👨👧👦 أُم لمدة أسبوع👩👦👦
الحلقة 6
عمر وبيترعش: اتسو اتسو
آدم بقلق وخوف: طب اعمله إيه دلوقتي ده سخن أوي ووشه أحمر طب أعمله كمادات ولا احميه بمياة باردة تنزل الحرارة دي ولا أعمله إيه
عمر بتعب : اتسو اتسو
آدم بقلق وشال عمر: لا ده شكله تعبان اوي وخد دور برد جامد الأحسن أنزل أكشف عليه
عقله: طب وأنت هتلاقي فين دكتور قريب
آدم بقلق: مش مهم يكون قريب المهم ألحق الواد قبل ما يروح مني
وأخد آدم عمر إللي كان بيتنفض من السخونية وبيعطس وآدم نزل بيه وكان خايف وماشي بسرعة أوي ولقى مواصلات ووصل لحد المستشفى وهو بيعدي الطريق بسرعة عربية خبطته جامد هو وعمر ووقعوا على الأرض والناس اتلمت
آدم بتعب وبيحاول يفوق وراسه بتجيب دم : عمر عمر
شخص ما : لا حول ولا قوة إلا بالله ايديكم معانا بسرعة يا جماعة ندخلهم
آدم وهو بيغيب عن الوعي : ع م ر
الناس بصوت عالي ودخلوا بيهم المستشفى : دكتور الحقونا بدكتور بسرعة
جات الممرضات بسرعة وخدوا آدم وعمر على الترولي وكانت الخبطة جامدة أوي فدخلوا بيهم العمليات بعد فترة صغيرة جداً
في بيت أم آدم ⬇️
سمية بنوم : وعليكم السلام
المتصل:٠٠٠٠٠٠٠٠٠٠٠
سمية بخوف: أيوا أنا والدته خير
المتصل:٠٠٠٠٠٠٠٠٠٠٠٠٠٠٠
سمية بفزع وبصوت عالي: أنت بتقول إيييييه مستشفى إيه دي
سارة بخوف وجات على صوتها : خير يا ماما مستشفى إيه ولمين
المتصل:٠٠٠٠٠٠٠٠٠٠٠٠
سمية بصدمة والتليفون وقع منها وهمست بصوت مبحوح: آدم ابني آدم لااااا
سارة بخوف وقلق: آدم ماله يا ماما سمية
سمية ببكاء ولسه مصدومة: آدم عمل حادثة هو وعمر ودلوقتي هم في العمليات
سارة ببكاء وخضة وقلق وخوف وصوت عالي: لااااااااااااااااااا عمرررررررررررررررر آاااااااادم
ووقعت سارة مغم عليها وسمية حاولت تفوقها وبتحاول تصمد رغم إللي هي فيه
سمية ببكاء وبتحاول تفوق سارة: يا سارة قومي يا سارة
قلبها: لما إنت ابنك ومصدومة ومرعوبة عليه كدا أومال هي بقى اللي ابنها وجوزها مرة واحدة
وفوقت سمية سارة واخدتها وراحوا المستشفى وكانوا خايفين على آدم وعمر أوي بس سمية كانت بتحاول تكون قوية وما تبينش علشان تصبر سارة وتقويها وبعد شوية خرج الدكتور من أوضة العمليات ووقفته سمية
سمية بقلق: طمني يا ابني هم كويسين مش كدا؟!!
الدكتور بأسف: للأسف حالتهم صعبة أوي العربية إللي خبطتهم كانت بتجري بسرعة والخبطة إللي اخدها كلها الأستاذ الكبير
سارة ببكاء وقلق: طب وعمر الطفل إللي كان معاه ؟!
الدكتور بأسف: حالته أصعب لأنه اترمى بعيد من أثر خبطة العربية واتخبط جامد اوي لما وقع على الأرض ادعولهم
ومشي الدكتور وساب سارة وسمية بيبكوا سارة كانت مرعوبة على ابنها وجوزها كانت حاسة بالذنب مع إنها ما تعرفش إيه إللي حصلهم لكنها حاسة بالذنب لأنها سابتهم وسمية كانت بتبكي على ابنها وحفيدها وكانت برضو حاسة بالذنب
