👨👧👦أم لمدة أسبوع👩👦👦
الحلقة 2
عمر:واااااااء وااااااااااء
سيف ونور: بابا يا بابا اصحى بقى يا بابا
عمر: وااااااء وااااااااء
آدم بنوم وضيق وصوت شبه عالي: يا سارة سكتي عمر مش عارف أنام حرام عليكي
نور بهدوء: يا بابا اصحى إحنا مش عارفين نسكت عمر
سيف بضيق:يا بابا اصحى بقى إحنا كدا هنتأخر على المدرسة
آدم بنوم وتأفف وضيق: طب وأنا مالي بكل ده ما تروحوا تشوفوا أمكم فين وتقولولها
نور بهدوء: يا بابا اصحى بقى ماما مش هنا أنت نسيت ولا إيه
آدم وبدأ يفوق : اه صحيح دي مشيت وأنا بقيت بدل أمكم دلوقتي
عمر: وااااااااااء وااااااااااء
آدم بضيق وشال عمر علشان يسكته : ما تسكت بقى يالا حرام عليك إيه الصداع ده ع الصبح مش كفاية طلعت عيني امبارح 🤯
سيف ضحك بس كتم ضحكته لأن أبوه دلوقتي متدايق
سيف وبيحاول يداري ضحكته: بابا إحنا مش هنروح المدرسة ولا إيه
آدم بضيق وبيحاول يسكت عمر: طب ما تروحوا هو أنا مسكتكم
نور بهدوء: ما هو يا بابا مين هيجهز لنا لبسنا ويعمل لنا السندوتشات ويدينا المصروف وياخدنا يودينا المدرسة مش حضرتك برضو😊
آدم بذهول: أنا هعمل كل ده ع الصبح كدا😳 أول ما اصحى تتحفيني بالكلام ده كله😩
سيف وما قدرش يكتم ضحكه أكتر من كدا: ما قلت لك بلااااااش ما سمعتش كلامي 😂😂😂
آدم بضيق وشيء من العصبية: أخرس يا زفت أنت وتعالوا ورايا علشان أحضر لكم حاجتكم
نور باستفهام : إزاي وأنت شايل عمر كدا
آدم بعدم فهم: عادي فيها إيه ما أمكم كانت بتعمل الحاجات وهي شايلاها أنا كنت بشوفها الموضوع سهل يعني
سيف وفطسان من الضحك: هو أنت عايز تعمل الحاجات وأنت شايل عمر !!!!😂😂😂😂 يبقى الله يرحمك يا عمر يا أخويا كنت عسل والله 😂😂😂😂😂
آدم بضيق: برا يالا علشان ما تضربش برا يلا روح على أوضتك وأنا جاي وراك
وخرجوا كلهم ، آدم جهز الببرونة لعمر وادهاله وحطه على السرير إللي في أوضة أخواته لحد ما يجهز لهم حاجتهم بس عمر ما رضيش يسكت وقعد يعيط فاضطر يشيله وهو بيحضر لهم حاجاتهم وطبعاً ما كانش عارف يعمل الحاجة عدل بسببه
عمر ورمى الببرونة: وااااااااااء وااااااااااء
آدم وبيحاول يهدى: بس بس يا حبيبي بص تعالى نحط لنور سندوتشاتها هي وسيف
عمر وبيتحرك كتير بعدم راحة: وااااااااااء وااااااااااء
سيف بضحك: وبعدين يا بابا هتعمل إيه المفروض إنك هتوصلنا للمدرسة هتيجي إزاي وهو قاعد يعيط كدا من ساعة ما صحي 😂😂😂
آدم بضيق: ما أنا مش عارف هو بيعيط ليه وقاعد أديله الببرونة بيرميها
نور بتفكير: مايمكن عامل حمام في الحفاضة
آدم بتذكر: فاتتني إزاي دي أكيد طبعاً عامل حمام طالما مش هادي كدا
سيف بضحك: طب وبعدين هتعملوا إيه
نور ببراءة: أكيد طبعاً بابا هيغير له يا سيف
سيف فطسان على نفسه من الضحك وآدم قال باستغراب: مين ده اللي هيغير له أنا ؟؟!!!
نور ببراءة: أيوا طبعاً يا بابا مش أنت بدل ماما دلوقتي هي أكيد كانت هتغير له
سيف بضحك وبيمثل البراءة: غير له يا بابا بقى الواد نفسه اتقطع من كتر العياط
آدم بضيق: خلاص خلاص هغير له وامري لله هاتوا حفاضة نضيفة
