I own you My Darling (Complete)

7

"Jimin tu nge kawtah i thlah kha" in ka luh rual chuan ka ti lut a

"Ahhh Kook, ihh ka thianpa nih kha" tinge maw Jimin hi a lai deuh tlat a ka hriat chu

"Thian a, tu thian"

"Kook thian a ni mai lawm tu tih ngai mi"

"Hmm, kan inah hian tu i thian mah i la rawn hruai ngai lo. Tunge mawhh min hrilh rawh ngaihzawng i nei chiang mai"

"I ninawm Kook kal rawh ka nei lo e aw."

"A hming pawh min hrilh duh lo a, Zanah Jin ka hrilh ang"

"Kook, a ngai lo mawhh Yoongi a nih kha tha em"

"Yoongi maw wow... In inngaizawng em. Sawi rawh"

"Kan inngaizawng lo"

"Ka awih pit Jimin, sawi mai teh zep kher enge ngaihna"

"Ninawm ka la chhang lo"

"Wow, i awmdan ah chuan i duh tih hriat reng chhang rawh kan Jimin hian bialpa a nei dawn e" ka ti lauh lauh a

"Hey mawla, i room ah han chho mai teh" a tih chuan lei ka chhuah khum a ka tlan daih hahhahaha...

Yoongi chu la hmu chak khawp mai, Mask a vuah vang khan a hmel ka hre thei si lo a

***

Zanriah kan ei zawh chuan T.V en in kan thu ho a, kan entui hlawm phian. Jimin phone a rawn ri a, a nui nghal ver ver Yoongi ni chiang mai... A lam ka hawi a ka siai zeuh a min han beng ringawt ah

A hnuah a rawn ri leh a, ka lo ngaihven lem lo mahse min rawn pe a

"Kha Kook an be duh che"

"Keimah maw"

"Imm va be rawh"

Phone chu ka la a

"Aw Hello"

Min be ang khan sawi sia, tinge engmah a sawi loh a

"Hello " ka titha leh a

"Sawi tur i nei lo maw ka dah dawn nia" ka ti chiah chu

"Kookie" ka mur chuai in ka hria... Tunge a nih ka ching lutuk tlat

"Kookie" ka ngawih daih vang chuan a rawn ti leh a

"Tunge aw" ka hrelo der ringawt, sawi tur ka hre hla lo

"Min hria tih ka hria"

"Ka hrelo che"

"Taehyung ka ni"

"Tunge chu chu" ka â mawni le

"I hria tih ka hria... Ka sawi tur hi ngun deuh in lo ngaithla rawh naktuk dar 1 ah hmana coffee i pek thin na hmun ah khan rawn kal ang che. I ching maw, ka dah nia"

Phone a off tawh a, keichu ka din ngaiin ka la ding reng

Inhmu tur in  min sawm tihna emni, min hmu duh maw. Engtin nge niang ka kal ngem, min lo ru bo ta se nilo enge maw ka ngaihtuah le.

Ka room ah chuan ka inngaihtuah char char a, tihngaih na ka hrelo.. ka kal ngam lo ni ber in ka hria, mahse tihnge ka kal loh ang amah ka hmu duh ni lawm ni. Lawkin engtin nge Jimin number a neih zawk..

Bawm ka phawrh a ka phone dah na ngei chu ka phone chu ka lachhuak a. Rang deuh in ka on nghal

Rapthlak hian, a va han tam em em ve.. engkim chu Taehyung a tang vek in

A message te chu ka chhiar vek , ka menrei phah ngei mai... Voice mail a hnutchhiah te pawh ka ngaithla vek a. Min ngaih thu a ni deuh vek lehnghal, hepa tinge hetiang hian a awm le. Min theihnghilh tawh ka lo rin rin nen