رواية"من الإجرام إلى الحب"💙
"الحلقة الأولى💙"
محمد : الوو اسمعي
ساجدة : نعم يامصلحجي شن تبي من مصلحة
محمد : مصلحجي راه غير ماني فاضيلك اسمعي...
ساجدة : هاااا شن تبي 😕
محمد : كلمي واحدة من بنات خالتي وقوليلهم قولوا لمالك يرد عليا بسرررعه
ساجدة : وعلاش شن تبي فيه
محمد : شن دخلكك هي شوفيهم....
ساجدة : باهي 🥺
محمد: بببسسسرررعهه
أبرار : خيره محمد
ساجدة : مادخلكش
---------
معاذ : أسمعي ياسر منها قيمة الخشم هذي مش كان شعرك طويل خلاص
ابرار: انت ياقادرهم
معاد: سكري فمك انتِ
أبرار: باه 💔🙃
-----------------------
هادو أبطال العائلة الأولى ، تتكون من 3 بنات اسمهم ساجدة وأبرار ودانية و زوز اولاد الي هما محمد ومعاذ
ساجدة بنوته حلوة بيضاء شعرها طويل ولسانها متبري منها💙
وأبرار بنوتة قصيرونه وحلوة طبعها كتومة وهادية علي حالها💙
ودانية حلوة وبطة شوي طبعها عادي يعني مش متاع دوة وهكي يعني كان كلمتيها تتكلم وكنهادا لا 💙
محمد متخرج من ال lt من جامعة صربيا
طويل نقشه عالأسود وعنده لحية خفيفة طبعه كتوم وغامض نوعاً ما ،بس لما يتعصب مايشوف في شي قدامه، مافيش حد يفهم عليه إلا شخص واحد وحنعرفوا بعدين من هو🔥
اما معاذ عيونة عسليات ونقشه عالأسود عصبي هلبا ومشكلجي بس جوه سمح وبصايري
------------
نسيبة : تهلهل نوضي يبوك
تهلهل : بنررقدد
نسيبة: بابا يبيك🙂
تهلهل: ناضت مخلوعة قامت شعرها اللطف خيره بابا
نسيبة:خوافه وربي 😂😂
تهلهل: نازلة من الدروج ومن غير اي شي اتجيها خبطة ع راسها 🙆♀️
سراج: هدا باش مرة ثانية تتعلمي الأدب وتقوليلي صباح الخير أول واحد
تهلهل: يابابا تعالى لولدك
سراج: نننننننن
---------------------
هذيي ثاني عائلة تتكون من 3 بنات
تهلهل بنوتة عسل بكل اسمها ابتهال بس يدلعوا فيها تهلهل لانها فرهودة وديما تضحك وجوها سمح
اما دانيا. بنوته مش متاع قرايه متع طلعات وجوها فري ولسانها اطول منها طبعها عادي كيوت نوعا ما
ونسيبة بنوتة حلوة انطوائية هلبا نادراً ماتتكلم طبعها هادئة هلبااا
عندهم أخ وحيد فالحلقات الجاية حنعرفوا وين هو 🔥
-------------
ساجدة : الو سجى
سجى : اهلا ياقلبي شنجوك
ساجدة : تمام شمدايرة
سجى : اهو مقعمزة في الجنان نقرا
ساجدة : سووووس
سجى : تففففف
ساجدة: عويهك المهم
سجى: شن
ساجدة: قولي لمالك يكلم خوي محمد يبيه اتصل عليه ماردش قالي شوفي وحدة من لبنات تكلمه
سجى: تمام
------------------
هذي ثالث عائلة متكونة من زوز بنات اول بنوته اسمها سجى عمرها 18 تقرا قانون بنوتة تحب قرايتها هلبا يعني خلينا نقولوا سوس قراية قرايتها خط احمر ومثقفة هلبا وطبعها انطوائية ماتحبش كثرة الخلطة ، كلامها واجد مع الناس الي تعرفهم وتحب تنصح الناس الي تحبها
أختها رنا بنوته بيضة عيونها كبار شعرها طويل يهبل وطبعها طيووووبة وقلبها ابيض متساامحه هلباا وهادئة 💙
وزوز ولاد
مالك يقرا طب أسنان طبعه. متاع مشاكل لكن لما ايصير يوقف وقفة راجل لراجل ماعنداش في جو البنات
اما مروان يقولوله العبد جوه تمام بصايري هلباا لكن لساان ياكبدي ماحد يقدر عليه
