كيف تصطادين عريسا

الحلقة الاولى

اصاله تبكي وتصيح علي حسها 😭😭😭
حناها مبروكه: تتييي خيرك قلبتي الحوش والجيران جونا من عياطك
اصاله: بالله خليني يا حناي نبكي علي حالي ترا
مبروكه: اهاااااا قصدك تبكي علي خطيبك يلي مات بعد اسبوع من الخطبه
اصاله:مقدمك يا حناي مش علي خاطره ليه سنه الله يرحمه
مبروكه حست ان ام اصاله جت اسمها سميره
مبروكه: هييييي يا بنيت ولدييي بالله بخثك مايل زي حناك كان هذا حناك ما طيحش ف كنة زي امك
سميره: ت خيرك واصل صوتك لي اخر جار
اصاله: ااااه ياا يماا حظي يلي خاش ف حيط
سميره: هييي بالله امالا حظ امك شنن
وناضت فيها مبروكه
طلعت اصاله تندب علي حظها
مبروك بو اصاله: ويين ماشيه
اصاله... خلي نعرفكم علي اصاله
اصاله بنوته عفويه وحلوة وعسل بس كل مشكلتها أنها مش انيقه وتلبس ع الدقه القديمه
انخطبت قبل سنه وخطيبها توفى
امها اسمها سميره وحناها مبروكه وبوها مبروك هي راس بنيه عايشين ف حوش وسط
خريجة اقتصاد تخدم ف مصرف وعندها سياره
صاحبتها الانتيم رنا
حظهم الزوز خاش ف حيط
الروايه فكاهيه تحكي علي حياة بنت تبي تتزوج عن حب وتعيش قصة حب حلوة ❤
.
.
مبروك:ويين ماشيه
اصاله: بنمشي لي رنا
مبروك: باهي ماتعطليش
اصاله : باهي .
حوش رنا ما كانش بعيد ع اصاله
اصاله اطق ف الباب طق طق طق كانت قريب تقلعه 🤣
تسمع في مني بس وراها يعني مش ف الحوش
اصاله: بسم الله
عبدو كان جاي للحوش من الشارع التاني
عبدو ولد عم رنا: هوا انتي يا شينه بالشويه ع الباب قلعتي امه
اصاله:اني نبي رنا وبالله ماطيرهاليش لانه بنفش خلقي فيك راه
عبدو: باهي به
فتح الباب بالمفتاح
لانه كان حوش جده لوطه وفوقهم حوش عمه يلي هوا بو رنا وفوقه حوشهم
عبدو : تفضلي
اصاله: مش متفضله بنكلم رنا تنزلي
عبدو:بري يا شينه يا فزاعه زيك زي رنا
اصاله: برا يالله ربي يطيحك ف مرا فزاعه حرررف منا حني حسبي الله فيك
عبدو خاف طلع يجري
أصاله تبكي
رنا: خيييرك
اصاله: انزليلي اني البرااا
رنا: باهي نازله
رنا نزلت تجري خبطت ف عبدو
عبدو : فزاااعه
رنا نزلت راسها بحزن ومشت وخلاته
عبدو ركب يضحك ولا كأن
بس رنا حزن ف قلبها كبير
اصاله : ااااه يا رناااا صاحبتك حظها حمااار
رنا ناضت تبكي معاها وحضنتها: وراسك الا احرف منك
ركبو فوق وف دار رنا
عشره دقايق فاتت هكي: 😭😭😭😭😭😭😭😭😭😭😭😭😭😭😭
رنا: احكي شن فيك
أصاله: ريتي الولد يلي ليا شهرين نكلم فيه
رنا: ايه حقا قلتيلي ان اليوم بتتلاقو
اصاله: تلاقينا وياريت ماتلاقينا 😭😭😭😭😭😭
رنا: شن صاااار احكييي
خلي نرجعو قبل سااعات
اصاله كانت ف المصرف
الولد يلي تلاقت معاه اسمه علي
علي:حبي عاد بلا حشم راك بتوقفي عليا
اصاله: أاأن ش شاء الله اني طلعتلك قدام المصرف لابسه وشاح برتقالي
علي: برتقالي؟
ف خاطره في حد يلبس برتقالي هالوقت
وجت عينه عليها هي الوحيده يلي لابسه وشاح برتقالي
علي زمط ريقه وسكر الخط
اصاله: الو الو
اصاله شافت حد ركب سيارته وطلع طول
اصاله:زعما هوا☹☹ مش عارفه خيره سكر
وخشت للمصرف تخدم لحد ماجاها مسج .
.
الراجل: آنسه يا آنسه نكلم فيك لو سمحتي
واصاله شاده التليفون وتقرا ف المسج يلي جاها زي الصدمه
علي: الحق اني ماعجبتينيش رايحه اضحكي😂😂 المهم ياريت تفوتيها بروح رياضيه وياريت تنسيني باي
رنا: الحقيييييير
اصاله: التافه حسبي الله ونعم الوكيل فيه
رنا:انتي اقوا من ان يقهرك حقير زي هذا
اصاله: وجعتني
رنا: مايوجعك شي فوتيه البهيم
اصاله: وانتي خير مصيبتك غير بكيت ولا نضتي تبكي معاي
رنا: نحبه ي اصاله وهوا يستهزأ عليا ويقولي فزاعه ولا عمره حس بيا ولا شافلي حتى بربع العين
اصاله: هذا عبدو الخرا قالي فزاعه حتى اني
رنا: اااخ وخلاص
اصاله: عندي وحده ف المصرف اسمها ساره كلهم يجرو وراها
رنا: كيف سبحان الله
اصاله: مش عارفه لكن تو نسألها
رنا: شن بتسأليها يا هبله
اصاله" لالا عيب خلاص
وقعدو يهدرزوو وفات الوقت
اصاله: حي يا حي تأخرت
رنا: امالا هيي
اصاله: سلامات نشوفك ان شاء الله
رنا: ان شاء الله .
.
وهي ف طريق تجي قدامها سياره وكانو الشوارع ضيقات
وقفت اصاله مش تفوت السياره
السياره كانت معبيه مفررخ
واحد من المفرخ: ت شوف الشينه شوفف
التاني: مش طالعه عليك السياره هي تهبل وانتي تخوفي
اصاله نزلت دمعتها وفاتتهم وشلشت عليهم
روحت لقت حناها ف دار وامها ف دار وبوها شاد التفزيون
خشت لي دارها ووقفت ع المرايه
وشافت لي كتاب كيف تصطادين عريسا ويلي طبقاته كله ومافيش امل
نحت الوشاح البرتقالي الوشاح الوحيد يلي عندها
شافت شعرها المشفشف والارهاق تحت عيونها وبشرتها التعبانه
اصاله: علاش ياربي اني هكي☹ مش زي البنات يلي نشوف فيهم
قعمزت تبكي وخداها النوم ورقدت .
اما عند رنا
مقعمزه ف طاولة الجنان تكتب ف المذكره الصغيرونه متاعها وتعبر ع حبها لي عبدو
عبدو : بخخخ
رنا سكرت المذكره بسرعه : بسم الله انت شن جيبك
عبدو: حوش جدي
رنا: مبردك
عبدو : شن في ف المذكره
رنا: مدخلكش
عبدو جي بياخد المذكره
وقعدو يتصارعو عليها
لحد ما جي وجهها ف وجهه
رنا قعد مصدومه تشبح لي عيونه السود وحواجبه لحيته الكثيفات وتحس بأنفاسه
عبدو وخير:واااك عليك حظ طول عمري نتمنى تصيري الحركه هكي مع وحده جميله
رنا خدت مذكرتها وركبت لي دارها
رنا: محقره عادي اصلا الشكل يعطي فيه ربي ☹ والجمال مش كل شي
قعمزت ع سريرها تخمم
رنا:اوووف اني ديما نطمن ف روحي واني للاسف مش ح يشبحلي بربع عين اصلا ☹كلهم يقولو ان الروح احلا شيء بس ف الاخير يدورو الجمال
ورقدت ع خيبة امل زي صاحبتها اصاله .
الصبح .
اصاله تجري وتلبس ف الوشاح البرتقالي وطبعا لبساته مايل كالعاده
اصاله: صباح الخير حناي
مبروكه : من وين الخييير ومن لما خديت امك لي ولدي ترقد للقايله حتى فطور ماداراته
اصاله: هي سلام حناي معاش وقت عليا
مبروكه: تت تعالليي ي فرخه زيك زي امك شن طيحني فيها بسسس ياريتني غير خديتله بنت لامعه جارتي
سميره: هي تعالي افطري ولا خلي بنت لامعه تجيبلك الفطور
مبروكه: وانتي من قالك تتصنتي عليا
سميره: لا حول ولا قوة الا بالله .
.
قعمزو يفطرو
وسميره تلقح ومبروكه تلقح
ومبروك مابيناتش يسمع وساكت
وفجأه
مبروك: خلاااااااااااص شن هذاااا حرقتولي دمي عايش بيناتكم ف الهم والنكد وانتم تتعاركو
وطلع وخلاهم
مبروكه: ها كله منك
سميره طلعت ورا مبروك
اما عند اصالة
اصالة تخدم ولاهيه
سامي: هاي
اصالة: شن هاي اشحط روحك
سامي: نشحط روحي ونولي زيك يعني
اصالة: يعني نبدلو الادوار لانه انت انوثه اكثر مني
سامي يمضغ ف المستكه: لو سمحتي احترمي نفسك
اصالة: اقلب وجهك عليا ترا ما تنساش ان اني يلي عطيتك الخبره
سامي: به وانتي اذلي فيا شرط عليك المدير انك تعلميني
وحدف عليها وراقي
اصالة: شن هذا
سامي: عدليهم ويبيك المدير ف المكتب
وفات يتلوى زي البنيه 😂
اصالة : خزي علي هالمنظر يبي ترباية من اول وجديد
عند رنا
رنا:بابا
احمد: نعم
رنا: اني قررت نخدم
احمد: والله باهي مليح بكل واخير اقتنعتي
رنا: ايه
احمد: بس فوتي المصرف واخدي ف شركتنا اولى
رنا: لالالالا
احمد: بتزعليني منك؟
رنا: لالا بابا الا زعلك عاد
رنا: ايوا كان تحبيني اخدمي ف الشركه
رنا: تمام
وطلعت تجري لي دارها
رناا: حييي امالا شن درررت بنخدم مع عبدوووو ماسد ف الحوش ف وجهي ماسد ف الشركه ياربي معاش نحبه ياربييي خلاص انييي .
وتتصل ب اصاله واصاله ماتردش .

ساره: اهلين
اصاله: اهلين
ساره: اني بنت المدير هنايا
اصاله: اه هوا انتي اوك خ نبدو ف التدريب من توا
ساره: شويه شوي خلي نتعرفو قبل
اصاله : اه اوك عادي
ساره: اني ساره عمري 23 سنقل زي ماتشوفي فيا عندي عشق للبس والمكياج مش طبيعي
اصاله: اني اصاله
ساره: بس
اصاله: اعذريني شوي مضايقه
ساره : سلامتك شن رايك نطلعو نحكو البرا
اصاله: لالا خلي ندربك اليوم حتى شوي
ساره: اوك بشرط نطلعو بعدين
اصاله: تمام
وقعدت ادرب فيها وساره هايمه ف اصاله
ساره: تعرفي ي اصاله فيك رسمة عين ابداع
اصاله: واااك اني من بكري نخرف ونشرح وانتي تقوليلي رسمة عين
ساره: لالا والله فهمت الورقه قلتيلي نرفعها للي اسمه سالم ولا
اصاله: ايوا تلقي مكتبه ف جيهه هي
ساره:تمام
خدت الورقه ورفعتها وفتحت الباب طول خشت
ساره ف خاطرها : حي هذا المسموم القليل الاذب
سالم: اظن من الاحترام ان تستأدني مش تخشي هكي لا طقان ولا شيء
ساره: مش مجبوره نطق هاك هادو الوراقي
وحدفتهم ع الطاوله حدف
سالم وقف وبغضب: تعاااامليييي معااااي بأسلوووب والا تشوفي وجه عمرك ما شفتيه
ساره ولا هزلتها شعره: شنو شنو شكلك انت مش عارفني اني
سالم: ت من تكوني مجرد وحده مستفزه وماتعرفش الاسلوب اللبق
ساره: اولا الاسلوب اللبق خليتهولك انت يلي امبكري تقلب ف عيونك وتكشخ تانيا اني بكلمه نقلعك
سالم:هههههههههههههههههه ضحكتيني والله تقدري تنحي نائب المدير واليد اليمين ليه
ساره: ف نهاية انت نائب بابي وبابي يقدر ينطرك
وطلعت خبطت الباب قريب قلعاته
سالم:يااااربي اني حاير كيف ماضربتهاش بس ما تحسابش بوها اني يلي نقدر انطره من المصرف في ورق بس يمشي للوزاره