I own you My Darling (Complete)

17

Tae p.o.v

Sana nen chuan kan awmdun deuh chawt.  A ni hi high school kan kal lai vela ka kawm thin a nia. A fel em em bawk, ka nau ang mai khan ka en thin a.

Tuna min rawn be thut te pawh hi ka lawm em em...

Kan inbe rei phian a nih kha ..

Kook messages pawh ka hmu a mahse ka chhang let ta lo. Midang ka biak thu hi hrilh lo law law mai ang ka ti kha nia...

Lu na bura ka thawh vangin phone pawh en chuang lo chuan thil ka ei mial mial a...

Sana nen chuan inhmuh kan tum a, ka hman vak loh vangin ka office ah ka ko a. A rawn kal ngei bawk, a lo hmeltha tawh khawp mai...

Kan inhmu chu a hlimawm phian. A tawng duh barh barh khawp mai.. hman a Sana ka hriat nen chuan in ang lo tak an ni...

Pawn lamah kal a tih tlat vangin ka hnial ta bik lo a

Kookie nen a kan inhmuh na ah Khan ka hruai. Helai ka thleng ta chu Kook ka ngai khawp mai . Ka be tlem em em a, a lungawi lo a ngem le. Mahse ka insawifiah mai aniang chu

Sana chuan min kuah reng a, min ngaih thu a sawi reng bawk a. A chanchin te a sawi leh mawlh mawlh a, mahse ralkhat a ka thil hmuh chuan min thawng hle mai... Sana thusawi reng ka ngaihtuah thei tawh lo. Ka hmaa mi te hlim taka an inkawm chu ka thlir dauh dauh a ni mai...

Ka en tlawk tlawk a, hei vang hi em ni ang Kookie hian min lo hmangaih miah loh nachhan. Saw pa saw Eunwoo a mi khah a hma pawh Khan a duh thin kha nia. A lo la theihnghilh lo aniang maw. Ka hrethiam ta e tunah chuan

Engmah sawi lo in Sana chu ka let pui nghal nal nal

******

Cafe ah Khan na tak in ka tawngkhum a nih kha.... A buai vang a sawi a tum kha ka duh lo, chhuanlam tur a tan chuan a tha lo.

Dawr atanga ka chhuak te pawh min thlir reng chuan ka hria. Ka thinrim ve bawk em a ni, mahse  Kookie ka hmuh hian ka lo danglam leh hman thin ber hi a ni ..

Ka thinrim zia hi hre ve turin ka duh mahse keimah zawk hian ka thei leh dawn lo tih ka hriat avangin ngaihsak vak lo law law kha tha ka tih zawk vangin dawr ah pawh ka tlawh lo a ka be hek lo.

Min rawn biak a tum leh lawi bawk silo, va biak rikngawt kha ka ti laklawh ve tawh tlat...

Hna ka thawk nasa a, ka in tibuai chawp ni zawk mah in ka hria.

Vawiin chu Sana in thil pawimawh hrilh tur che ka nei a tia, inhmuh a duh a. Hna thawh reng ai chuan tiin ka lo pawm ve mai bawk a. A dawrah a awm thu a rawn sawi a. Ka in khalh chhuak ve mai a.

Sana hi designer lar ve zet mai a lo ni tawh a, tawngkam a thiam in a thawmhnaw design vel te hi mi hian an duh hlawm em em a.  Tawngkam thiam han tih kha chu a tir chuan ka awih lo lek lek. Kan inkawm Lai vel kha chuan zakzum tak kha a ni miau a...

A dawr ah chuan ka va lam ta ngei a. A phur hmel fu lehnghal

Ahma a ka hruaina park ah kal a rawt deuh tlat a.  Ka hruai ta tawp

Kan thlen a thutna lo awm lam chu kan pan a, Kook leh Kha pa phiangsen kha ka hrechhuak nghal. Ka inhum ruh tun a

"I sawi duh chu han sawi la" Sana lam en pah chuan ka ti a a zam hmel ten Nia ka hriat

"Ihhh Tae i hria em i chunga ka lawm zia hi. Awm lo la chu tun dinhmun hi ka ding hauh lo ang. Kawm tur ka neih loh lai in min kawm hlim a, ka tan chuan i hlu takzet. Ka thuruk te ka hrilh vek thin che a mahse thil pakhat zep ka la nei a, chu chu hrilh che a hun tawh in ka hria. A hma kha chuan ka dinhmun in a zir loh vangin sawi chi ah ka ngai lo a...." A chawl dat a