-رواية"من الإجرام إلى الحُب"💙
"الحلقة التاسعة"
مريم: سمعتي كلام بوك ولا اناديه من جديد ؟
ساجدة :صبرك يا الله طلعت عشان لو قعدت ممكن ترتكب فيها جريمة
تهلهل بصوت شبه مسموع: يابناات علي عالخط
تامي : مش وقته راااه
مريم تشوفلهم بنظرة حقد وكانت نفكرة إنهم يحكوا عليه :ترا اطلعوا وسكروا الضي بنرقد
تامي : شنرايك نغطوك مرة وحدة 🙂
مريم: مدابيا والله😌😂
داليا : موقحك هذا ماناقص هي تعالو نطلعوا يابنات وخلوها زي الكلبة بروحها ويععع ↗️↗️
_______
محمد: لا والله فيه منه ... اني سألته وأكدلي هالشي يالله ربي يهنيهم..
زهرة: يكذب عليك معاش تصدقه يبي يفسد عليكم ...وبعدين هي تحبك
محمد : حب يأجل الموضوع هذا لبعدين.. عشان الفضول حيقتله... يبي يعرف قصة زهرة ..خليك مننا احكيلي قصتك
زهرة ماحبت تضغط عليه : من وين نبدا ؟
محمد: علاش أحمد رفض يعطيك لخالد
زهرة : خالد فالفترة الأخيرة إنحرف هلبا ووصلت بيه إنّ يشرب وأصلاً هو متع بنات
محمد : اياه ربي يهديه هي كملي
زهرة : المهم.. هو بعدما تقدملي وانرفض ... بعد فترة بسيطة تقدملي.. طبست راسها شوي والدمعه في عينها ..تنهدت وكملت.. صاحب أحمد الله يرحمه.. وأحمد كان يشكر فيه هلبا ف قالي واني وافقت..وبهكي خالد انقهر هلبا ودار العار ... بحجة إنّ اني بنت عمه وهو أولى من الغريب..
محمد: باهي فهميني ليش تقولو لمريم انتِ السبب..
زهرة زهرة جتت بتتكلم بس قاطعهم موحي..
موحي: اووو شنفيه مجتمعين
محمد: مستاحش وخيتي زيزو
زهرة طبست راسها واكتفت بإبتسامه 😊
محمد :عليش مش راقد أنت
موحي: مجانيش نوم من مروان ازعجني 🙂🤷♀️
محمد: اها😂
زهرة: ياروحي عليه سخفني مبكري .. واضح عليه الحزن هلبا..
موحي: اي كان متعلق بجداي الله يرحمها هلبا..
محمد: الله يرحمها..هي نستأذنكم وشاف لزهرة وهي فهمت عليه
_________
البنات جو بيطلعو..
مريم: خيركم بتخلوني بروحي؟
ملاك: مش بترقدي؟؟انخمدي ان شاء الله معاش تنوضي
داليا قربعت الباب وجت بتفوت بس فتحاته وردت فتحت الضي : ديري حاجتك بروحه مانخدموش عندك احني😒
________
سجى واقفة من بعيد واتشوف لموحي وزهرة ومحمد كان في خاطرها تمشي تقعمز معاه وتكلمه بس في شي في داخلها يمنع فيها
_______
زهرة فالمطبخ ادير في قهوة سمعت صوت مسج شافت نقالها لقتها من محمد مكتوب فيها"بعد الفجر نتلاقو"
زهرة ردت عليه"تمام"
وفي خاطرها قالت بإذن الله هذي آخر مرة ح نحكي فيها عن الموضوع هذا..
_______
فريحة: حبيبي ترفعني غدوة ؟
مختار مسك يدها وباسها : أسف حبيبتي عندي خدمة مانقدرش..
نورية: تمام
نمارق جت تجري وارتمت في حضن بوها..
________
تامي نازلة من الدروج ووراها البنات منظرهم زي العصابة😂
محمد شافهم بنظرة شك حس إنّ فيه وراهم شي :خيركم شن فيه..
تامي: هيهيهيهي 😈 تو تعرف...موحيييي
موحي: ها خير فيتك
تامي:وخيي حبيبي نطلب منك طلب..
موحي: الصبر بس شن في
تامي: أم أربعة وأربعين راقدة في دارنا والكلبة تدير في حركات حقيرة نبي نطفشوها من الداررر عادي تساعدنا
محمد: من هي
تهلهل : الحية مريم🙂
موحي: ههههههههههه مشاكساات... كيف حتطفشوها ترا..
تامي: هي تتفرج ع التلفزيون.. توا نبيك ترقى تقطع الخيط...وخلي الباقي علينا😈😈
محمد: بلا لعب صغار عيب الي تديرو فيه
تامي:🙂خليك في حالك
محمد تعصب منها وجي بيتكلم بس سمعهم ينادو فيه وفات...
________
