رواية"من الإجرام إلى الحب"💙
"الحلقة الثالثة"
ساجدة: أنتِ ياهم
داليا: هاااا
ساجدة: سروالي الأبيض وين
داليا: وين نعلم اني بري شوفي وين حاذفتيه
ساجدة: اوووفف مامنك فايدة
داليا: هي سقدي روحك ولا نمشي عليك
---------
موحي: رجع للحوش وركب غير حوايجة وقعمز ع السرير يفكر وكان حاير هلبا
زهرة هذي ثاني مرة ننصدم يارب صبرك
-------
داليا وساجدة مشو لحوش صاحبة داليا..
في الطريق وهما مروحين
داليا: حسابك في الحوش أنتِ
ساجدة: خيرني شن درت
داليا: هكّي تحشمني قدام صاحبتي وأمها
ساجدة: هذا الحق شن تبيني نكذب
داليا: هي وصلنا انولي قدامي حسابك عند ماما
شهد: خيركم تتعاركو
داليا: والله معادش مطلعتها معاي بنتك
شهد: خيرها شن دارت اللطف
ساجدة: كذابة بنتك راه 🤷♀️
داليا: قالتلهم 24 ساعة شادتها طياح ع النت لا تضم لا تطيب حتى الدحية ماتعرفش تقليها
ساجدة: ماكذبتش هذا الحق
شهد: حشم حالك يامصيبة أنتِ تو تطلعي مرة ثانية
------ ثاني يوم 💭
سجى : نايضة بكري توتي في الفطور..
مالك بصوت عالي: صبحخيرررر سسترر
سجى : 😂😂صبحالورد هي تعالى قعمز الفطور واتي
مالك: اووو منورة جيعان هلبا تصدقي
سجى : يالبيهههه قعمز كول صحتينن
رنا: صباح الخير
مالك: صباخ الورد يادرية
رنا: تشوفله 🥺🥺🙂
مالك: درية وراس العزيز
رنا: عارفة
....شافت لسجى وقالت : جعجع ماكلمكمش إياد
سجى: لالا علاش
رنا استاحشته😭
مالك: مروان وين
سجي & رنا: كالعادة مع حناي😂😂
مالك: مهبول الولد هذا🤣
----
مروان خش للحوش و هوا طايح فيها اغاني كانه ع المسرح
ي خيتي هابا مش قلنا😂👏🏻ي خيتي هابا😂👏🏻
بوه: تراا قولي امتى بتعقل🙂
مروان:و لييش تبيني نعقل🤓
بوه: ي خسارة الشنابات يلي عندك
مروان: به تو نحلقهم🙂
رنا: حقا بتحلقهم😧
مروان: اي عشانن بوك معاش يخليهن عزاره🙂
-------
تامي: خيرك هالأيام مش ع بعضك
زهرة : لا شي وطلعت 💔 كان خاطرها تتكلم بس مش قادرة
ملاك: متأكدة الورقة ليها علاقة بيه
تامى: شن جاب الورقة لحوشنا
ملاك: ماتنسيش إنّ صاحب خوك راه
-------
خالد كان مقعمز قدام التلفزيون بس مش منتبه معاه كان سارح ويفكر فاللي صار معاه كأنه كابوس..وقال في خاطره ليش الحب عمى عيوني ليش درت هكّي وسمعت كلام مريم ، الله يسامحك بس الله يسامحك..
-----
مريم كانت في البلكونة مقعمزة شافت زهرة مع خوتها في الجنان تضحك وتبصرر معاهم انقهرت وزادت حقدت عليها أكثر وكأنه الي صار ماغيرش فيها شي ولا أثّر فيها
------
موحي: زهرة قعمزي نبيك
زهرة: نعم حبيبي
موحي: إيمانك بالله كبير صح
زهرة: اكيد
موحي: كل الي صار قضاء وقدر ومكتوب من ربّي مانقدروش نغيرو شي بس غلط الي تديري فيه لازم م تفتحي صفحة جديدة وتبدي كل شي من أول وجديد نعرف مش حتنسي ولا حني حننسو بس الله غالب مش بيدنا نبيك ترجعي لقرايتك وتعيشي حياتك ماتخليش الحزن يتمكن منك..
زهرة انهارتتت بالبكي وتتكلم بشهقة...ممم مستحيل نقدر نمسى الي صار كيف تبيني ننساه كيف
موحي حضن اخته : الله غالب وخيتي ماعندنا مانديروا... مانبيكش تقعدي حزينة شوفي منظرك كيف ذابلة وموقفة حياتك مايجيش هكّي حتردي لقرايتك. .
زهرة : مستحيل والله مانقدر
موحي : لا تقدري غير توكلي ع ربي بس
________
تامي: تتفكري ياملاك كيف انقتل احمد
ملاك: كأنه حلم
تامي: ومع هذا مش مصدقه إنّ كان متقصد
ملاك: والطامة الكُبرى قصته مع جهاد
تامي: مريم السبب كُل ألي صار بسببها
ملاك: حسبي الله ونعم الوكيل فيها ربي ينتقم منها
تامي: خلاص حسني انغميت سكري الموضوع
____
مالك: أني خديت قراري وحنفذ الي قلت عليه
محمد: ردد بالك ماتتهورش حتخرب كُل شي راه
مالك: اني قراري وخديته والي بيصير يصير
مروان: خبط مالك وقاله اني معاك للموت يا ولد العم
محمد: فوتوه الجو هذا وربي مش حيجيب نتيجة
مالك: مروان ماتعدلش عليه هدا طيب للهمم نتلاقو في الليل ونتفاهموا
___
سجى: لوين ان شاء الله
رنا : للمطبخ
سجى : باالك سااد منهاا الماكله شوفي منظرك كيف قعد🙂
رنا : ترا خليك فكتاباتكك ياسوس🤓
سجى : نننننننن🤦🏻♀️
____
مالك: هاا شن صار
مروان:………
"بقلم زيزي القماطي💙"
يتبع……
