: انشالله
خشيت غيرت دبشي ولبست توته ورقدت كنت تعبانه بكل بكل حطيت راسي رقدت طوول
.
.
_____________________
.
.
عند فيصل
مقعمزين في صاله امه وباته وهند وسالم وهيتم
فاطمه : ماشالله شكلهم ناس ماشالله عليهم وحتاا بنت حليوه
هند : صح يا عميمه تهبل وواضح عليها كويسه
علي : علي خير انشالله نستنوا ردهمم
هيتم : مبروك فيصولي
فيصل : حسستني وافقوا توا
هيتم : انشالله يوفقوا وين يحصلوا واحد سوداني زي فيصل
فيصل : شكرا 
هيتم : عفوا معندناش فيهاا جميل
فيصل : باهي بنخش نرقد
هيتم: خودني معاك حتناا بنرقد
سالم :حتنحناا بنرقوا تصبحو علي خير
فاطمه .. علي : قدامكم الخير
___________________
.
.
صباح يوم جديد
عندي انا حياه
كانت ساعه 10 نضت خشيت حمام ( يكرم القاري ) غسلت وجهي توضيت وصليت
ومشيت المطبخ
نا : صباح خير
فاديه: اهلين مزال بدري كان رقدتي اخرا
نا : نفطر وندوي مع فاديه.. كنت تعبانه ومحسيتش علي روحي
فاديه: ديما تعبانه انتي عدي جيبي تلفوني نرن علي فاطمه ونقوللها موفقين
نا : تمام .. خشيت دار جبته وجيت حداهاا نسمع
نا: ردت
فاديه: قاعد يرن
فاطمه : الو سلام عليكم
فاديه: وعليكم السلام صباح خير شخبارك
فاطمه : صباح الانوار تمام حمدالله شخبارك انتي و شخبار حياه
فاديه : كويسه تسلم عليك رنيت عليك عشان نقولك موافقين
فاطمه : باهي حمدالله والله ندعي انكم توافقوا خشت قلبي بنت من اول ما شفتهاا
فاديه: بضحكه: ربي يحفضهم هما الاتنين وحتاا انتو مفيش منكم
فاطمه: صحيتي بارك الله فيك
فاديه: فينا وفيك هيا مع سلامه ونتلقوا علي خير انشالله
فاطمه : انشالله بس بنقولك فاطمه
فاديه  : تفضلي
فاطمه : اذا ممكن طبعاا ناخد رقم حياه نعطيه لفيصل عشان يتعرفوا علي بعضهم أكثر يعني
فاديه: اي تمام توا ندزه لكي في رساله
فاطمه : تمام صحيتي بارك الله فيك
فاديه: فينااا وفيك
فاطمه: مع سلامه
فاديه : مع سلامه
سكرت
فاديه : امسكي دزي رقمك لي فاطمه مش حفظته انا
نا : باهي خديت تلفون ودزيت رقمي لفاطمه
نا : دزيته
فاديه : باهي عدي وتي غداء
نا : بملل .. باهي
طبعا وتيت غداء وخليته علي نار ومشيت برمت علي حوش وقعمزت علي تلفزون نتفرج
.
.
بعد مرور 4 ساعات كانت ساعه 2 طبعا جاا بابا وعامر تغدينا وكالعاده غسلت معين وخشيت داري كسدت علي تلفزون وكلمت سوسن نهدرز معاهاا علي تلفون
.
.
وكان روتين عادي جدا لعند اليل تعشيناا وكل حد خش داره كانت ساعه 11
ترن ترن ترن
كان رقم غريب وطبعاا طول عرفته فيصل رديت وانا مرتبكه بكل ومتوتره
فيصل:
انا :
#يتبع
كاتبه ghada ali