I own you My Darling (Complete)

23

Car atang chuan ka chhuk a, kan in kawt ah ka ding ran

Ka hnung lam atang a rawn kuah tu chu ka vuan ve vat a

"Kook i hriatthiam vangin ka lawm" a rawn ti sep a

A lam ka hawi a, a hmui ah ka fawp zeuh

"Ka hmangaih che lawm, chuan ka ring bawk che. Mahse kha tiang kha vawikhat mah ka hmu leh duh tawhlo nia. A thleng leh a nih...."

"Kook ka thlen tir tawh lo ang. Ka tiam che vawikhat mah. Ka hmangaih lutuk che tih hi hre reng rawh. Nangmah chauh"

Ril raih in min fawp a, ka lo chhang let ve vat. Tae hi ka ngai tawh zia hi, heti mai hian kan that leh ka ring lo hrim hrim zawk kha nia. Ni e a thiamloh pawh a nilo a chance pek chu a phu lawm. Ka hmangaih ber tan te chuan...

Sana pawh kha ka rin ang em em chuan a lo nasat loh kha, "Tae Oppa min lo kiss khan ka hamhaih lutuk a, ka lo kiss let ve tawp a. Engmah kha ka hre bik lo, chuan Tae hian tihsual a nei lo, min kiss lai pawh khan i hming a lam a sin." A ti nih kha, thildang pawh a sawi teuh mai.

An inkiss laia ka hming a lam chu lawm ruk na riau ka nei tlat pek. Insawifiah na ka ngaihthlak tawh hnuah engvang in nge hreawm taka ka insiam kher ang ni. Tae tello te chuan ka hlim bik reng reng si lo a.

Tae chu a tlan liam thleng ka thlir zui a, thlamuang takin ka mu ve thei tawh dawn a nih hi

*******

"Bawiha vawiin chu i va phur surh surh ve. Thil thleng a awm em ni" ka nu chuan a rawn ti a

"Imm ni, kinah ka hrilh ang che. Hna ah ka kal ngai tawh sia. Khawnge Soobin hi" ka ti a

"Ka hrelo Yeonjun nen khan an chhuak in ka hria"

Soobin hi chuan Yeonjun hi a ngaina ve ngawt mai

******

Ka hna thawh mawlh mawlh lai chuan Sana hi a rawn kal a.

"Sana enge ni ta, mamawh te i nei mi" ka lo ti nghal vat a, Tae in nau ang chiah in ka en a ti tho lawm, chubakah nimin vang khan a chungah ka lawm ve hrih tlat.

"Engvak mah pawh ni lo, biak lawk che ka duh a" a tih chuan ka bu nghauh a

"Min lo zui la" a tia, ka hma ah chuan a kal a ka zui ve mai bawk a. Storeroom lamah chuan min hruai a. Mak ka ti engtin nge storeroom awmna te a hriat daih theih ni. Mahse ngaih that loh na ka nei chuang lo

A phone chu a rawn ri a, "Jungkook kan chhang lawk nge aw. Saw lai ah sawn min lo nghak la" a ti a, a tih na lamah chuan ka kal nghal mai. Tikhawp a pilril ah enge maw min sawi pui a duh le. Helai phei hi chu tu vak mah an kal ngai lo hrim hrim

Ka ding deuh vang vang a,  a la rawn kal har phian. Hnathawh ka la ngai sin mawle

Ka hnungah chuan mi awm tlatin ka hria  a. Ka hawi phei chu ka thal nghal tawp. Ka lu a hai nghal chum chum mai.

Tiang hian mipakhat hian min vua a. Tihtheih nei hek lo ka tuar  tlawk tlawk tawp. Engvanga hetia min ti ve ngawt le tih ka ngaihtuah a

Ka meng riai riai a, ka mi hmuh vang chuan mak ka ti lutuk ringawt. Min sawisa tupa bulah khan Sana a lo ding reng mai

Ka nui deuh her her zui a. Ka beng bulah a rawn kun a

"I ta lo tur neih i lo tum vang a nih hi. Tilo theilo in min siam ta a ni, Heihi hre rawh Taehyung hi ka ta chauh a nih hi. Thu hnuhnung sawi duh te i nei em" nuih pah chuan a ti a, rapthlak ka ti takzet engtin nge hetia a chet theih. A lakah that ka chhuah ve a sin.