Love Me Like The Way [Completed]

Part 2

[Zawgyi]

Yangon : Myanmar

ရန်ကုန်မြို့ရဲ့ ရာသီဥတုက ပူလောင်အိုက်စပ်လွန်းလှပြီး အသက်ရှူကြပ်စဖွယ်။ တုံ့ခနဲရပ်သွားတဲ့ ဘတ်စ်ကားကြောင့် စစ်မင်းသန့်က မသိမသာ သက်ပြင်းတစ်ချက် ခိုးရှိုက်လိုက်သည်။

" ခရီးစဉ်က ဒီမှာပဲပြီးဆုံးပါပြီ ... အားလုံးပဲ ပျော်ရွှင်ကြပါစေ "

တာဝန်ယူထားသည့်ခရီးစဉ်ကို အဆုံးသတ်နိုင်ပြီဆိုမှသာ စစ်မင်းသန့်မှာ စိတ်ဒုံးဒုံးချပြီး သက်ပြင်းချနိုင်တော့သည်။ Travel agent လုပ်တာ ပထမဆုံးအကြိမ် မဟုတ်တော့ပေမယ့် အကြိမ်တိုင်းလိုလို ဧည့်သည် နိုင်ငံခြားသားတွေရဲ့ ကိစ္စအဝဝကို တာဝန်ယူရတာမလို့ များစွာစိတ်ပင်ပန်းရသည်။ တာဝန်ယူရမည့် ဧည့်သည်တွေကို လေယာဉ်ကွင်းမှာ ကြိုရတာစလို့ ဟိုတယ်စီစဉ်ပေးရတာအဆုံး ပြန်သည့်အချိန်ထိပါ လေယာဉ်လက်မှတ်ကို စီစဉ်ပေးရသည်။

ယခုတစ်ခေါက်လည်း တာဝန်ယူရသည့် ခရီးစဉ်က ပုဂံခရီးစဉ်ဖြစ်တာကြောင့် စစ်မင်းအတွက် ပိုပင်ပန်းရသည်။ မြန်မာနိုင်ငံရဲ့ နွေရာသီတွင်အပူပြင်းဆုံးလက မေလဖြစ်သည့်အလျောက် ရာသီဥတုက အလွန်ပူပြင်းလှသည်။

နေပူလိုက်မိုးရွာလိုက် မူမမှန်သည့် ရာသီဥတုကြားမှာ သွားလာနေရတာမလို့ စစ်မင်းသန့်မှာ မဖျားနာစေဖို့ ကိုယ့်ကိုယ်ကိုယ် အလွန်ဂရုစိုက်ရသည်။ ပုဂံခရီးစဉ်ဖြစ်တာကြောင့် ရာသီဥတု ပူပြင်းမှုက ပိုဆိုးသည်။ ရန်ကုန်သားဖြစ်ပေမယ့် ပုဂံကိုရောက်လျှင် ချွေးထွက်သန်လွန်းသည့် စစ်မင်းသန့်အတွက် အဆင်မပြေပေ။

အညာဒေသဖြစ်တာကြောင့် ပုဂံရဲ့ ရာသီဥတုက နှိုင်းဆမရအောင် ပူပြင်းလှသည်။ နေပူပူအောက်မှာ စစ်မင်းသန့်က ချွေးထွက်သန်လွန်းလှသည့်အလျောက် ရေဓာတ်မဆုံးရှုံးရအောင် ရေကိုပုံမှန်သောက်ပေးနေရသည်။

ခရီးစဉ်လမ်းပြန်ဆုံးသည့်နေရာက စစ်မင်းသန့် အလုပ်လုပ်သည့် Green Light Travel Agency မှာပဲမလို့ အနားယူဖို့အတွက် အေဂျင်စီထဲဝင်ကာ ဌာနကို မြန်မြန်ပြေးလိုက်တော့သည်။

" ပြန်ရောက်ပြီလား စစ်မင်းသန့် ... အဆင်ပြေခဲ့ရဲ့လား "

" ပြေပါတယ် မငယ်ရာ ... ဒါပေမယ့် ပုဂံဆိုတော့ သိတဲ့အတိုင်းပဲ အစ်မရာ ... ရာသီဥတုကလဲပူ၊ ချွေးကလည်း အရမ်းထွက်တော့ ပင်ပန်းပြီး လူက အားမရှိတာပိုတယ် "