روايه بعد فوات الأوان ❤☹

#بعد_ فوات _ الأوان
#غاده علي
🔥 روايات دلوعه هلهاا  🔥
الحلقه الاوله
.
.
محمد كان ماشي للمكتب متاعهه وطبعا مكتبي جنب مكتباا بزبط وكان باب مكتب قزاز يعني شفاف محمد خطم وبعد شافني رد
محمد : صباح خير
نا : صباح نور
محمد : تعالي معايا مكتب عندي اوراق خوديهن واشتغلي عليهن واطبعيلي من كل ورقه نسخه
نا : صبيت.. تمام حاضر
ومشيت وراه خش مكتب قعمز علي كرسي ومدلي الاوراق خديتهن بنوصل قدام بابا
محمد :  حياه جيبيلي قهوه لو سمحتي
نا : بحتت فيه . ت تماام
وطلعت
نا : هذا شن يحساب روحه سكرتيره نا مش خدامه متاعه افف ياربي صبرر وخلاص
.
.
حطيت الاوراق في مكتب ومشيت في مطبخ شركه لقيت مراه تخدم فيه
نا : لو سمحتي ممكن قهوه للاستاذ محمد
مراه : حاضر شويه بس واتيه نصبه لكي
نا : تماام
مراه : تفضلي مدام حياه
نا : خذيت منه قهوه : شكرا تعابتك
مراه : لا عادي هذا شغلي
نا : هيا سلام
مراه : سلام
وطلعت للمكتب محمد ونا قريب نوصل جت جنبي بنت لابسه سروال اسود توب وماليه فوق ركبه بواجد وشعر كله بره
بنت : ماشالله قعدتي حتاا خدامه لأستاذ
نا : احترامي روحك نا مش خدامه لحد
بنت : ضحكت بصوت خفيف : اها واضح  باهي هيا تشااو خدمتناا
بنت : بحتت فيها بغل حقيره ومشيت لمكتب استاذ محمد وانا اعصابي بينفجرن
دق دق
محمد : تفضل
نا :حطيت قهوه علي مكتب : وباعصاب: استاذ محمد لماا تبي قهوه اطلب من متاع مطبخ انا هنا سكرتيره
محمد : ماشالله وعندك لسان اخرا انتي شن خدمتك هنا اي حاجه نبيها دريهاا ليا
نا : مقريتش نا 4 سنين عشان نهايتي ندير قهوه انا مكاني مكتب وأوراق هذا شغلي
محمد : والله بجوي انا اي حاجه نبيها ديريهاا ليا مهماا كان طلبي اوكي يا خدامه حياه
نا : طبعات اصعابي كانن علي ميه من كلامه : وعطيته كف وندوي بغل : انا مش خدامت حد يا استاذ وطلعت وصلت قريب باب
محمد : حياه كف هذا اذكريه زين لانه وربي راح تندمي عليه
نا : بدون ما نبحت فيه : وانا مذكرته .. وطلعت
نا : حقير ياربي شن حظ يلي عندي توا باهي حصلت شغل افف ياربي صبر
خشيت مكتب كلمت عامر وجاء شالني
عامر : كنك روحتي توا توا كيف وصلتك.
نا : عامر نقول حاجه بس وراسك ما تضربني
عامر : شن دايره من مصيبه
نا : حكيتله قصه كله
عامر : افف باهي كان عطيتيه قهوه عليش هضا كله وانتي لسانك متقدريش تدوي
نا : عامر شن نسكت غلط فياا وبعدين حتاا كان سكرتيرته يحترمني علي الاقل و اصلن شغل مش حنمشي اخره
عامر : ايواه متمشيش وانتي لكي يوم واحد بس ماشيه وتوا عدي دوري شغل تاني اسمعي يا حياه يا تردي شغلك يا مفيش شغل بكل
عامر : بحتت فيه ورديت بحتت في روشن ونا دموع في عيوني
اصلن كلكم هكي محد يحس بيه ياريت ماما قاعده راه مش هذا حظي وهذا حالي 😭🥺
عامر : باهي خلاص بلا دراما زايده وهيا انزلي
نزلت ونا دموع في عيوني
خشيت للحوش
لقيت فاديه راقده طبعن ترقد ونا نروح ندير غداء ونلم حوش وهيا ترقد مش عارف من وين نلقاها منك ولا من ولدك ولا من حظي المعفن صبر وخلاص
.
.
خشيت دوشت وغيرت دبشي ولميت حوش ودرت غذاء وقعمزت علي تلفزون ونفكر في قصتي وشن يصير بس وربي شغل مستحيل نرد نشتغل عند الحقير هذا ونا في عز تفكيري نسمع صوت فاديه
فاديه : انتي امته جيتي
نا : مبدري
فاديه: باهي درتي غداء
نا : درت
فاديه: باهي نا بتمشي نسلم علي جارتناا جايه جديده بنمشي انا واحلام نتعرفوا عليهاا 
نا : باهي قولي خويله احلام تخلي سوسن تجي نبيهاا تهدرز معايا
فاديه : باهي باهي
ولبست وطلعت وشويا دق باب وكانت سوسن طبعا سوسن صحبتي روح بروح وكيفي انا امه متوفيه وباته متجوز احلام وكانت احلام معملتهاا مع سوسن كيف معملت فاديه ليا بس سوسن كان عندها خوو حميهاا من كل حاجه وتزعلهاا دنيا يرضيهاا هذي بس اختلاف بينتناا
سوسن : رايفتلك يا كلبه
نا : حتاا ناا شخبارك
سوسن : تمام فرحانه بنطير
نا : دوم قلدت صوت سوسن بس كنك فرحانه بطيري
سوسن : معتصم (خوها ) بيروح من تركياا 
نا : هييي واخيرا بيروح
سوسن : واخيرا وربي ريفتله واخرا قالي جيبلي تلفون واخيرا بندير تلفون
نا : ياقلبي الف مبروك
سوسن : باهي قوليلي شن جو شغل معاك
نا : خلك ساكته
سوسن: كنك
نا : حكيتلها قصه كلها
سوسن : خزي الحيوان كان نا نعطيه مش كف كفوف وقهوه نصبه علي شعره الحيوان ما يتحشم
نا : 😂😂 وربي انتي يا سوسن شن رايك ديري فيه هكي
سوسن : نديرهاا عادي .. سكتت شويا وحكت راسهاا وبحتت فيه كنت نبصر راه نديرهاا صحيح تعرفيني نخاف منهم شباب يرا نصبي حداهم تقول مصبيه حدا عمود طول وعرض تقول متعين مصارعه قدامي بس ندير في جو انا منخفش من حد 😂
نا : نضحك علي كلام سوسن : نعرفك ناا خوافه باهي هيا صبي نديروا قهوه
صبيت انا وسوسن
سوسن : باهي توا شن بديري بدون شغل
نا : تعرفي حاجه حنوقف من شغل مستحيل نرد اخرا بس شن نقول العامر و بابا ومصيبه فاديه
سوسن: ساهله لكل
نا : قولي شن نقوللهم
سوسن : قوليلهم انتهت حلول الأرض الأمر متروك للسماء
نا : وحق الله تافه نا نحكي جديات وهيا تتحنط
سوسن : انتي تعرفييني دروري حناطه
نا : نعرفك
حطيت قهوه في صفره
نا : تعالي نطلعوا في جنان احسن
سوسن : هيا
سوسن : بنسألك شن صار في عت عمامك معش مشيتلهم
نا : وين نمشلهم وربي تريفت علي بنات وبعد نلتموا كلا من فاديه عبت رأس بابا علي ورت والفلوس وفرقتناا علي بعضناا
سوسن : حقيره هيا والخرا يلي عندناا حسبي الله فيهن
نا : باهي فوتيهن توا هدرزي علي حاجه تانيه فكيناا منهن نخدوا ذنوبهن
سوسن :صح وربي بعدهن معبياات ذنوب
نا : ايواه .. باهي قوليلي امته تخرجك
سوسن : خلاص مزال 4 اشهور
نا : باهي خلاص هانت
سوسن : ايواه
نا : صوت باب شكلها جت فاديه
سوسن: ايواه اسمعي بنروح نا
نا : اقعدي تغذي معانا
سوسن : وين نتغدا توا بنمشي نوتي غذاء في حوشناا
نا : باهي باي
سوسن : باي
طلعت سوسن وسلمت علي فاديه طبعا وروحت
خشيت جوا لميت معين وغسلتهن
فاديه : هيا وتي غذاء باتك خلاص قريب يجي هو وعامر
نا : باهي ... وتيت غذاء وحطيت علي طاوله وجاء بابا وعامر
.
.
بابا: احكلي عامر علي موضوع
نا : بحتت في عامر ورديت بحتت في بابا : قصدك علي موضوع شغل
بابا: ايواه علي موضوع شغل بعدين انا علمتك علي طولت لسان
نا : بابا غلط فياا وانا عصبت وطلع مني كلام وخلاص شركه مش راده مشتغله فيها
فاديه: شن صاير فهموني
عامر : حكلهاا قصه
فاديه: وكان عطيتيه قهوه يعيني شن بيصير وبعدين كان اشتغلتي تحصلي فلوس علي الاقل لعند امته بيصرف عليك باتك
نا : قلتيه بروحك باتي حطيت كشيك وصبيت لدراي
نا سكرت باب دار خزي حقيره وربي ماني راده شغل لشني يصير
دق دق دق
نا : خش بابا
بابا: قعمز علي سرير : يا بنتي توا بتردي شغل ولالا
نا : لالا بابا منبيش نرد
بابا : علي راحتك
نا : حبيت علي راسه
بابا: ربي يحفضك يا بنتي
نا : بابا في عشيه عادي نمشي سوسن
بابا : باهي عدي بس مطوليش
نا : حاضر
وطلع بابا
.
قعمزت علي تلفزون نتفرج
دق دق
نا بصوت واطي : عليك قصه خش
فاديه: غسل معين لمن مخليتيهن
نا : توا نغسلهن
سيبته وصبيت للمطبخ
غسلت معين وبرمت علي حوش
ومشيت دار كسدت علي تلفزون كالعاده 🤷🏻‍♀️ لعند اذن عصر صليت ولبست بلوزه سوده قصيره من قدام وطويله من لاوره عليها سروال امريكي وكويش اسود ووشاح اسود
وطلعت من دار
نا : فاديه انا بنمشي عند سوسن
فاديه : اصبري حتناا توا نمشي معاك الأحلام
نا : باه بصوت واطي : انا ماشيه عشان نتريح منك اف منك اف
فاديه : هيا اطلعي قدامي
نا : طلعت بدون ما نرد عليها
.
.
طبعاا حوش سوسن حدانا علي طول
دق دق
سوسن : من
فاديه : انا خالتك فاديه
سوسن : بصوت واطي تقلد في صوتها: خالتك فاديه خلخل عضامك انشالله
فتحت باب: اهلين خالتي شخبارك
فاديه : تمام حمدالله وين احلام
سوسن : قاعده في صاله خشيلهاا
خشت فاديه
سوسن : شخبارك يا قرده
نا : تمام يا حيوانه
سوسن : خشي نديروا قهوه ونطلعوا برا في جنان معنديش نيه نقعمز حدا هذيناا
نا : باهي هياا
خشينا مطبخ نديروا في قهوه لنا ولي احلام وفاديه
سوسن : نمشي نعطي قهوه هذي لي احلام ومرات باتك بارده ونجيك وانتي شيلي قهوه واطلعي لجنان
نا : باهي
شلت قهوه وطلعت برا قعمزت علي طاوله سمعت باب يدق قلت نمشي نفتح مفيش حد يجي توا لا عمي مفتاح بات سوسن
فتحت باب: نلقاا هذكي طرف مطرف تطريف 😂🔥 من كثر الحشم سكرت باب في وجه
رد دق باب
انا : اءء معليش من تبي
شخص : نبي معتصم مش روح
انا : لالا مروحش
شخص : كيف مروحش توا كنت نكلم فيه مروح
نا : مرات مروح
شخص : مش خوك هوا
نا : لالا
شخص : باهي خلاص
وعدا
سكرت باب وتنهدت وتمشي جيه طاوله ونهدرز بروحي هذا شني كنه يهبل هكي زعماا ليبي لالا مستحيل يلي يبي معتصم اكيد مش ليبي اكيد بس يدوي نفسنه افف شن دخلني نا
سوسن : اعوذ بالله من شيطان رجيم معمن تدوي مع طاوله ولا قهوه
نا : 😂😂 يا بارده بعدين تعالي هنا معتصم روح
سوسن : هييييييي مقتلكش روح واخيرا امس روح
نا : ههه هبله جا صاحبه يسأل عليه قتله مزال ما روح منحسابش روح بعدين قالي خوك قتله لا قالي خلاص توا نكلمه كان تشوفيه يهبل يهبل 🤤
سوسن: اف من حظك ياريت نا يلي طلعت باهي لمن يشبه لي عمر في حب الأيجار ولا لي مراد في رائحه فرواله
نا : تي خلاص اسكتي جابلك تلفون معتصم
سوسن : حي صح جابلي توا نمشي نجيبه
نا : باهي مطوليش
سوسن : كان دق باب تفتحي ندقدقك نا نفتح بلكي ينعجب بيه 🙂
نا : وربي هبله 🤦🏻‍♀️😂
سوسن : ونهبل .. وعدت
نا : بصوت واطي: عقل انشالله يا سوسن
.
.
______________________
.
.
في مكان تاني عند محمد
محمد : لازم لازم اندمها علي كف وحق الله ما ني ساكت
ادم : وفيه ميعاد رجاله وطز يا ماما
محمد بصوت عالي : ادم مش وقت ضحك وحناطه نحكي جديات انا
ادم : باهي شن بديرلهاا يعني فوتهاا يراجل خلاص كف وعدا علي حاله
محمد : قتلك وحق الله ماني ساكت وراح اندمها
ادم : وفيهاا ميعاد رجاله وطز يا ماما
محمد : يجري ورا ادم ويعيط عليه : ادم فكني من حناطه زايده انا اصلن شن صحابني لكي بس عنجد..... 🤭 وركب سياره وطلع راسه من روشن
محمد : خليك علي حناطتك هذي وتوا تشوف وجي
ادم : بصوت عالي: وفيهاا ميعاد رجاله وطز يا ماماااا 
محمد : طلع بسيارته وهوا يضحك علي ادم ويفكر في موضوع حياه وكيف ينتقم منهاا
______________________
.
.
نردوا لي سوسن وحياه
سوسن : امسكي شوفيه يهبل يا حياه
نا : الله يهبل مبروك يا قلبي
سوسن : الله يبارك فيك توا قاعد معتصم يعلمني عليه
نا : باهي كويس بكل وعقبالي انشالله
سوسن : انشالله
نا : باهي احكيلي شن صار في تخرجك وتيتي ولا مزال
سوسن : مزال بدري حجزت علي لبسه تخرج وهكي بس مزال حاجات تانيه توا لاهيه في مشروع
نا : باهي ربي يوفقك
سوسن : انشالله يارب
فاديه : طلعت من باب : هياا حياه
حياه : هياا
ومشيت سلمت علي احلام
وطلعت وانا طالعه 🤤
.
.
.
#يتيع
كاتبه ❤️🖇️
Ghada ali
ممنوع نقل روايه من غير اسم كاتبه ❤️🚫
رايكم يهمني 🔥🔥