حبيبتي تائهه

الفصل الخامس

طلع خالد من البيت وقت صارت الساعه ثمانيه اخذ العنوان اللي عطاه مروان اياه واستقل سياتو اللي اشتراها من يومين بعد مكافاتو
كان بده يدق علي مروان بس ما حب يزعجو واكتفي بمقابلتو جوا الحفله وراني ما معه رقما
فقرر يروح لحالو
اما بالنسبه لمروان
فطلع من فلتو الخاصه كان حاسس بشويه دوخه خفيفه
فكلف شوفيره انه يسوق السياره تجنبا لاي حادث غير متوقع
بلشت الحفله بحضور البنات والضيوف ما حضر من العشاق المنتظرين غير علي اللي كان يتبادل الحكي مع نور من اول الحفله وعلي شفافو عبارات الغزل اللي ما بنتهي اما نور فكانت بتبادلو الشكر الممزوج بالخجل
كانت شركه الجواسيس الخيرية مراقبينن من بعيد
دارين: تعرفو هدول الاتنين عم يحسسوني بفراغ عاطفي كبير
خلود: ي قليله الحيا اتقلي شوي شو هالحكي ليكي انا بخاف يخطبوكي ما تفوتي الرجال الا وهو متزوجك
جوري: هههههههههه يمكن كمان من الفرحه تقتلو
دارين بسخريه: ههههههه شو عم تحكي انتي وياها ما في شي من هاد انا خجوله
خلود بانبهار: معلومه جديده
دارين وهي تمثل الزعل: اي ولازم تحطيها حلقه بادنيكي كمان
جوري باهتمام: صبايا بكفي مزح هلا لازم نباشر بالخطه
دارين: نفذتي اللي قلتلك عليه
جوري: اي حطيتلا الحبوب في كاسه العصير وقت يوصلو الضيوف رح تشرب العصير ورح تخرج عن السيطره من شربه وحده
خلود:: هيك تمام انا بورجيها مقامها لهالحيه
دارين: بس ما بدي غلط ولا خربطه اوكي
جوري باهتمام؛ لا تخافو
........

كل شي كان منيح وهو عم يجري مكالمه هاتفيه وقت وقف الشوفير فجاه
مروان باستفهام: شو في
الشوفير: ما بعرف سيدي السياره تعطلت فجاه رح انزل شوف شو في
مروان بطفش: بسرعه
نزل الشوفير وتفحص المحرك مر من الوقت دقائق حتي اطلع فيه باستياء: المحرك خربان سيدي رح شوف شي صيانه قريبه
حط مروان ايده علي راسو وهو يحس الدوخه تتزايد تدريجيا
حتي صاح بصوت ملئ بالغضب والارق: روح وتعاااال بسرعه
الشوفير ركد وهو يحس بالفزع من صياحو عرف انه ابتعد عن السياره اخرج تليفونو من جيبتو ودق علي رقم مجهول

وفورا اجاه الرد
.....: ها شو صار
الشوفير: عملت متل ما طلبتي مني تماما
........: وهو هلا وين
الشوفير :السياره تعطلت بالوقت المناسب وطلبت منه روح دور علي شي صيانه قريبه
........: منيح بتجي لعندي فورا تاخد مكافاتك وما عاد بدي شوف وجك
الشوفير: والسيد مروان
.........: مالك دخل فيه انا رح ريحو علي الاخر ورح اهتم فيه
الشوفير: حاضر
طووووووو
انا بورجيك ي مروان الكلب شو رح اعمل فيك مفكر انك نفدت بعملتك مفكر انك خلص خلصت مني انت الي الي وبس ورح ربيك هالمره منيح حتي تجي راكع علي رجولك وتطلب من السماح صدقني رح تطلب مني السمااااااح
.......
جوا اجواء الحفله كان الحضور مكتمل وقمر كانت ناطره قدوم العريس تبعا ورسال كانت تستقبل الضيوف بسعاده والبنات كانو قاعدين يضحكون سوا وهما يتخيلو قمر وهي بتهلوس بعد ما تشىرب العصير نور مازالت مشغوله مع حبيب القلب كان الكل سعيد ومكمل بعضو بسعاده الا هي كانت حاسه بتبكي من الوحده حتي نور الوحيده اللي بتسايرها مشغوله وما حدا علق علي شكلا بنوب في حين كانت في عيون ما نزلت عليها من اول الحفله لفت انتباهو وقفتها لحالها وهي عم تحرك اصابعها بتوتر شديد بس هاد ما جذبه اكثر من طلتها اللي كانت سارقه عيونه وكانها انتشلتو من بين الكل بجمالها واناقتها
كان حاسس انها بترفض هالشي بس ما كان قادر ما يعرض طلبو عليها
قرب بخطوات منها
خالد بحرج: تسمحيلي بهي الرقصه
لورين حست بالفزع بسبب شرودها واطلعت ناحيه الصوت باستفهام: هااا
خالد بتكمله: بدي ارقص معك اذا ما عندك مانع
لورين حست باحراج شديد من كلامو خصوصا انها ما تعرضت لهيك طلب من قبل بس كملت وهي تطلع فيه بغضب: كيف تطلب مني هيك شي شو شايفني يعني لحتي ارقص معك
خالد وهو يميل شوي بناحيتا: شايفك صبيه حلييييوه
لورين بحرج وهي تبتعد عنو: احترم حالك العمي بقلبك اديشك وقح
خالد وبلش يحس بالغضب: مو معني اني طلبت منك ترقصي معي بكون قليل الحيا ووقح كمان
لورين بجمود وهي تاشر بناحيتو: بلا وقح ووقح كتير كمان واصحك تفكر اني ممكن ارقص معك مفهوم وبعد عني حتي ما سببلك مشاكل انت مو قدها
خالد بغضب من كلامها: حيلك حيلك شايفتني قاتل حالي لارقص معك اصلا اذا بطلب من اي بنت تانيه هاد الطلب ما رح ترفضو بس انتي عم تحاولي تتقلي حالك عليا كانت بتحكي بس هو كمل بغمز مو انا ي حلوه اللي يترجي بنت كرمال جمالها
لورين وهي تبتعد عنو بغضب: وانا من وين بعرفك حتي اتقل عليك لو سمحت حل عني في بنات كتير هون فيك ترقص مع اي حدا منن بس انا لا
خالد ببرود وهو يبتعد عنها: طيب انا رايح اذا غيرتي رايك فيكي تاشريلي
لورين بجمود مستحيل
بعد شوي حضر غسان اللي بهر قمر بجمالو وحست بيغمي عليها من الفرحه بس قررت تضل مستمره بتمثيل دور الخجوله
سلم غسان علي كل الحضور وتوجه بناحيه قاعه الجلوس الكبيره وقعد جنب عروستو اللي ما كانت قادره تشيل عنيها من عليه
خلود بزعل: يعني والله خساره كل هالحلا فيكي ي قمر
دارين: والله معك كل الحق هي حتي السفاح خساره فيها
جوري: رح يطيح منها اليوم لا تستعجلو ي بنات
غسان كان يطلع لقمر بتفحص
وهو يقول بحالو يعني ما اختارولو غير هالبنت القصيره هاي اذا بدي ارقص معاها اكيد بحملها علي كتوفي
قمر بلشت تحس بالقهر لانو ما قال لها ولا اي شي كان مكتفي بالنظرات الخاليه من اي تعابير
بعد شوي تكلم وهو يطلع فيها