كيف تصطادين عريسا

الحلقة الرابعه

رنا تجري : اصاله الحقي الحقير عمر جاي هوا ومرته وصغاره توا
اصاله تفكرت كيف قاللها مرته تخلت عليه واماليه كذلك وان فيه السرطان وجاي مع مرته لي كافي
يعني كله كذب ووهم بس يبي اصاله ترجعله
خش عنر ومرته وصغاره
رنا: اصاله اصاله نوضي نطلعو خير
اصاله بصوت عالي: والله ماهو بارد بيها
خدت طاسة الميه
يزن: علي علي ام عمر انكشف حييي حييي
فراس: انكشف شن
اصاله بزعت الميه ع وجه عمر: ع فكرة انت حقير وزفت وخساره فيك المسكينه والصغار الصغيرين بوهم كذاب ومنافق وكلب
وطلعت طلعت وراها رنا وساره
يزن انتبه لي رنا ودار روحه ماشافهاش بس هي شافاته وعرفت كذبته مع عمر
اصاله: الحمد لله الحمد لله ما انخدلتش فيه وتزوجته
رنا: الحمد لله
ساره: تتفكري لما شبعنا فيه طريحه
اصاله: ايه وكان نلقى نعطيهاله تاني
رنا: هيا خلي نمشو للسوق نشرو
ساره: اييه اصاله راسي ورااسك لين اديري نيو لوك
وطلعو للمحلات
____
يزن يهدرز
وفراس عقله ف اصاله و كيف بيوصللها مره تانيه مايحسابش ان هي يلي ح دربه
___
المغرب اذن
اصاله: تنزلي هي
رنا: رجليا تهرسو
خدت الكياس كانت بطيح من كترتهم
عبدو: باهي يلي تفكرتي تروحي
وخدي منها الكياس
لحظة صمت لحد ماركبو فوق
عبدو حط الكياس وعيونه ف رنا لعل وعسى تقول كلمه
عبدو عطي بظهر بيزل
وقف يستنى
عبدو: تغيرتي هلبا
رنا: هكي احسنلي
عبدو: تمام
ونزل
رنا ف قلبها الف غصه كان بودها تقوله كل شي تغير فيا الا حبي ليك قاعد زي ما هوا
___
ساره سكرت سيارتها وتنزل ف الكياس جت الخدامه خدت منها وخشو
محمود مقعمز ف الصاله رجل ع رجل ويتفرج
ساره قعمزت جنبه
محمود ينفخ: قاعده مقتنعه
ساره: ولا ح نقتنع
شرين تليفون محمود
كان مكتوب حبي 2
خدي محمود التليفون طول ويحساب ساره ماشافتش
ساره تنهدرت وركبت لي دارها
فتحت الدولاب وطلعت شال امها وشماته
وتبكي
ساره: الله ياماما قداش تحملتي من بابا من خياناته بس يلي تهد الحيل
____
اصاله روحت
نحت وشاحها ومهدوده من عملة عمر الكذاب
سميره: ها بنتي واخده حاجات و خيره وجهك
اصاله: فتحتي الموضوع مع بوي
سميره: ع عمر لا قلتله لما تجي اصاله نقولك شن في
اصاله: فوتيه
سميره: كيف
اصاله: تعالي لي داري نحكيلك ونوريك ملابسي الجدد ونيو لوك يلي دارتهولي ساره
خشت لي دارها وحكتلها
سميره: الحمد لله ربي كشفته نيتك صافيه وفكك ربي منه
اصاله: الحمد لله
طق الباب
سميره بتنوض
اصاله: لالا خليك نفتح اني وانتي تفرجي ع ملابسي
سميره: باه
اصاله: منو
خديجه: اني جارتكم خديجه افتحيي
اصاله بصوت واطي: شن جيبها هالفزاقه مبردها ومثقل دمها شتبي
اصاله فتحت الباب: تفضلي
اصاله فتحت الباب: تفضلي
خديجه: خيرك العفو بشويه
اصاله: ان شاء الله خير
خديجه: خيير بنيتي عرفتيها دعاااء
اصاله: اممم
خديجه: يلي اصغر منك ب مية عام عرسها الاسبوع الجاي هاك البطاقه مش تتفضلو
اصاله: اها يعني بتزوجيها قاصره وبعدين امتى توليلك علي شي تافه قولي ووه
خديجه : بعيييد السو علي بنيتي الحسسد ماك كبيره عانس ندادك بصغارهم
اصاله : بسلامه
وسكرت الباب
خشت لي امها تجري
اصاله: ملاااخير كيف جبتي بوي لطريق
سميره: اسم الله خيرك من جي
اصاله: قوليلي نقولك
سميره: ايه بالله زمان كنت ف تانيه ثانوي كنت معانديه هلبا ومانخافش وبوك ولد جيرانا كنت هايمه فيه كنت ندير ف معجون علي فمي مش يولي احمر ونقرص ف خدودي ونبتسمله مره تنين جاني وكلمني كان يعطي فيا ف الرسائل لما نروح من المدرسه
اصاله: به وبعدين كيف خطبك
سميره: كبسني جدك الله يرحمه نبتسمله
اصاله: شن صار
سميره: دخلني عطاني طريحه نباش القبور
اصاله: بوي خطبك بعدها
سميره: اي جي خطبني ووافقت كملت ثالته ثانوي عنده مع جداك مبروكه يلي ركبتلي حاله نفسيه كرهت روحي ان تزوجت صغيره والله يابنتي خيرتك ماتزوجتيش بكري
اصاله شافت لوطه:عييت من قولة ياعانس
سميره:انتي مش عانس انتي شفتي الشين والزين وتعلمتي وعشتي حياتك ولما تتزوجي ح تعرفي كيف تتصرفي
اصاله: ان شاء الله
سميره: قوليلي من جي بكري
_____
رنا: ماما
سهى: نعم
رنا: بابا وين
سهى: طالع هوا وصحابه بايت برا
رنا: باه اني بنطلع نسيق الدروج
سهى: ليل فوتي
رنا: لالا غدوه عمل
سهى: باهي ربي يعاونك اني بنخش نرقد
رنا: تصبحي علي خير
سهى؛ وانتي من اهلو
رنا تغني: بصراااحه انا مش على بعضي عايزك تحضني وتقرب مني
وتسيق والجو جميل وتغني بصوت عالي
وعبدو مقعمز ف الطاوله يسمعلها وهوا اصلا قعمز فيها يستى امتى تنزللها
وف لحظه
تنزلق رنا وتجي طايحه
رناا: ااااااي
عبدو يجري: يااساتر
رنا غايبه ع الوعي
عبدو حط ايديه ع راسه وعيونه دموع وجهه بينفجر : ياااربي
خدي رنا بين ايديه: خااالتي سمى خااااالتي سمى
ماتردش
عبدو كان ح يموت وقتها مش عارف كيف يدير يرفعها بروحها ف هاليل ما فيش كيف حطها لوطه وركب يخبط ع الباب
سمى فيها النوم:منو
عبدو: افتحييي البسي وشاحك وعبايتك والحقيني
سمى ترعش : شن فييي شن فييي
عبدو: رنا طاحت ف الدروج
سمى تجري لبست ونزلت ورا عبدو
وعبدو رنا بين ايديه
دموعه يقطرو عليها
ايه بكي ف لحظه بس يعرف الإنسان قيمة الشخص يلي يبعد فيه طول الوقت اللحظه هذي امتى تحس انك ب تخسره
يسوق بعصبيه ويتلفت لي رنا وكان مداير المرايه عليها
سمى وتبكي: ي ي يا عمري يا بنتي من بكري دايخه ي حليلي وحيدتي
سمى وتبكي: ي ي يا عمري يا بنتي من بكري دايخه ي حليلي وحيدتي كان يصير فيها شي ح نموت
عبدو دموعه يقطرو ويمسح فيهم مش قادر يبطل ومش قادر يفهم كيف وعلاش الدموع هي مجرد بنت عم ماتحبهاش علاش المشاعر هذي كلها
___
ساره الخدامه اديرلها ف اظافرها
التليفون يشرين رقم غريب
ساره: شن تبي من انت
سالم: كويس اكتشفت ان مش اني بس تعاملي فيا هكي
ساره: من انت
سالم: اني سالم مش متصل ع سواد عيونك لا ماتخافيش
ساره: اولا للعلم عيوني مش سود تانيا شن تبي متصل توا
سالم: في ورقه مهمه ماجبتيهاليش بكري
ساره: مش عارفه مانتفكرش
سالم: راعي بقر مايجيب خبر
ساره: ع فكره انت قليل ادب
سالم رقق صوته : نننننن ع فكره انت قليل ادب
ساره سكرت الخط : الحقييير هوا معقوله ساره في ولد يكلمها هكي ساره الرقيقه الجميله
الخدامه: ساره انتي ماما كيوت كتييير
ساره: يعمري انتي كلهم عارفين الا الحمار هذا الله غالب ماعلينا
___
عبدو يهز ف رجله كان ح يتفجر شاد دموعه بالسيف كان بوده يقول لي رنا الف اسف
الدكتور طلع
سهى: الله يربحك طمي يادكتور
الدكتور: ماتخافوش مافيش حاجه خطيره
عبدالله: كيف حالها فاقت؟
الدكتور: لا حاليا عندها شعب ف رجلها يعني لازم جبس وكدمات درنالها الواحب وان شاء الله تنوض بالسلامه
سهى: يارب
عبدو: يارب خير يارب
_____
الصبح
عبدو راقد ف السياره
احمد يطق؛ عبدوو عبدوو
عبدو فاق وفتح روشن السياره : ع عمي
احمد؛انزل هيي بنركب لي رنا ومانعرفش الغرفه
عبدو : هيي
احمد: علاش ماروحتش
عبدو: ه هذا هوا خفت يحتاجو شي
احمد: يهديكم الله وماتقولوليش الا توا
____
الصبح اصاله لبست لبستها الجديده
سميره: خيرك تأخرتي ع العمل اليوم
اصاله: ياهمي ماعرفتش كيف نمشي بالكعب كويس
سميره: عادي تتعودي بسرعه تأخرتي
وطلعت للعمل
___
رنا بصوت تعبان: اني كويسه ماتخافوش
احمد: يهديهم ربي ماقالوليش
سمى: عادي اهو عبدو ربي يحفظه قام بالواجب
رنا: جابني عبدو؟
سمى : ايه
___
محمود: اهلا وسهلا نورت المصرف
فراس: الله يبارك فيك النور نورك والله
محمود: سامحنا البنت يلي بدربك تأخرت شوي
فراس: عادي مش مشكله
اصاله اطق ع المكتب
محمود: تفضل
اصاله : السلام عليكم
فراس ومحمود: عليكم السلام
فرااس: حييي هوااا انتييي
اصاله: الله ع الصدفه الغريبه
محمود: تعرفو بعض ؟
فراس: بصراحه مكدا مره تلاقينا قبل وبعديين في نيو لوك وكدا
اصاله: ايه نوعا ما نيو لوك
فراس: طالع عليك
محمود: احم احم خلي معاكم ساره بنتي نبي خبرتها تكبر
اصاله: ان شاء الله
فراس: هيي عن ادنك اني بنشوف شغلي
محمود: تفضل