-رواية"من الاجرام إلى الحب"💙
"الحلقة السابعة"
في خيمة العزي
الناس كانت الدوشة مالية المكان ، بس فجأة عم الهدوء .. الناس كُلها إنتبهوا للمرأة ... كانت معاها بنت صغيرة.... الكُل منصدم 😳😳
تامي: حي يابنات شوفوا من جي😳🌚
ساجدة: اومايقاد 🤓
داليا: شن جابها هذيي… وووقفت كانت حتمشيلها بس شدتها ملاك
ملاك: قعمزي مش وقتك راه..💔🥺
---------
مروان كان هادي ع غير عادته ومقعمز بروحه.. بدون أي كلمة..
كان متأثر بموت حناه هلبا لأنَّ كان متعلق بيها هلبا وديما معاها
محمد شافه مقعمز بروحه جي قعمز بحداه: مش ليك الزعل ياعبد راه💔
مروان قعد ساكت ومقالش ولا حرف .. محمد طبطب عليه وقعمز بحداه بدون م يتكلم لأنَّ يعرف ألم الفقد كويس..
__________
موحي: كان راسه مشوش والأفكار ترفع وتجيب .. وهلبا تساؤلات في باله مش لاقيلها إجابة..
ليش مالك دار هكّي !! ليش كلّم مروان وماكلمنيش اني!! 💔 وتوا خالد شن حيدير هل حيحاول ينتقم من مالك ولالا وزهرة الي مش راضية تنسى ..حط يده ع راسه ..وقال اوفف يا رب صبرك💔 🥺
--------
معاذ: دنوش دنو💙
دانية: لما سمعت الصوت قلبها فرح بس دارت روحها مش معدلة🙆♀️💙 .. قالتله: هااا شن تبي
معاذ تجاهل طريقة كلامها وقاللها: وين ماشية
دانية: لحوشنا
معاذ: نعممم!!ماشية باللبسة هذي!!
دانية رفعت حاجبها وقالت : خيرها اللبسة هذي!
معاذ: هذي لبسة الواحد يطلع بيها بري غيريها شوفيها كيف ضيقة
دانية: مانيش مغيرتها وهي حول من قدامي وحطت يدها ع كتف ودفاته ... جت بتفوت بس مسكها من يدها ..
معاذ وقال بعصبية: وقال وديني ومانعبد كان ماتخشي تغيريها البدله الخامره هدي الا مانوريك نجوم الظهر ف الليل و بنخبر عمي احمد بعد
دانيا خاافت لما قعد يهزب فيها: ببب ببه ه😰…ومشت
معاذ: محلاااهااا لما تخاف مني😂❤️
------
تهلهل طالعة من المطبخ وكانت رافعة لمروان ياكل بس لما شافت المرأة انصدمت
ابرار: اي والله عليك عيشة
تهلهل: نننهههااررر اااسووددد شن جاب فيتها
تامي: ماتخلوهاش تتقرب هنايا أحسن
تهلهل: اصبرو م تديرو شي لين نجي.. نعطي مروان ياكل مسكين مكلاش شي من امس..
تامى: ياعيني مروان 🌚😂
تهلهل: تفكيرك ماتخلييش يمشي بعيد🙂
تامي: مشي للساحلي و فات😂😂
تهلهل:🤦🏻♀️🙂
---------
خالد: مقعمز وكان يشوف لأولاد عمه كيف مع بعض وهو كأنه غريب مش منهم..كان شعور اخخي هلبا.. وقال ف سره أني ليش مش معاهم ليش خربت ع روحي ليش درت هكّي ليش سمعت كلام مريم
---------
تهلهل شافت مروان مقعمز بروحه.. مشت حطت السفرة ع الطاولة وقالتله: مروان تعالى كول
مروان شافلها وكان واضح الحُزن في عيونه..صحيتي مخاطريش
تهلهل: معقولة هكّي نتعب وفالنهاية متاكلش... كول حتى شوي من امس مش واكل شي
مروان قعد يشوفلها بدون اي ردة فعل..
تهلهل سخفها حال مروان هلبا وقالتله : هي مروان تعال عشان خاطري كول حتى شوي
مروان : ابتسم وقاللها حاضر... لأنَّ مستحيل يرفضلها طلب.. صح يعارك فيها هلبا ويستفز فيها هلبا.. بس يحبها هلبا وهي مش فاهماته تحساب يدير هكّي عشان يكرها..
تهلهل ردتله الإبتسامة...وقالتله صحتين هي نستأذنك وفاتت
____
تامي: ووهععلياا من هذي الي معاها
زهرة: يا ربّي احني مش ناقصين
داليا: خلي قلبك قوي خيرك
زهرة قالت فخاطرها: هو اني قعد عندي حيل للصدمات.. 🥺😭
مريم كانت تبكي في حضن أمها :وو ووينك وييين ككك كننتي 😭💔 قتلوووه يا ماما قتلووه 😳😳
امها: مانزلتش منها ولادمعه وكانت مدايرة ميك آب خفيف وجوها تمام
وعيون الموجودين كانت عليها ... ومستغربين فيها كيف امكيجة ولابسة ماتقولش فعزي.. وعزي من يلي جايه ليه
ملاك : باهي منو البنت الي معاها
تهلهل: كان ماخبرتناش اني حنشد البنت ونسالها
سجي: بلاش تستعجلوش وبطلوا هبال ... تو نعرفوا
تامى: بس البنت كأنها تشبهلها..
داليا: هلباا
---------
محمد كان مقعمز هو وسراج..
محمد : مانسيتش لقطتك متع مبكري بأي حق تتصرف هكّي..
سراج شافله بربع عين : أي لقطة !
محمد: كيف تتجرأ وتحضن سجى !!! تحسابها هيدقة ولا شني!
سراج كان يوهم في نفسه بحاجات مستحيلة ومستغرب من إهتمام محمد الزايد بيها..فكر إنّ من الممكن يكون يحبها...سكت شوي وقال: سجى حبيبتي وقريباً حتكون خطيبتي خلي يفوت لعزي وبعدها لكُل حادثٍ حديث
محمد: شن تخرط انت
سراج: مش مصدقني ولا شني الأيام بيناتنا وتوا تشوف
محمد ماعرفش شن يقول ولا شن يرد لأنَّ مش فاهم شي... سيب سراج وطلع
سراج قال في سره..هه تحلم تاخدها ولا تفكر فيها حتى التفكير هي ليا اني وبس💙 سراج كان أناني هلبا ويتمنى الخير ليه هو بس.. وكان يحب نفسه فوق اللازم وحديثه كله تفشيك...وفخره.. بس نفس مافيه جانب سيء أكيد حيكون فيه حانب كويس بس هالجانب مش باين لرُبما يبان مع الأيام
---------
أم مريم كانت تهدي في بنتها ... والناس برضو قاعدين منصدمين... وين كانت... من الي معاها ...
تامي ناضت عساس بتمشي تعزيها وتقصقصها شوي بلكي تفهم شن صاير.... لأنهم كانوا قاطعين علاقتهم بشكل نهائي مع عيت عمهم ومايعلموا عليهم شي ...
الهدوء عم المكان... جت البنوتة الصغير تجري وتنادي ماما ماما.... هنا كانت الصدمة كيف أمها.. عمهم عنده بنت وحدة بس والي هي مريم .. هذيي من..
مريمم: ككك ييي ففف تت قق تقولك مااامااا 😳😳
تهلهل: ووههعليا ووه ترا وحدة منكم تخبطني مشمصدقه
رنا: خبطتها وقالتلها اخبطيني حتى اني
نمارق : ماما قالك بابيي هي بنروحو
مريم منصدمة : وتتكلم بصوت شبه عالي كيف فهميني من هذيي منننن انتِ انفصلتي عن بوي واختفيتي دورتتت عليك ماحصلتكش.. اربعة سنين راه اربعةة سنين بعيدة علينا وتوا جاية وهذي ليش تقولك ماما هاااا ليش
فريحة كانت في قمة البرود : هي سلام حبيبتي نتلاقو يوم ثاني ونخبرك.. ديري بالك ع روحك
مريم : قعدت ساكتة معادش عرفت ماتقول
نمارق شدت امها مع يدها وقعدت تجبد فيها : هي نبي نمشي حوش جدي
فريحة: مع السلامة وطلعت
والعيلة هنا كلها في حالة صدمة..
مريم... خشتت تجريي..
نسيبة: يابنات مش قادرة نصدق
ابرار: المشكلة إنها وقت تطلقت من عمي اختفت معاش بينت
تامي: أكيد في وراها قصة مش معقولة تكون هكّي
رنا: قالت تو نجي نفهمكم
نسيبة: لاااا وبكل ثقة ملبزة وجهها
ملاك: باللهي فوتوها وجهها رايح زي البوبريص
زهرة: خلاص يابنات هيا مدام مافيش حد خلونا انضموا شوية 💔
تامي: حسبي الله لمن طالعةة بسس
زهرة: فصلت عليها..شنهيا لمن طالعة يابنتي الناس تخش وتطلع والحوش يبي تنظيف بإستمرار ماتبيش ماتديري شيء تو ندير بروحي
رنا: خيرك تامي حرام وخيتك
تامي: سوري 💔🙂
زهرة ناضتت..
سجى: معادش تزيدوها الي فيها سادها ... راه زهرة حساسة من قبل وتوا زادت ف راعوها شوي..
رنا: هي المفروض تنسى
سجى: مش حتقدر ولأن مريم قدامها من سابع المستحيلات إنها تنسى
ملاك: انتم ملاحظين إنها ماتعبرش ععلي الحزن متاعها بكل
رنا: صح ولا مرة قعمزت وحكتلنا
ابرار: ولا احني سألناها
سجى: لا أني تحكيلي في كل شي .. راهو قاعد قلبها مكسور وانتم ماتعلموش بحالتها
ملاك: حتى الماكلة معادش تاكل..
خشت مريم عليهم و.....
----------
زهرة قاعدة تنظف ف خيمة لعزي وتفش في غلها فالتنظيف... خش عليها محمد
محمد: السلام عليكم
زهرة: وعليكم السلام، ، شنو معاش في حد
مروان: لالا خلاص اني بنخش نرقد
زهرة شافت لموحي: اه ماتبي شي !
موحي: اني لا بنخش نرقد
محمد: زهرة نبيك في موضوع
زهرة: تمام نكمل ونجيك
محمد: انا في الصالة
------
تهلهل: شن جابها
مريم: نطلب منكم طلب
البنات: شنو 🙂
مريم: ......
"بقلم زيزو القماطي💙"
يتبع
