حبيبتي تائهه

الفصل السادس

اه ي راسي شو هاد الوجع اللي ما بدو ينتهي كانت بتمسح علي شعرها بس انصدمت من ايديها الملفوفه بالضماد حاولت تقوم بس تفاجات انها مو بتختها ولا هي وسادتها ولا هي غرفتها حتي هدول التياب ما كانو تيابها كانت حاسه انه بيغمي عليها من الدوار وقت انفتح باب الغرفه ودخلت حرمه ما شفاتا من قبل لورين دغري حست بالفزع وتكورت علي حالها والدموع متحجره بعيونها سعاد حست بالخوف من تصرفها بس وقت شافتا حرمه مو رجال دغري ركدت عليها وهي تبكي بجنون
لورين وعيونها مليانه دموع: ليك الله يخليكي قليلي انا وين وكيف اجيت علي هون وليش مربطيني هيك بالضماد
سعاد وهي تربط علي كتفها: لا تخافي ي بنتي انا خالتك سعاد ابني خالد جابك لهون المسا وكنتي عم تنزفي كتير وصارلك يومين نايمه بالتخت وانا كنت عم بهتم فيكي لهاد الوقت
لورين وهي تبكي بحرقه اكبر: مين هاد خالد ي خاله وليش كنت عم بنزف انا اخر شي متذكرتو اني كنت بالحفله تبع قمر اي بعدا شو اللي صار واريج اريج ي الله اختي لازم روحلها اكيد محتاجتني هلا
ركدت برا الغرفه وبلشت تفتل بالصاله الواسعه متل الطير المحبوس اللي بتمني الله يهديه لمخرج القفص مسك يدينها وهو يسحبها بتجاهو
خالد بنظره خاليه من التعابير: الحمدلله انك صرتي احسن
لورين وهي تسحب يدها من كفه: انت كيف تسترجي تلمسني بعد عني انت اكيد خاطفني لاني ما رضيت ارقص معك بالحفله
خالد وهو يضحك بقوه: هههههههههه شو انتي خيالك واسع كتير معقول اخطفك ميشان هيك شغله سخيفه
سعاد بغضب: بكفي ي خالد حاجه بقا تضغط علي اعصاب البنت اكتر من هيك
خالد بتكمله
خلص ليكي تعرفي شو صار بالحفله الحفله خربت بسببك
لورين بإندهاش: كيف يعني خربت بسببي
خالد بلش يحكيلها عن كل شي صار بالحفله عن رقصها قدام الحضور ومغازله غسان وهجوم قمر وستها عليها
كانت كلماتو تنزل علي مسماعها كانها صواعق تحرق قلبها وتقطعو قطع صغيره ما تفوهت بكلمه وحده انهارت علي الارض تبكي بكاء مرير حاسه بالقهر وبالذل والتعب حاسه بالظلم حاسه انه العالم صار مسكر بوجا سيرتا رح تكون علي كل لسان كانت هي السبب الوحيد اللي خرب سعادة بنت عمها تراكمت كل الاوجاع عليها حتي صرخت بصوت عالي
وخارت قوها وقت ضرب جسمها بالارض بقوه
سعاد ركدت بتجاها وهيتحاول تفيقها: بسم الله عليكي ي بنتي شو صار
خالد بفزع: امي جيبي مي بسرعه ارجوكي
سعاد جابت كوب مي بسرعه ومسحت علي وجها حتي بلشت تستعيد وعيها وقت فاقت صارت تبكي بحراره اكبر وسعاد تحاول تهديها بس ما كان في فايده
خالد بأسي: اذا كنتي زعلانه كل هالقد ليش عملتي هيك
لورين وهو مازلت تشهق: انا ما عملت شي ما بعرف كيف صار كل هاد انا اخر شي كنت حاسه بطني بتوجعني وبعدين كل شي صار واضح تذكرت فوتتا علي المطبخ وغيابها عن الوعي بعد ما شربت كاسه العصير
لورين بتكمله: فتت علي المطبخ واخدت كاسه عصير وحسيت حالي دايخه كتير كنت طالعه لجناحي حتي ارتاح شوي بس شكلي غميت محلي
خالد باهتمام: بس انتي ما غميتي انتي صرتي ترقصي وسط الضيوف
لورين وهي تشهق اكثر: والله العظيم ما عملت هيك شي
سعاد بغضب: خالد حاجه بقا تضغط علي البنت هيك بكفي
خالد بقله حيله: حاضر امي خالد تذكر شي وكمل تتوقعي حدا كان حاططلك شي بالعصير اللي شربتيه
لورين: ما بعرف
خالد: ما بعرف كيف بدي ساعدك بس هلا بستاذن لانه عندي شغل ضروري
لورين فزت بسرعه من مكانها: انا بتشكرك كتير علي مساعدتك الي بس ارجوك رجعني علي بيتي
خالد وهو يتطلع بساعتو: وتظني ستك بتوافق ترجعك
لورين بغصه: انا مو عايشه معها انا عايشه لحالي انا واختي الصغيره انا حضرت الحفله بناء علي طلب نور بس ارجوك وصلني